Umuryango wa Jean Damasc\u00e8ne Niyonzima ntuvuga rumwe n\u2019inzego z\u2019igipolisi ku mvano y\u2019urupfu rwe. Polisi y’u Rwanda iravuga ko uyu yarashwe nyuma yo gufatirwa mu cyuho avuye kwiba agashaka kurwanya abapolisi, mu gihe abo mu muryango n\u2019abaturanyi bavuga ko amakuru y\u2019urupfu rwe yamenyekanye amaze iminsi 4 mu maboko ya polisi.<\/p>\n\n\n\n
Niyonzima Jean Damasc\u00e8ne wari utuye mu murenge wa Kamembe mu karere ka Rusizi vyatanguye kuvugwa ko yapfuye ku cyumweru tariki ya 19 y\u2019uku kwezi kwa kane binyuze mu bitangazamakuru bikorera mu Rwanda.<\/p>\n\n\n\n
Kuri uyu wa mbere CIP Bonaventure Karekezi uvugira igipolisi mu ntara y\u2019Iburengerazuba yavuze ko uyu mugabo w\u2019imyaka 28 y\u2019amavuko yarashwe muri masaha y\u2019igicuku ashyira urukerera ahagana isaa munani z\u2019ijoro.<\/p>\n\n\n\n
Uyu muvugizi wa polisi agakomeza avuga ko nyakwigendera yafatanywe bimwe mu byuma by\u2019ikoranabuhanga yari yibye mu kagari ka Kamashangi gaturanye n\u2019aka Gihundwe yari asanzwe atuyemo; ibyo igipolisi kivuga ko yafatanwe birimo televiziyo, nyuma agashaka kurwanya umupolisi amukubita icyuma cya “fer-a-beton” yari yitwaje, undi nawe amurasa mu buryo bwo kwitabara ahita apfa.<\/p>\n\n\n\n
Ibi ariko Madame Nyiranzeyimana Christine, umugore wa nyakwigenera ntiyemeranya nabyo. We avuga ko yatunguwe no kumva ko umugabo we yarashwe avuye kwiba, nyamara yari mu maboko y\u2019igipolisi cyamutwaye ku itariki ya 15, ni ukuvuga iminsi 4 mbere y\u2019urupfu rwe.<\/p>\n\n\n\n
Amakuru y\u2019itabwa muri yombi rya Bwana Niyonzima mbere y\u2019uko yicwa arashwe n\u2019igipolisi kandi anemezwa na bamwe mu baturanyi barimo n\u2019abari kumwe nawe ubwo imodoka y\u2019igipolisi yamutwaraga imukuye ku muhanda.<\/p>\n\n\n\n
Yaba umuryango we n\u2019abaturanyi bakavuga ko batiyumvisha uburyo uyu Niyonzima yaba yaratorotse inzego za polisi zari zimufite akajya kwiba. Abo rero bagasaba ko hakorwa iperereza ku rupfu rw\u2019umuntu wabo bagahabwa ubutabera.<\/p>\n\n\n\n
Ijwi ry’Amerika ryagerageje kuvugana n\u2019urwego rw\u2019igihugu rushinzwe ubugenzacyaha mu Rwanda, RIB, ku birebana n\u2019iri perereza umuryango n\u2019abaturanyi ba Bwana Niyonzima basaba ko ryakorwa. Madame Marie Michelle Umuhoza uvugira uru rwego yadusobanuriye ko agiye gushaka amakuru arebana n\u2019iyi dosiye akaza kutuvugisha; nyuma twagerageje kumuhamagara ku murongo wa telefone ntibyadukundira kuko ititabwaga, ndetse n\u2019ubutumwa bugufi twamwoherereje ntiyabusubije.<\/p>\n\n\n\n
Iki kibazo cy\u2019abakurikiranweho ibyaha bicwa barashwe n\u2019inzego zishinzwe umutekano mu Rwanda bikavugwa ko bagerageje kuzirwanya si gishya haba aha mu karere ka Rusizi yewe no mu tundi turere tw\u2019u Rwanda; bamwe bakanashinja izo nzego gukoresha ingufu z\u2019umurengera, uretse ko hari n\u2019abatabura kwibaza impamvu aba bataraswa mu buryo bwo kubaca intege bitarindiriye ko bicwa.<\/p>\n\n\n\n
Aha ariko urwego rw\u2019igipolisi rugaragara kenshi muri ibyo bikorwa rukunze kumvikana ruvuga ko mu gihe umupolisi uri mu kazi asagariwe n\u2019ukekwaho icyaha yemerewe kwitabara mu buryo ubwo ari bwo bwose.<\/p>\n\n\n\n
Inkuru yateguwe n’umunyamakuru w’Ijwi ry’Amerika Th\u00e9mistocles Mutijima<\/p>\n\n\n\n