Kugerageza kugaragaza isura nziza y\u2019u Rwanda muri RWANDA DAY ubwabyo si igitekerezo kibi. Ikibazo ni ukwangiza nkana isura y\u2019igihugu warangiza ugashaka kwigamba ubumanzi udafite.\u00a0Ibyo Kagame n\u2019Agatsiko ke barimo i Londres, nk\u2019uko mu myaka yashize bari i Boston, Paris\u2026. ni ubuhendabana budafite \u00a0agaciro na gake\u00a0 kuko\u00a0\u201c u Rwanda-Paradizo<\/b>\u201d baba bashaka kwereka Abazungu isi yose yarangije kumenya ko rutabaho ! Icyakora bimaze kugaragara ko icyo gikorwa ngarukamwaka ntacyo cyinjiza mu isanduku y\u2019igihugu ahubwo kiba kigamije gusesagura udufaranga twavuye mu misoro ya rubanda mu kwihera ikiraka indege bwite za Kagame no kumwihera we n\u2019inkoramutima ze amafaranga atubutse ya misiyo, bakajya kubyinira Abazungu, nk\u2019aho aricyo kizakiza u Rwanda\u00a0kikaramira n’imbaga Abanyarwanda bakeneshejwe bakaba bari kwicwa n’inzara !<\/p>\n
Mu by\u2019ukuri impamvu nyamukuru ikomeje gutuma ubutegetsi bw\u2019Agatsiko budashobora kugira isura nziza, ari imbere y\u2019Abanyarwanda ndetse n\u2019imbere y\u2019Abanyamahanga, ni politiki ruvumwa y\u2019IRONDAKOKO n\u2019IRONDAKARERE ikomeje guhabwa intebe, igapyinagaza Abenegihugu itaretse no gutesha u Rwanda agaciro mu ruhando rw\u2019amahanga.<\/p>\n
Icyitonderwa\u00a0:<\/b><\/p>\n
Abanyarwanda bose ntibabona kimwe ikibazo cy\u2019irondakoko n\u2019irondakarere. Niho kibera ingorabahizi. Abo kitabangamiye bibwira ko kitariho\u00a0! Ikibazo cyo kuvangurwa kiremerera abo kibayeho (victimes) \u00a0gusa\u00a0! Akenshi\u00a0 abahohoterwa ni abo ubutegetsi buriho buhindura ba NYAMUKE (hashingiwe ku bwoko cyangwa ku ruhande rwa politiki begamiye). Abo nibo bazi uko kuvangurwa no kwigizwayo biryana, ariko iyo babivuze basaba kurenganurwa \u00a0abo icyo kibazo kitageraho barabannyega cyangwa se bakabyita amakabyankuru.<\/p>\n
I.Ikibazo cyatangiye ryari ?<\/b><\/p>\n
Ntabwo dutinda ku ngoma zabanje kuko nyine zitakiriho bityo tukaba nta muti w\u2019iki kibazo tukizitezeho!<\/p>\n
1. Sinirirwa mvuga menshi \u00a0ku ngoma ya cyami, kuko ntawe uyobewe ko icyo gihe ubutegetsi n\u2019ibyiza byose by\u2019igihugu byari\u00a0 byarikubiwe n\u2019igice gito cy\u2019Abatutsi bari bafite ubwami, benshi mu Batutsi bakabyungukiramo, Abahutu n\u2019Abatwa bo bakogerwaho uburimiro. Twibuke kandi ko ubwami bugeze no mu marembera bwakomeje guhakana nkana ko nta kibazo \u201chutu-tutsi\u201d kiriho.<\/p>\n
2. Byakunze kuvugwa ko Repubulika ya mbere yashyize ingufu nyinshi mu \u00a0guteza imbere “rubanda rugufi” rwari rwiganjemo Abahutu bari baratsikamiwe, ariko Abanyenduga baza gushyirwa ku ibere kurusha abandi. Politiki y’iringaniza\u00a0yafashwe nk’iyari igamije gutonesha Abahutu no kwigizayo (exclusion) Abatutsi.<\/p>\n
3. Repubulika ya kabiri yo ikunze gushinjwa kuba yarahisemo kwiyubaka ishingiye ku gisilikari cyiganjemo Abahutu bo mu rukiga, abandi bakabihomberamo. Kuba Habyarimana yarahariye \u00a0Abatutsi ubucuruzi bw’igihugu kandi akagaragaza ubushake bwo gushyikirana na FPR ku bibazo by’uburenganzira bwa minorit\u00e9-tutsi, ntibyabujije intambara yatangijwe n’Inkotanyi mu 1990 gukaza umurego no gushyira igihugu mu kaga gakomeye.<\/p>\n
4. Repubulika ya Gatatu ya Paul Kagame yo yarushijeho gukomeza ikibazo cy\u2019irondakoko n\u2019irondakarere. \u00a0Kuyitindaho birakwiye kuko yo ikiriho kandi ikaba ikomeje gusenya igihugu, umunsi ku wundi. Reka twibukiranye bimwe mu byerekana uruhare rwayo mu kwimakaza politiki y’irondakoko n’irondakarere :<\/p>\n
(1)Ubutegetsi bwa Kagame bwahisemo kwiyubakira ku bantu bake cyane b\u2019Indobanure z\u2019Abatutsi, b’abasilikari, biyita Abasajya kuko babyirukiye mu buhungiro mu gihugu cya Uganda. Abaturutse Uganda bitwarz nk’aho aribo bafite agaciro kurusha abandi Banyarwanda.<\/p>\n
(2)Kagame n\u2019Agatsiko ke biyemeje kubakira ubutegetsi ku gisilikari (n\u2019igipolisi) \u00a0kiyobowe n\u2019Abawofisiye b\u2019Abatusti gusa.<\/p>\n
(3)Bafashe icyemezo cyo gushyira imyanya yose ifatirwamo ibyemezo kimwe n’ihemba amafaranga atubutse (yo mu nzego zose z\u2019ubuzima bw\u2019igihugu) mu maboko y\u2019Abatutsi gusa.<\/p>\n
(4)Bahisemo ko Leta irihira amashuri yisumbuye na Kaminuza abana b\u2019Abatutsi bonyine kuko aribo bavugwa ko barokotse jenoside bonyine.<\/p>\n
(5)Mu gihe Leta y\u2019Agatsiko yahisemo gushingira politiki yayo ku gitekerezo cya jenoside yita ko yakorewe Abatutsi bonyine, yafashe icyemezo cyo gutwikira ikibazo hutu-tutsi ikoresheje ingengabitekerezo yise iy\u2019ubumwe n\u2019ubwiyunge by\u2019abanyarwanda. Bityo umuhutu urengana iyo abajije ikibazo cye ashinjwa kubangamira ubumwe n\u2019ubwiyunge by\u2019Abanyarwanda !<\/p>\n
(6)Bahisemo gukoresha Inkiko Gacaca bazishinga gucira Abahutu bonyine imanza zibahamya icyaha cya jenoside hagamijwe gusenya bidasubirwaho umuhutu wese ujijutse cyangwa wifitiye umutungo.<\/p>\n
(7)Bahisemo politiki zinyuranye (politiques publiques) zibangamira rubanda rugufi hagamijwe kubicisha inzara no kubabuza umutekano ku buryo buhoraho (kubarandurira imyaka, kubasenyera amazu, kubategeka gutanga \u00a0imisanzu,amaturo n\u2019amakoro by\u2019urudaca)<\/p>\n
(8)Hashyizweho amategeko afifitse agamije kubuza ubwinyagamburiro Abahutu (n\u2019Abatutsi bashyira mu gaciro), nuko hahimbwa ibyaha bidasobanutse ariko byacishije benshi umutwe (ingengabitekerezo ya jenoside, gupfobya jenoside, gukorana n’imitwe y’iterabwoba….).<\/p>\n
(9)Leta y’Agatsiko yahisemo gushyingura no kwibuka Abatutsi gusa bishwe, ihatira Abahutu kudashyingura mu cyubahiro \u00a0no kutibuka ababo batagira ingano barimbuwe n\u2019Ingabo za Kagame (Kuvangura amoko kugera no mu kuzimu !)<\/p>\n
(10) Agatsiko kafashe icyemezo cyo gusiba amoko mu irangamuntu kugira ngo irondakoko-tutsi rirusheho guhabwa intebe mu rwagasabo.<\/p>\n
(11)Kagame n’Agatsiko ke bahisemo gukusanyiriza ibikorwa byose by\u2019iterambere mu Mujyi wa Kigali gusa , icyaro kiribagirana kandi aricyo gituwe na 90% y\u2019abenegihugu, basa n’abahaniwe ko ari rubanda rugufi.<\/p>\n
(12)N\u2019ibindi.<\/p>\n
II. Guceceka ikibazo cy\u2019irondakoko n\u2019irondakarere sibyo bigikemura.<\/b><\/p>\n
Biratangaje kubona Leta y\u2019Agatsiko yemera jenoside yakorewe Abatutsi ariko ntiyemere ko hariho ikibazo hutu-tutsi. Kuva FPR yashingwa Kagame n\u2019Agatsiko ke bafashe icyemezo ko \u00a0ikibazo cy\u2019amoko kitagomba kuganirwaho. Banze ko kivugwaho mu masezerano y\u2019Arusha n\u2019ubu ntibiteguye kukiganiraho. Bahisemo gushuka Abanyarwanda n\u2019Abanyamahanga\u00a0 ko\u00a0 kitakiriho ariko bakungikanya ibikorwa bituma kirushaho gukomera.<\/p>\n
Ese ubundi ikibazo ni ubwoko ?<\/i><\/b><\/p>\n
Mu by\u2019ukuri ikibazo nyakuri si uko Abanyarwanda bamwe ari Abahutu abandi bakaba Abatutsi\u00a0 cyangwa Abatwa. Sibo biremye batyo. Mu bindi bihugu duturanye hari amoko menshi anyuranye, \u00a0kandi ntibabipfa.<\/p>\n
Ikibazo cy\u2019ukuri ni\u00a0ironda-koko n\u2019ironda-karere<\/i><\/b>\u00a0; gituruka ku\u00a0kubangamirwa k\u2019uburenganzira-shingiro<\/i>\u00a0bwa bamwe hagendewe ku\u00a0 bwoko cyangwa akarere.\u00a0 Ikibazo kivuka iyo hari Agatsiko gashaka\u00a0KWIKUBIRA\u00a0<\/b>ubutegetsi n’ibyiza by\u2019igihugu konyine , noneho kagahitamo URWITWAZO rw\u2019ubwoko cyangwa akarere kugira ngo kigizeyo (exclure) abandi benegihugu.<\/p>\n
Ikibazo nyakuri rero ni\u00a0ukubangamirwa n\u2019uguhonyorwa k\u2019uburenganzira bwa ba Nyamuke,\u00a0<\/i><\/b>hagendewe ku mubare w’abagize \u00a0ubwoko(minorit\u00e9 ethnique) \u00a0cyangwa mu rwego rwa politiki (minorit\u00e9 politique).<\/i>Noneho abatsikamiwe batera hejuru bashaka kwirenganura cyangwa kwirwanaho bigateza imidugararo n’intambara.\u00a0Mu rurimi rw\u2019igifaransa umuntu yavuga ngo\u00a0\u00ab\u00a0le vrai enjeu de la politique rwandaise : c’est la garantie des droits des minorit\u00e9s \u00a0ethnique et\/ou politique \u00bb<\/b>. Icyo ni cyo kibazo kigomba kwigwa no kubonerwa igisubizo mu maguru mashya .<\/p>\n
III. Ese kuvuga ko\u00a0 Demokarasi ari cyo gisubizo birahagije\u00a0?<\/b><\/p>\n
Kuvuga ko gushyiraho ubutegetsi bushingiye kuri demokarasi aricyo gisubizo , nibyo ariko ntibyuzuye.<\/p>\n
Nibyo kuko intambwe ya mbere yo gukemura ikibazo cy’ironda-vangura-moko<\/i><\/b>\u00a0<\/i>ni ukwemera\u00a0KUKIGANIRAHO\u00a0<\/b>nta buhendanyi. Gushyiraho inzego z\u2019ubutegetsi abenegihugu bose bibonamo nicyo gisubizo ariko uburyo bwo kuzishyiraho bugomba gutekerezwaho cyane, ndetse byashoboka hakaremwa n\u2019”inzego” nshya \u00a0cyangwa \u00ab\u00a0inzira\u00a0\u00bb z\u2019umwimerere.<\/p>\n
Demokarasi bivuga\u00a0\u00ab\u00a0ubutegetsi bwa rubanda , bushyizweho na rubanda kandi bukorera rubanda\u00a0\u00bb.\u00a0<\/i><\/b>Rubanda si Abahutu bonyine , Abatutsi bonyine cyangwa Abatwa bonyine. Rubanda rwa Kanyarwanda ni abagize ayo matsinda uko ari atatu , ndetse hakiyongeraho n\u2019”abandi banyarwanda babyiyemeje<\/i>” , (les naturalis\u00e9s). Ubutegetsi bwasuzugura ibyifuzo n\u2019uburenganzira bwa rimwe muri ayo matsinda, si ubutegetsi\u00a0 bukorera rubanda\u00a0!<\/p>\n
Niyo mpamvu Demokarasi izazahura u Rwanda, idashobora kuzaba iyubakiye ku matora gusa (un homme, une voix), kuko icyo gihe, ababarirwa muri \u00ab\u00a0les minorit\u00e9s\u00a0\u00bb bazakomeza kugira impungenge y\u2019uko inyungu zabo zitazigera zirengerwa n\u2019inzego z\u2019ubutegetsi bw\u2019igihugu batibonamo. Abatutsi\u00a0 benshi (bafatwa kugeza ubu nka minorit\u00e9 ethnique)\u00a0\u00a0 bemeza ko aricyo bapfa na demokarasi ishingiye ku matora. Ariko Abahutu batari inkomamashyi nabo bafite ikibazo cyo kwigizwayo (exclusion) muri iki gihe, kuko \u00a0bahinduwe\u00a0\u00ab\u00a0minorit\u00e9 politique\u00a0\u00bb,\u00a0<\/i>bakaba barakumiriwe mu nzego zifata ibyemezo.<\/p>\n
IV. IGISUBIZO kizaturuka he\u00a0?<\/i><\/b><\/p>\n
Igisubizo kizaturuka mu BIGANIRO hagati y\u2019Abanyarwanda ubwabo , imyanzuro\u00a0 yabyo ikazandikwa mu Itegekonshinga\u00a0(garanties constitutionnelles),\u00a0<\/i>ikagaragaza ku buryo budasubirwaho uko uburenganzira bwa ba Nyamuke (droits des minorit\u00e9s) buzubahirizwa.<\/p>\n
Ndashaka gutanga utugero nka tubiri kugira ngo numvikanishe igitekerezo mfite.<\/p>\n
Urugero rwa mbere<\/i><\/b><\/p>\n
Kuba Kiliziya gatolika, nk\u2019ishyirahamwe rigizwe n\u2019abantu, \u00a0imaze imyaka irenga ibihumbi 2 igihumeka, ibikesha ahanini kuba yarabashije kwiyubakira ku nkingi ebyiri (2 principes) zisa n\u2019izivuguruzanya\u00a0:\u00a0le charisme et l\u2019institution.<\/i><\/b><\/p>\n
Impano zidasanzwe za buri wese (charisme) zihabwa agaciro gakomeye mu Kiliziya\u00a0 kuko arizo zituma ihora yivugurura (Ecclesia semper reformanda). Nk\u2019abashinze imiryango y\u2019Abihayimana (congr\u00e9gations religieuses) bari abanyempano, kandi bafashije Kiliziya cyane . Ariko Kiliziya ikeneye n\u2019inzego n\u2019abayobozi bahoraho (Paruwasi, diyosezi, Abapadiri, Apepiskopi, Papa). N\u2019iyo Umwepiskopi wanjye yaba adafite impano nyinshi, ngo abe intwari nk\u2019uko mbyifuza\u2026 nyamara ni we ushinzwe kuyobora Diyosezi, agatuma impano za buri wese zigirira akamaro benshi (Pontifex:\u00a0il pr\u00e9side \u00e0 l’unit\u00e9 de la communaut\u00e9)<\/i>.\u00a0Yaba intungane, yaba umunyantegenke, igihe akiriho aba ari Umwepiskopi \u00a0washyizweho na Papa\u2026.! Ahagararira Kiliziya (visibilit\u00e9), akayiyobora uko abishobojwe, ikabaho neza cyangwa icumbagira ariko ikabaho ! Dore imyaka irenze ibihumbi 2, Kiliziya gatolika yaratotejwe, irazunguzwa ku buryo bunyuranye ariko nyamara iracyariho !<\/p>\n
Kugira ngo u Rwanda rukomeze kubaho kandi rukire akageso ko guhora rwikora mu nda (uboshye wa mugore w\u2019inkoramwuga<\/i>!), narwo rugomba kwihangira ubutegetsi bwubakiye ku nkingi ebyiri zisa n\u2019izivuguruzanya : “le m\u00e9rite et l\u2019institution”<\/i><\/b>\u00a0. Agaciro k’impano za buri wese (m\u00e9rite) \u00a0kagomba gutezwa imbere kugira ngo zigirire benshi akamaro ariko hakabaho n’inzego zifatika zikumira ivangura(institution).<\/p>\n
Mu gihe waba \u00a0ugiriwe icyizere ugahabwa kuyobora u Rwanda, dore amaso ukwiye kurebesha igihugu :<\/p>\n
Ni byiza ko umuntu ufite ibigango yajya mu gisilikari<\/i>, ariko niwemera ko igisilikari kijyamo abo mu majyaruguru gusa, ngo ngaha nibo bonyine babyemera, amaherezo ikibazo kizashyira kivuke . Ukwiye kureba hakiri kare uko wabigenza kugira ngo n\u2019abo mu majyepfo bibone muri icyo gisilikari.<\/p>\n
Birakwiye kurihira amashuri abana b\u2019Abatutsi bababaye imfubyi kubera jenoside yo mu 1994,\u00a0<\/i>ariko nibigaragara ko aribo bonyine Leta ifasha\u00a0 bizaba bihindutse ikibazo cyo kuvangura abana no kubasumbanya ! Shaka uko n\u2019izindi mfubyi zafashwa , nibitaba ibyo politiki yawe yo gufasha bamwe irasenya ntiyubaka.<\/p>\n
Ni byiza ko abana babonye amanota ya mbere aribo bajya mu mashuri\u00a0 ya Segonderi afashwa na Leta ndetse na Kaminuza. Ariko nibigaragara ko abahora baba abambere ari Abanyagikongoro gusa, uzagomba kureba uko wabigenza kugira ngo n\u2019abakomoka mu bindi bice by\u2019igihugu nabo bagire uburenganzira bwo kwiga mu mashuri ya Leta.<\/p>\n
Iyo politiki wayita uko ushatse (Iringaniza ryahinduye inyito!\u00a0<\/i>) \u00a0ariko igomba kubaho. Itabayeho, urwikekwe n\u2019umwiryane biravuka , bigasagamba, bikazashyirwa bisenye igihugu.<\/p>\n
Urugero rwa kabiri:<\/i><\/b><\/p>\n
Seminari nto ya Mutagatifu Piyo wa 10 yo ku Nyundo yatangiye mu 1953 ari iya Diyosezi gatolika ya Nyundo (Gisenyi, Kibuye, Cyangugu). Aho Diyosezi ya Cyangugu ivukiye mu 1981, ayo madiyosezi yombi yakomeje kuharerera abana. Ubwo natangiraga kuhiga mu 1986, \u00a0iyo Seminari yari ifite ubushobozi bwo kwakira abana 60 gusa buri mwaka.\u00a0 Naje kumenya ko mu \u201ckwemerera abatsinze \u201c, amadiyosezi yombi yasaranganyaga imyanya hashingiwe ku mibare iteye itya : Nyundo= \u00a040\u00a0<\/b>(Gisenyi \u2013Kibuye); Cyangugu =20<\/b>. Ni ukuvuga ko bashoboraga kwakira umwana wa Nyundo watsindiye ku manota 35%, mu gihe hari uw\u2019iCyangugu utafashwe kandi yagize 55% mu kizami cyo kwinjira mu Seminari, kuko nyine i Cyangugu hagombaga kwemererwa abana 20 gusa!<\/p>\n
Noneho umuntu akibaza ati : Ese ibi ni ubutabera ?\u00a0 Hari abahita bavuga bati nta butabera burimo , ariko baritonde ! Seminari \u00a0nto ryari ishuri ryigenga. Diyosezi ya Nyundo yaritagagaho amafaranga menshi kugira ngo ribeho, hagamijwe ko rikomeza gutegura abana bashobora kuzavamo abapadiri b\u2019iyo Diyosezi ! Ubutabera bwaba buri he Diyosezi ya Nyundo yiriye ikimara kugira ngo itegure abana bazaba abapadiri ba Diyosezi ya Cyangugu gusa, ngo ngaha ni uko bazi gutsinda ibizami kurusha abo ku Nyundo?! Ibi se twabyita iringaniza ritindi ? Ibaze nawe wisubize! Ku batabizi , Diyosezi ya Cyangugu yageze aho nayo irikokora itangiza Seminari nto yayo mu 1997, yitwa Seminari ya Mutagatifu Aloys.<\/p>\n
No mu gihugu cy’u Rwanda hakenewe politiki yizwe neza, itadindiza abagaragaje impano zifatika (m\u00e9rite) ariko ntinatererane (exclusion) abandi benegihugu. Iyo politiki igomba kubaho kandi igashyirwa mu itegekonshinga (l\u00e9galisation), hakabaho n\u2019inzego zishinzwe kuyishyira mu bikorwa (institutionalisation) kugira ngo ikemure ibibazo by\u2019irondakoko n\u2019irondakarere mu mfuruka zose z\u2019ubuyobozi bw\u2019igihugu:<\/p>\n
(1)Mu gisilikari<\/i><\/p>\n
(2)Mu Ntekonshingamategeko<\/i><\/p>\n
(3)Muri Guverinoma<\/i><\/p>\n
(4)Muri nzego z’ubuyobozi (Administration)<\/i><\/p>\n
(5)Mu bigo bya Leta<\/i><\/p>\n
(6) Mu guhabwa imyanya mu mashuri ( yo mu Rwanda no mu mahanga)<\/i><\/p>\n
\u00a0<\/i><\/p>\n
Umwanzuro<\/b><\/p>\n
Turambiwe\u00a0“politiki y’ingumba”(st\u00e9rile)<\/i>\u00a0y’abantu bahora bigiza nkana : \u00a0abo ni abategetsi bihutira kwishyira ku ngoma nyamara aho kugira ngo bicare bahimbe ibisubizo bikemura ibibazo by’ingutu bitsikamiye abenegihugu, bagahitamo kubuka inabi \u00a0no gucecekesha rubanda hakoreshejwe iterabwoba rya gisilikari !<\/p>\n
Twanze politiki y\u2019Udutsiko duteranya Abanyarwanda (diviser pour r\u00e9gner) kugira ngo dukunde twikubire ubutegetsi n\u2019 ibyiza bose by\u2019igihugu.<\/p>\n
Ndifuriza Ishyaka Ishema ry\u2019u Rwanda kugira bwangu ubushobozi bwo kuzafasha Abanyarwanda\u00a0KUGANIRA nta buhendanyi<\/i>\u00a0<\/b>kuri\u00a0 ibi bibazo byombi byabaye ingorabahizi (irondakoko n\u2019irondakarere)\u00a0 kugeza bibonewe igisubizo kidakuka.<\/p>\n
<\/p>\n
Harakabaho u Rwanda rutavangura abana barwo<\/i><\/p>\n
Harakabaho abategetsi \u00a0baciye ukubiri n\u2019ingeso yo kwikora mu nda.<\/i><\/p>\n
Harakabaho Abanyarwanda bishimiye gusaranganya ibyiza by’Urwababyaye.<\/i><\/p>\n
<\/p>\n
Padiri Thomas Nahimana<\/i><\/b><\/p>\n
Umunyamabanga mukuru w\u2019Ishyaka<\/i><\/b><\/p>\n
ISHEMA RY’U RWANDA.<\/i><\/b><\/p>\n","protected":false},"excerpt":{"rendered":"
Kugerageza kugaragaza isura nziza y\u2019u Rwanda muri RWANDA DAY ubwabyo si igitekerezo kibi. Ikibazo ni ukwangiza nkana isura y\u2019igihugu warangiza ugashaka kwigamba ubumanzi udafite.\u00a0Ibyo Kagame n\u2019Agatsiko ke barimo i Londres, nk\u2019uko mu myaka yashize bari i Boston, Paris\u2026.<\/p>\n","protected":false},"author":3,"featured_media":3599,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[62],"tags":[],"class_list":["post-3598","post","type-post","status-publish","format-standard","has-post-thumbnail","hentry","category-politiki"],"yoast_head":"\n