{"id":3617,"date":"2013-05-23T06:48:54","date_gmt":"2013-05-23T04:48:54","guid":{"rendered":"http:\/\/www.therwandan.com\/ki\/?p=3617"},"modified":"2013-05-23T06:50:34","modified_gmt":"2013-05-23T04:50:34","slug":"imbanzirizamushinga-yo-gushyiraho-umutwe-w-ingabo-z-urukatsa","status":"publish","type":"post","link":"https:\/\/www.therwandan.com\/ki\/imbanzirizamushinga-yo-gushyiraho-umutwe-w-ingabo-z-urukatsa\/","title":{"rendered":"IMBANZIRIZAMUSHINGA YO GUSHYIRAHO UMUTWE W\u2019 INGABO Z\u2019 URUKATSA"},"content":{"rendered":"
    \n
  1. I.\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0 <\/b>INTANGIRIRO\u00a0:<\/b><\/li>\n<\/ol>\n

    Hashize igihe kirekire Abanyarwanda babuzwa kwitekerereza ubwabo ahubwo bagatekererezwa n\u2019ubutegetsi ndetse n\u2019abanyapolitiki uko bishakiye, ibyo bigatuma baturwa ibintu hejuru batagizemo uruhare mu kubishyiraho \u00a0ari nayo mpamvu usanga babyinubira kuko ntacyo biba bibamariye ahubwo biba bikimariye ababishyizeho ubwabo.<\/p>\n

    Ni muri urwo rwego rero Ishyaka PRM\/MRP-ABASANGIZI ryiyemeje kujya rigisha inama abanyarwanda ku bibazo bimwe nabimwe biremereye nk\u2019uyu mushinga wo kurema umutwe w\u2019ingabo twifuje kubamurikira kugirango bagire icyo bawuvugaho mbere y\u2019uko utangira gutekerezwaho mu buryo bw\u2019imishobokere n\u2019imishyirire mu bikorwa.<\/p>\n

      \n
    1. II.\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0 <\/b>INKOMOKO Y\u2019IZINA URUKATSA<\/b><\/li>\n<\/ol>\n

      Izina URUKATSA ryatoranyijwe kuba izina ry\u2019ubutwari ry\u2019Umutwe w\u2019Ingabo ugamije kurengera Rubanda wiswe mu rurimi rw\u2019igifaransa Forces de Protection du Peuple (FPP).\u00a0 cyangwa se mu rurimi rw\u2019icyongereza People Protection Forces (PPF). Uyu mutwe kandi ugamije kuba icyitegererezo cy\u2019uburyo ingabo z\u2019igihugu zagombye kuba ziteye, zitarangwamo ukwikanyiza k\u2019agatsiko kamwe kazahora kavanwaho n\u2019akandi kamwe gakora nk\u2019iby\u2019akakabanjirije. Ni urugero rero rwerekana ko bishoboka kugira umutwe w\u2019Ingabo uhuriweho n\u2019abanyarwanda b\u2019amoko yose kandi ushinzwe kumenya inyungu z\u2019abanyagihugu aho gushorerwa buhumyi mu bikorwa by\u2019iterabwoba n\u2019ubuhotozi n\u2019abanyapolitiki bashyira imbere inda nini n\u2019irari ryabo kurusha imibereho y\u2019igihugu n\u2019abaturage bacyo.<\/p>\n

      Ijambo urukatsa ubwaryo rikomoka ku nshinga y\u2019ikinyarwanda \u00ab\u00a0gukaka\u00a0\u00bb\u00a0 bivuga kwiyasa, gusaduka nabi cyane kw’ikintu cyari kizwiho ko gikomeye ko bitakibaho nk’urutare, icyuma, umuhanda wa kaburimbo, ikiraro gikomeye, n\u2019ibindi… Ingufu kabuhariwe zituma bene icyo kintu cyari kizwiho kuba kitamanyagurika kigira gitya kikiyasa, kikamenagurika, nizo bita URUKATSA.<\/p>\n

      Mu magambo asanzwe yumvikana twavuga ko izina URUKATSA risobanuye \u00ab\u00a0Abajanjagura\u00a0\u00bb cyangwa \u00ab\u00a0Abasatagura\u00a0\u00bb, bishatse kuvuga mu gifaransa\u00a0 \u201cLes Concasseurs\u201d, naho mu rurimi rw\u2019icyongereza bikavuga \u201cThe Crushers\u201d.\u00a0 Urukatsa rero bikaba bisobanura abatuma icyari gikomeye nk’urutare gikaka.<\/p>\n

      URUKATSA rikaba ari izina ry\u2019umutwe w\u2019ingabo z\u2019intwari cyane zabayeho mu gihe cya kera, zikaba zaragaragaye cyane nyuma y\u2019Ingoma y\u2019Umwami Kigeri Ndabarasa, ubwo zayoborwaga n\u2019igikomangoma Semugaza, umuhungu wa Kigeri Ndabarasa ubwe.<\/p>\n

      Umutwe w\u2019URUKATSA wabaye Ingabo z\u2019intwari cyane cyane ubwo zashwanyaguzaga bidasubirwaho Ingabo z\u2019u Rwanda zitwaga ABAKOTANYI zari zigerejeho, zikiha kujya\u00a0 kugota no kumenesha URUKATSA.<\/p>\n

      Umwami ubwe\u00a0 byari byamuteye ubwoba gutera URUKATSA, ariko ati kuko Abakotanyi ntawabigererezaga, yiyemeza kubajyana ngo bajye guha isomo URUKATSA.\u00a0 Bahageze bahaboneye ishyano batatekerezaga guhura naryo\u00a0; URUKATSA rwakubise Abakotanyi bidasubirwaho. Basakiraniye ahitwa i Nyakayaga ho muri Byumba mu cyahoze ari Komini Murambi ndetse rubakomatanya n\u2019indi mitwe myinshi y\u2019ingabo zari zaturutse impande zose gufasha Abakotanyi kurwanya URUKATSA, ariko biba iby\u2019ubusa\u00a0; izo ngabo zose URUKATSA ruzikandira hamwe rurazimenagura, n\u2019Umugaba mukuru w\u2019Abakotanyi arahagwa\u00a0; ahasiga ubuzima. Iyo mitwe yatsinzwe hamwe n\u2019Abakotanyi yari myinshi ariko iyari ikomeye ni iyitwaga: Abacumita, Abashumba, Intaganzwa, ndetse n\u2019Abahurambaga.Aba bose Urukatsa rubasekurana n\u2019Abakotanyi maze amagambo ashira ivuga kuko Umugaba w\u2019Abakotanyi wari ubakuriye bose yapfiriye muri icyo gitero.<\/p>\n

      Ibyo byose byari byaraturutse ku buhemu bwo mu gihugu imbere nk\u2019uko bikunze kubaho. Semugaza yahemukiwe n\u2019umugabekazi witwaga Nyiratunga hamwe n\u2019abatware b\u2019ibisahiranda barimo uwitwaga Rugaju, ubwo URUKATSA\u00a0 ruyobowe na Semugaza rwatabaye Umwami Yuhi wa IV Gahindiro n\u2019Umugabekazi Nyiratunga bari bagoswe n\u2019Igikomangoma Gatarabuhura cyashakaga kubica ngo gifate ubutegetsi.Urukatsa nk\u2019Ingabo zanze guhemukira abaturage n\u2019U Rwanda zitabara i Bwami zimenesha abashakaga kumena amaraso y\u2019inzirakarengane.<\/p>\n

      Muli icyo gihe Nyiratunga n\u2019abandi batware aho kugororera uwabatabaye, bashaka kugambanira Semugaza umutware w\u2019URUKATSA ngo niwe washatse kwica umwami, ariko ahita acikana n\u2019URUKATSA bajya ahagana mu gihugu cy\u2019I Ndorwa (aho twakwita mu Mutara ubu kuzamuka ugana za Ankole ya Uganda).<\/p>\n

      Umwami w\u2019I Ndorwa witwaga Gahaya ashaka kubategeka kumuyoboka ariko Semugaza n\u2019Urukatsa rwe banga kuyoboka Igihugu cy\u2019amahanga ngo kibahake; maze Gahaya n\u2019abo mu Ndorwa bashatse kwimana ubuhungiro, Urukatsa rwarabamenaguye n\u2019ingabo zabo rwigarurira agace kamwe rugaturamo nta kivogera. Ni icyo gihe ab\u2019i Bwami mu Rwanda bateguraga kumutera bakohereza ingabo z\u2019Abakotanyi ubwo basakiraniraga i Nyakayaga Abakotanyi bakahatsindirwa nkuko twabivuze haruguru.<\/p>\n

      Ikindi gitangaje ni ukuntu Semugaza n\u2019URUKATSA bakigenda, i Bwami bafashe umuhungu wa Semugaza witwaga Ruyenzi bashaka kumugira ingwate, Semugaza n\u2019Urukatsa babatumaho bati nimuduhe Ruyenzi nimwanga turaza kumwitwarira ku gahato. Umwami agira ubwoba aramwohereza.<\/p>\n

      Nyuma Umwami w\u2019u Rwanda yagabye igitero mu Bunyabungo (ahagana Bukavu no hirya yaho muli Congo), akubitwa n\u2019abashi we n\u2019Ingabo z\u2019u Rwanda, Urukatsa rubyumvise rugira impuhwe ni uko umugaba w\u2019Urukatsa Semugaza atambikana n\u2019Urukatsa batera ntawe babwiye bakubita ingabo z\u2019abanyamahanga zose babohoza ab\u2019i Bwami bati ngaho nimutahe ntimuzongere kwiyemera!<\/p>\n

      Semugaza n\u2019URUKATSA bisubirira mu Ndorwa muli ka gace bari barihaye ku ngufu bakomeza kwiberayo, mbese berekanye ko ari Intwari zidasubirwaho. Umwami niko kugira ubwoba akoresha iperereza amenya ko Semugaza ajya guhunga nta cyaha yari yarakoze ahubwo abanyeshyari aribo bari baramuteranyije bashaka kumwicisha bakamuhimbira ibyaha (twibuke ko muri FPR guhimba ibyaha babifitemo uburambe).<\/p>\n

      Ni uko umwami yohereza intumwa zijya kumusaba imbabazi ngo natahe azane n\u2019Urukatsa. Uwanda rwakira neza Urukatsa nk\u2019Ingabo zikwiye ishema.\u00a0 Urukatsa\u00a0 rushimangira ko arirwo mutwe w\u2019Ingabo utavogerwa umunsi Semugaza wayoboraga Urukatsa yamenye ko bakuru be na barumuna be bitwaga Ibigina bashakaga kurwanira ingoma kandi bigaruriye ingabo z\u2019igihugu hafi ya zose, nuko ajya gusakirana nabo\u00a0 ndetse n\u2019Ingabo bari bigaruriye zose Urukatsa rurabahashya.<\/p>\n

      Barwaniye i Rubona rwa Gihara (Runda, Gitarama) URUKATSA ruhakura Intsinzi yavugishije rubanda maze abaturage baruvuga imyato. Baharwaniye iminsi igeze kuri ine,\u00a0 Semugaza n\u2019ingabo ze URUKATSA zitsinsura iz\u2019i bwami, zibageza ku Rugogwe rwa Kinyambi ahitwa mu Nkoto muri Gitarama ahahoze ari muri Komine Kayenzi.<\/p>\n

      Ubwo URUKATSA rwongera kubakubita inshuro ndende, rubageza ku Kivumu cya Mpushi na Nyerenga (Nyamabuye, Gitarama), aho baharwaniye amezi atandatu; hanyuma Urukatsa rubambura ingoma babungeranaga bayivuza bayobya abaturage, \u201cngo rubanda nimuvune umwami\u201d.<\/p>\n

      Ubwo Ingabo z\u2019Urukatsa, zigumya guhashya Ibigina, zibigeza i Mwendo wa Kiryango mu Kabagali mu gace k’uburengerazuba bwa Gitarama. Bamaze kuhabageza, rubanda bose babavaho basigara baririmba Urukatsa rwatabaye u Rwanda; basigara bonyine batagira kivuna maze Urukatsa rurahabatsinda.\u00a0 Semugaza atabarukana n\u2019ingabo ze URUKATSA rubanda babogeza.<\/p>\n

      III. IMPAMVU Z\u2019ISHINGWA\u00a0 RY\u2019UMUTWE W\u2019URUKATSA<\/b><\/p>\n

      Nk\u2019uko bigaragara mungingo ya 30 igize ingamba z\u2019ishyaka PARTI RWANDAIS DES MODERES\/MODERATE RWANDA PARTY \u2013 PRM\/MRP-ABASANGIZI, ubuyobozi bw\u2019Ishyaka bwasanze bishobora kuba ngombwa kurema umutwe wa gisilikare utarobanura abana b\u2019Abanyarwanda nk\u2019uko byagiye bigaragara\u00a0 mu ngabo zose zabayeho kuva u Rwanda rwaremwa kugeza ku munsi wa none.<\/p>\n

      Ishyirwaho ry\u2019uyu mutwe ntirisobanura ko turi ba gashoza ntambara ahubwo turashaka kumenyereza abana bose b\u2019u Rwanda, Abahutu, Abatutsi, Abatwa, ndetse n\u2019abavuka ku babyeyi badahuje ubwoko (imvange), gukorana umurimo wo kubungabunga umutekano w\u2019igihugu n\u2019uw\u2019Abanyarwanda bose nta vanguramoko n\u2019irondakarere byongeye kuzamo nk\u2019uko byabayeho muri ex-FAR yari igisirikare cy\u2019abahutu bahezagamo abatutsi cyangwa RDF ya FPR Inkotanyi, igisirikare nacyo cy\u2019abatutsi giheza abahutu mu myanya y\u2019ubuyobozi buciriritse n\u2019ubwo hejuru, n\u2019intarutsi zirimo ntizigiremo ijambo. <\/b><\/p>\n

      Ikindi kandi twakuye isomo ku baturanyi bacu b\u2019i Burundi. Turibuka neza ko igihe Nyakwigendera Perezida Merchior Ndadaye (umuhutu) yatsindaga amatora binyuze mu nzira ya demokarasi.<\/p>\n

      Byaragaragaye ko bitamworoheye kuyobora igihugu gifite ingabo z\u2019ubwoko bumwe bw\u2019abatutsi zitatojwe umuco w\u2019ubworoherane ari nacyo cyaje kumuviramo kwicwa n\u2019 izo ngabo kubera ko zitari ziteguye guhindura imyumvire ijyanye n\u2019impinduramatwara ishingiye kuri demokarasi ubworoherane no gusangira ibyiza by\u2019igihugu.<\/p>\n

      Byongeye kandi, ikindi abanyarwanda bakwiye gusobanukirwa, ni uko mu gihugu nk\u2019icyacu cyamenyereye gukoresha igitugu cya gisirikari, n\u2019iyo bibaye ngombwa ko habaho isaranganya ry\u2019ubutegetsi ku mashyaka ya opozisiyo n\u2019iriri kubutegetsi ntacyo bimara mugihe iryo saranganya ritageze no mu nzego z\u2019umutekano (igisirikari, igipolisi, inzego z\u2019iperereza), kuko izo ngabo zikomeza kugendera ku ngenga- bitekerezo y\u2019ishyaka riri ku butegetsi ndetse zikarushaho gukaza ubukana mu kurenga ku nshingano zazo zo kurinda umutekano w\u2019abenegihugu bose.<\/p>\n

      Niba dushaka kugera ku mpinduramatwara nyakuri, ni ngombwa rero gutekereza uburyo habaho igisirikari gihuje amoko yose kandi gikorera Abanyarwanda bose, kirangwa no kwemera impinduka zishingiye ku ngengabitekerezo y\u2019ubworoherane na demokarasi.<\/p>\n

      Bityo rero, kubera izi mpamvu z\u2019ingenzi tuvuze haruguru, ishyaka Parti Rwandais des Moderes\/Moderate Rwanda Party, PRM\/MRP-ABASANGIZI rirasaba abanyarwanda\u00a0 ko basuzumana ubushishozi imbanzirizamushinga y\u2019ishyirwaho ry\u2019 ishami rya gisilikare ryiswe:<\/p>\n

      People Protection Forces\/Forces de Protection du Peuple<\/b>, PPF\/FPP-URUKATSA<\/b> kugirango bagire uruhare mu ishyirwaho ry\u2019uwo mutwe w\u2019ingabo kuko ari nabo bazaba bawugize.<\/p>\n

      Nk\u2019uko twabivuze haruguru, uyu mutwe wa gisirikare PPF\/FPP-URUKATSA ntiwatekerejwe kuko turi bagashozantambara y\u2019amasasu. Twawutekereje kugirango dutegure urubyiruko nyarwanda rw\u2019Abahutu, Abatutsi, Abatwa. Imvange, mu gukorera hamwe, ikiganza mu kindi, mu Ngabo z\u2019Igihugu nyakuri ndetse no mu zindi nzego z\u2019umutekano (igipolisi, inzego z\u2019iperereza, n\u2019urwego rugenzura abinjira mu gihugu n\u2019abasohoka).<\/p>\n

      Urugamba rwacu rw\u2019ibanze ni uguhiganwa mu bitekerezo no mu bikorwa byatuma u Rwanda ruba urw\u2019Abanyarwanda bose nta vanguramoko, irondakarere, n\u2019irindi vangura iryo ari ryo ryose ryongeye kugarukamo.<\/p>\n

      Umutwe w\u2019URUKATSA ushingiye ku mahame y\u2019Ishyaka MRP-ABASANGIZI kandi binyuze ku buyobozi bw\u2019Ishyaka, uzafatanya kandi uzihatira kuzagirana amasezerano y\u2019ubufatanye n\u2019indi mitwe iteye\u00a0 nkawo cyangwa se ifite aho ahurira n\u2019ishingano zawo, amashyaka n\u2019amahuriro ya politiki cyangwa se andi yose atari aya politiki ndetse n\u2019abantu kugiti cyabo, igihe cyose ubyifuza azaba yagaragaje ubushake bwo kugira uruhare mu kuzuzwa kw\u2019inshingano z\u2019URUKATSA, cyangwa se yagaragaje mu buryo busobanutse ko gukorana n\u2019URUKATSA byagirira akamaro igihugu cyacu hadatandukiriwe\u00a0 intego n\u2019inshingano by\u2019URUKATSA.<\/p>\n

        \n
      1. IV.\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0 <\/b>IBIZIBANDWAHO MU KUGENA INSHINGANO Z\u2019URUKATSA<\/b>\u00a0<\/b><\/li>\n<\/ol>\n
          \n
        1. Kuba Ingabo z\u2019icyitegererezo ku bijyanye no kutarangwamo amacakubili cyangwa ubwikanyize bw\u2019agatsiko ako aliko kose, no kuba icyitegererezo mu buryo Ingabo n\u2019inzego z\u2019umutekano zinyuranye mu gihugu zishobora kandi zigomba kubaho zibereyeho kurinda umutekano w\u2019abanyagihugu nta vangura ribayemo, aho kubahutaza no kubahotora;<\/li>\n
        2. Gushyigikira ibikorwa n\u2019ibiganiro byose bigamije kuzana Demokarasi, ukwishyira ukizana kwa buri munyarwanda, ubutabera buhamye kandi bwigenga\u00a0 kuko ubu ibyo byose bibangamiwe na leta y\u2019igitugu ya FPR- Inkotanyi\u00a0;<\/li>\n
        3. Kurwanya ihohoterwa ry\u2019ikiremwamuntu aho riva rikagera rigirirwa\u00a0 umuntu uwo ariwe wese cyane cyane irigirirwa abari n\u2019abategarugori, abana, ndetse n\u2019irigirirwa urubyiruko rujyanwa mugisirikari kungufu\u00a0;<\/li>\n
        4. Kwuka igitutu ubutegetsi bwa FPR-Inkotanyi kugirango bwemere imishyikirano n\u2019abatavuga rumwe nabwo\u00a0;<\/li>\n
        5. Kurinda umutekano w\u2019abanyarwanda muri rusange, by\u2019umwihariko umutekano w\u2019abayobozi b\u2019amashyaka atavuga rumwe n\u2019ubutegetsi n\u2019abarwanashyaka bayo, baba abari hanze y\u2019igihugu cyangwa mu gihugu imbere\u00a0;<\/li>\n
        6. Gusezerera ingoma ya FPR-Inkotanyi mu gihe ikomeje kunangira \u00a0yanga kugirana ibiganiro n\u2019abo batavuga rumwe no gukomeza kwica abanyarwanda urubozo\u00a0;<\/li>\n
        7. Kugarura umutekano w\u2019abanyarwanda no kubungabunga ubusugire bw\u2019igihugu nyuma yo gusezerera FPR Inkotanyi\u00a0;<\/li>\n
        8. Kurinda umutekano w\u2019abantu n\u2019ibyabo\u00a0;<\/li>\n
        9. Kurinda umutekano w\u2019impunzi zitahuka kugirango ziticirwa mu nzira zikira mu Rwanda\u00a0;<\/li>\n
        10. Guha amahirwe angana abanyarwanda bose bashaka gukora igisirikari\u00a0 cy\u2019igihugu ntavangura iryo ariryo ryose no kutabihatira utabishaka\u00a0;<\/li>\n
        11. Kwubaka igisirikari cy\u2019umwuga kibereye u Rwanda n\u2019abaruvuka, kidatonesha bamwe ngo gikandamize abandi, kitari icy\u2019ubwoko bumwe nk\u2019uko bimeze ubu, kandi kitavugirwamo n\u2019uwo ariwe wese ku nyungu zitandukanye n\u2019iz\u2019igihugu\u00a0;<\/li>\n
        12. Guha amashyaka yose ubwisanzure bwo gukorera politiki mu gihugu ntawe uhutajwe cyangwa se ntawe utoneshejwe kurusha undi\u00a0;<\/li>\n
        13. Kudatenguha abanyarwanda twuzuza neza kandi tudatandukira\u00a0 inshingano badutezeho.<\/li>\n<\/ol>\n
            \n
          1. V.\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0 <\/b>Inzego\u00a0 za FPP-URUKATSA:<\/b><\/li>\n<\/ol>\n

            Inzego z\u2019ubuyobozi ni izi zikurikira\u00a0:<\/b><\/p>\n

            1. Inteko nkuru ya gisirikari<\/p>\n

            2. Inteko nkuru y\u2019igororamitima (Aumonerie)<\/p>\n

            3. Etat major nkuru mpuzabikorwa<\/p>\n

            4. Etat major ya mobile forces\/mobile forces<\/p>\n

            5. Etat major ya forces specialis\u00e9\u00e9s\/special forces<\/p>\n

            6. <\/span>Etat major ishinzwe iperereza rusange, izaba igabanyijemo ibyumba bibili, Icyumba cy\u2019Ibikorwa by\u2019Ubutasi no gusesengura amakuru mu bya gisilikali n\u2019Urugamba, n\u2019Icyumba cy\u2019inzobere mu gushaka amakuru no kurinda abanyarwanda aho bali hose ndetse no kubungabunga umutekano w\u2019abatavuga rumwe na Leta ya Kigali<\/p>\n

            Inteko nkuru ya gisirikari igizwe na:<\/b><\/p>\n