{"id":36220,"date":"2020-05-17T19:11:46","date_gmt":"2020-05-17T17:11:46","guid":{"rendered":"http:\/\/www.therwandan.com\/ki\/?p=36220"},"modified":"2020-05-17T19:11:48","modified_gmt":"2020-05-17T17:11:48","slug":"auditor-general-arambiwe-gucunaguzwa-nabanyembaraga","status":"publish","type":"post","link":"https:\/\/www.therwandan.com\/ki\/auditor-general-arambiwe-gucunaguzwa-nabanyembaraga\/","title":{"rendered":"Auditor General arambiwe gucunaguzwa n’abanyembaraga"},"content":{"rendered":"\n

Yanditswe na Frank Steven Ruta<\/strong><\/p>\n\n\n\n

Ku nshuro ya mbere Umugenzuzi w’imari ya Leta y’u Rwanda Obadiah Biraro yagaragaje ko mu kazi ke ananizwa akanaburabuzwa n’abayobozi bitwaza igitinyiro n’ububasha butuma batemera kugenzurwa,\u00a0 cyangwa bakamutera ubwoba ngo atabakoraho raporo izabatamaza.<\/p>\n\n\n\n

Ibi byagaragaye ubwo Auditor General Obadiah Biraro yamurikiraga inteko Ishinga Amategeko na Sena raporo y’ubugenzuzi bwakozwe ku mikoreshereze y’imari ya Leta mu mwaka wa 2018\/2019.<\/p>\n\n\n\n

Muri raporo ya Obadiah Biraro hagaragayemo ibigo bihoza Leta mu gihombo kubwo gutakaza amafaranga menshi abarirwa mu ma miliyari buri mwaka,\u00a0 kandi aya mafaranga aba yanyerejwe cyangwa yibwe ntagire gikurikirana\u00a0 ngo agaruzwe mu mutungo wa Leta<\/p>\n\n\n\n

Ikigo abagize inteko ishinga amategeko bifatiye ku munwa bakavuga ko ibyacyo bimaze kurenga imbibi ni WASAC,  yongeye guhomba asaga miliyari ebyiri nkuko raporo ibigaragaza.<\/p>\n\n\n\n

Nubwo Obadiah Biraro yamuritse raporo yitwararika ngo adakoma rutenderi,\u00a0 yakomezaga kuvuga aziga ngo atiteranya n’abanyembaraga,\u00a0 akaba yanahatakariza umugati, kuko bene abo uwo batabyumva kimwe bamwubikira imbehe mu kanya nk’ako guhumbya.<\/p>\n\n\n\n

Ariko ubwo Umugenzuzi w’imari ya Leta yamurikiraga Abadepite n’Abasenateri iyi raporo agahamagarwaga na Eng.  MUZOLA aim\u00e9 uyobora WASAC ikigo cy’igihugu gikwirakwiza amazi, byamwanze mu nda araturika mu ijwi ritishimye amuregera Inteko,  anongeraho ko iyo ari imwe muri za nzira zikoreshwa ngo babuze urwego akuriye gukorera mu mucyo no  mu bwisanzure.<\/p>\n\n\n\n

Agikomeza kuvuga ko ananizwa n’inzego zunyuranye,  zimwe zikamwangira kuzikoraho raporo,  izindi zikamutegeka kuyikora uko zo zishaka hadakurikijwe ibipimo fatizo n’amahame mpuzamahanga agenga ubugenzuzi bw’imari,  hakaba n’abamwemerera kuyikora ariko bakamwima amakuru nkenerwa ya ngombwa.<\/p>\n\n\n\n

Yakomeje guhunga amazina y’ibigo ariko ananirwa kwihanganira kuvuga ko REG yo yanamwimye karibu, kuko itigeze ishaka ko hari igenzura na rimwe ayikoraho, bity ikaba itagaragara mu bigo byagenzuwe uyu mwaka, dore ko nayo yahoraga mu mutuku nka WASAC.<\/p>\n\n\n\n

Kuba REG yikora ikima karibu umugenzuzi w’imali ya Leta ni ikimenyetso gikomeye gihamya ko iba izi neza ko nta bubasha ayifiteho, ko n’aho yayirega hose byafata ubusa. Ibi bikumvikanisha ko ya accountability perezida Kagame ahora avuga, ifite insina ngufi ireba, ariko ibikomerezwa n\u2019abahagarariye inyungu ze, ntibakorwaho.<\/p>\n\n\n\n

Auditor General atakambira inteko itagira ububasha<\/strong><\/p>\n\n\n\n

Muri uko gutanga raporo Ngarukamwaka y’ubugenzuzi bw’imari ya Leta,  Auditor General akunze gusaba inteko gukoresha ububasha ifite hakabaho ikurikiranamakosa,  abanyereje umutungo wa Leta bakabiryozwa.  Abadepite ntibahwema kumwizeza kugira icyo bakora,  ariko bikarangirana no kubivuga, kuko mu Rwanda kandi mu nzego zose, birinda kwiteranya n’ibifi binini.<\/p>\n\n\n\n

Inteko Ishinga amategeko y’u Rwanda nubwo ibifitiye ububasha ihabwa n’amategeko,\u00a0 yananiwe gutumiza Minisitiri ufite ubutabera mu Nshingano ze,\u00a0 ngo asobanure uko batinya gukurikirana abayobozi banyereza umutungo w’igihugu, umwaka ugashira undi ugataha, kandi abahomba bagahora ari bamwe.<\/p>\n\n\n\n

Inkuru bifitanye isano:\u00a0 <\/strong><\/p>\n\n\n\n

Radio Ijwi rya Amerika mu iwi ry’umunyamakuru wayo mu Rwanda nayo yakurikiye iyi nkuru mwakumva hano hasi:<\/p>\n\n\n\n

.<\/p>\n\n\n\n