Kigali kuwa 24 Gicurasi 2013-Ku cyicaro cy\u2019urukiko rw\u2019ikirenga kuri uyu wa gatatu tariki ya 24 Gicurasi 2013 hakomeje urubanza rw\u2019umuyobozi wa FDU-Inkingi Madame Victoire Ingabire, maze umutangabuhamya AA arangiza gusubiza ibibazo byabajijwe n\u2019ubushinjacyaha. Nyuma yo gusubiza ibyo bibazo,urukiko rwumvise undi mugabo witwa Angelus Rwamamara nawe wahamagajwe n\u2019urukiko kugirango agire ibyo asobanura ku byamuvuzweho n\u2019umutangabuhamwa AA. Mu buhamya bw\u2019uyu mutangabuhamya, yari yasobanuriye urukiko ko uyu mugabo Angelus ukorera urwego rw\u2019iperereza rwa gisirikare rwa leta Kigali ko ariwe wahamagaye kuri telefone akavugana n\u2019abantu bari i Kigali ari nabo bahaye akazi \u00a0PPU-Doyen,ariwe Uwumuremyi Vital bakamushinga gahunda yo guhimbira ibyaha bishinja Madamu Ingabire Victoire ko akorana na FDLR maze bamara kunononsora uyu mugambi mubisha uyu Vital Uwumuremyi agahabwa agashimwe ka sheki y\u2019ibihumbi magana atatu by\u2019amanyarwanda(300 000frw).<\/p>\n
Uwo musirikari wa DMI ,yahakanye ko akorera DMI ndetse ko atanayizi,yavuze ko akorera mu gisirikare gikorera ku butaka, ariko asabwe gutanga ikarika y\u2019akazi arayibura yerekana ikarita yivurizaho. Gusa uyu mutangabuhamya mu bisubizo yagiye aha urukiko ndeste n\u2019abandi bamubazaga mu rubanza yagiye ahuza imvugo na bimwe mubyo umutangabuhamya AA yari yavuze,ndeste anemeza ko amuzi ariko yagerageje guhakana ko ibyo bikorwa byo guha Vital misiyo yo kuzashinja Ingabire\u00a0 Victoire atabizi.<\/p>\n
Mu rukiko kandi haje kuvugwa indi baruwa yashyikirijwe ubushinjacyaha y\u2019umugabo washakanye n\u2019umutangabuhamya AA, muri iyi baruwa uyu mugabo avugamo ko yiteguye kugaragaza uburyo umugore we yashutswe n\u2019uruhande rwunganira Ingabire.<\/p>\n
Umutangabuhamya AA,akimara gusoma iyo nyandiko y\u2019umugabo we kuko yahawe ababuranyi bose yahise abwira urukiko ko uyu mugabo ntacyo yakagombye kubwira urukiko kuko ibyabaye byose byabaye adahari afunze.<\/p>\n
Urubanza rwarangiye\u00a0 umutangabuhamya AA asaba ko yasubira iwe mu rugo akajya kureba abana yasize anabwira urukiko ko atizeye umutekano we kuva umugabo we ari kwandika ibintu bimusenya.<\/p>\n
Urukiko rwanzuye ko iburanisha rizakomeza taliki ya 3 niya 4 Kamena 2013,humvwa uwo mugabo Kayiranga Gerubard,wari mu rukiko\u00a0 none yigamba ku bari bicaranye nawe asa nuwiteguye guhutaza umufasha we kubera ubuhamya yahaye urukiko aho yanavugaga ko we gereza atayitinya ko azayisubiramo ni biba ngombwa.<\/p>\n
Tuboneyeho kubamenyesha\u00a0 ko ,umunyamabanga\u00a0 mukuru w\u2019ishyaka FDU-Inkingi, Bwana Sibomana Sylvain na mugenzi we Dominique Shyirambere bahamagajwe n\u2019Urukiko Rukuru rwa Kigali\u00a0 kuburana ubujurire kw\u2019ifungwa ry\u2019agatenganyo taliki ya 27 Gicurasi 2013. Ibi bibaye nyuma yuko uru rukiko\u00a0 rwirengagije ubujurire bwabo ku ifungwa ry\u2019agateganyo mu gihe cy\u2019iminsi 30 ku cyemezo cyo kuwa 10 Mata 2013. Iyo minsi 30 yo gufungwa nayo yararangiye ubushinjacyaha ntibwasaba ko yongerwa cyagwa ngo\u00a0 barekurwe, ubu bakaba bafunze mu buryo butemewe n\u2019amategeko. Iri fungwa rinyuraje n\u2019amategeko niko rijyana no guhohotera izi mfungwa kugeza nubwo zitemeregwa uburenganzira butandukanye bwemererwa abandi bafungwa kugeza naho bafungirwa muri za kasho,bagakubitwa ndetse bakimwa n\u2019uburenganzira ku buzima. Iri hohoterwa rirerekanwa no kuba uyu Sibomana Sylvain ubu yarajyanwe gufungirwa muri gereza ya Muhanga mu buryo budasobanutse nyamara urukiko rwisumbuye rwa Gasabo rwari rwarategetse ko afungirwa muri Gereza ya Remera. Ibi bikaba binerekana ibyo duhora tuvuga ko inzego z\u2019ubutabera mu Rwanda zitigenga kuburyo n\u2019ibyemezo by\u2019abacamanza bidahabwa agaciro bigahindurwa n\u2019izindi nzego uko zishakiye.<\/p>\n
Ishyaka FDU-Inkingi rikaba risaba rikomeje ko umutangabuhamya AA yarindirwa umutekano ku buryo bwihariye cyane cyane uyu mutangabuhamya nawe ubwe yavuze ko afite ikibazo gikomeye ku mpungenge z\u2019umutekano we, izi mpungenge kandi zikaba zinashingiye ko bigaragara\u00a0 ko umugabo we atishimiye uburyo yatangaje ukuri kw\u2019ibyabaye kuburyo nabyo bishobora kumugiraho ingaruka zo kuba yanahohoterwa nuwo bashakanye.<\/p>\n
Twagirimana Boniface<\/strong><\/p>\n Visi Perezida w\u2019agateganyo<\/p>\n FDU-Inkingi<\/p>\n","protected":false},"excerpt":{"rendered":" Kigali kuwa 24 Gicurasi 2013-Ku cyicaro cy\u2019urukiko rw\u2019ikirenga kuri uyu wa gatatu tariki ya 24 Gicurasi 2013 hakomeje urubanza rw\u2019umuyobozi wa FDU-Inkingi Madame Victoire Ingabire, maze umutangabuhamya AA arangiza gusubiza ibibazo byabajijwe n\u2019ubushinjacyaha.<\/p>\n","protected":false},"author":3,"featured_media":3472,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[63],"tags":[],"class_list":["post-3626","post","type-post","status-publish","format-standard","has-post-thumbnail","hentry","category-ubutabera"],"yoast_head":"\n