Banyarwandakazi, banyarwanda;<\/p>\n\n\n\n
Iyo havuzwe ingaruka za jenoside ku muryango nyarwanda, abenshi bumva gusa akaga abatutsi barokotse bahura nako. Nyamara si bo bonyine bahanganye n\u2019ingaruka za jenoside. Inzirakarengane ziri mu moko yose. Ubugome bukururwa n\u2019inda nini, ugushaka ubutoni kuri FPR n\u2019ubutindi bw\u2019ivamguramoko, ni bimwe mu byabojeje imitima y\u2019abanyarwanda .<\/p>\n\n\n\n
Nyuma y\u2019intambara na mbere yayo hari abahutu benshi bagiriwe nabi bikomeye, nk\u2019uko hari abatutsi bahohotewe batagira kivugira. Intambara imaze kurangira, hari abatutsi benshi bishimiye ku bahutu, bumva ko ingoma zivugiye kubashyira heza, maze barahemuka bikabije, bafungisha ababi n\u2019abeza, bishongora ku babi n\u2019abeza, bicisha ababi n\u2019abeza, mbese bereka umuhutu ko bimye ingoma yo guhonyora abahutu bose. Bigabije iby\u2019abahutu, bahemukira n\u2019abababaniye, n\u2019abo baturanye, n\u2019abo basukiranaga. Mu maso y\u2019abahutu bamwe, bene abo batutsi batukishaga ikitwa umututsi cyose. Uroye byagenze nk\u2019uko abahutu bamwe bitwaye muri jenoside igihe batukisha umuhutu wese. Ibyabaye bigaragaza ko inkozi z\u2019ibibi zoretse U Rwanda zagiye zigaragara mu moko yose kandi zitihishira habe na gato. Zatukishije amoko y\u2019abanyarwanda, zatukishije igihugu cyose.<\/p>\n\n\n\n
Tugarutse kuri ubwo buhemu bwo kwihimura ku batacumuye no kugirira nabi umuhutu, dusanga hamwe mu hantu bwagaragaye cyane, n\u2019ubwo bwabaye henshi, ari muri perefegitura ya Kibuye. Umwe mu miryango yibasiwe n\u2019ubugone ndengakamere ku Kibuye, ni umuryango wa pasitoro Ntakirutimana, wahemukiwe bikomeye n\u2019abashakaga kwigaragaza neza ku ngoma yari FPR, ndetse bifuza no kuwusahura. Icyo benshi mu batutsi bigaragaje nabi batari bazi, ni uko ingoma biratanaga nabo yari ibabikiye ibanga ry\u2019agafuni n\u2019ubuhotozi. Hari benshi mu batutsi bahemutse bishora mu bwicanyi n\u2019ubugambanyi nabo byarangiye ingoma mpotozi ibivuganye. Aha twavuga nka Assiel Kabera, Mucyo Jean de Dieu, n\u2019abandi benshi mu ntara zose z\u2019igihugu. Ku birebana na Kibuye, Assiel Kabera we na Ars\u00e8ne Kwizera, ari mu bajengereje umuryango wa Pastori Ntakirutimana, afatanyije n\u2019abandi bigize inkozi z\u2019ibibi nka Hozeya Niyibizi, Dr Kayijaho, Paul Muvunyi, umudamu witwa Kankindi wabohoje imwe mu mazu y\u2019umuryango wa pastori Ntakirutimana, Bandora, n\u2019abandi. <\/p>\n\n\n\n
Ibibi byakorewe uyu muryango wa pastor Ntakirutimana ni byinshi. Habayeho guhimba ibyaha, bimwe basigaye bita gutekinika. Bahimbye dosiye y\u2019ubwicanyi muri jenoside, maze n\u2019abatari bari ku Kibuye nka Hozeya Niyibizi, bivugwa ko yari muri hoteli Mille Collines, barihandagaza bavuga ko babonye abo muri uyu muryango bakora jenoside ku Mugonero muri Kibuye, maze bakigira abatangabuhamya mu nkiko. Uwitwa Bandora, wari kuri za bariyeri, bikekwa ko yari afitanye isiri n\u2019inkotanyi, n\u2019ubwo yari afite indangamuntu ya \u201dhutu\u201d yari yarafashijwe kubona, aho kubazwa uruhare rwe mu bwicanyi, ahubwo nawe akagaragara ashinja inzirakarengane, yibasira umuryango wa pasitori Ntakirutimana, kuko azi ko yibeshye gato akavuga ukuri, FPR yamutanga ndetse ikanamwihakana n\u2019ubwo yamukoresheje, dore ko nta utamuzi kuri bariyeri z\u2019interahamwe. Ni benshi bakoreshejwe mu guhindanya no gusahura umuryango wa pasitori Ntakirutimana, babikoze babitewe n\u2019ishyari n\u2019ukwifuza ubutunzi bw\u2019uyu muryango. Muri Kibuye habaye ubutindi bwinshi bwakozwe na bamwe mu batutsi bibonekeje cyane nk\u2019abakamirwa ba FPR, n\u2019ubwo yagiye ibivugana nabo urusorongo, abandi bagatorongera bagahunga, ariko na n\u2019ubu bakaba bataricuza ubugome bakoze. Umuryango wa Pastori Ntakirutimana urazira ubutunzi bwawo, ukanazira ko wabashije kuba inyangamugayo mu bihe by\u2019ubwicanyi bwibasiye abanyarwanda, bwaba ubwa jenoside cyangwa se ubundi. Urazira ubugiraneza wakoze, ubugiraneza wagiriye abatutsi n\u2019abahutu. Urazira kandi kwanga kwijandika mu mafuti y\u2019ingoma ya FPR, no gukomera ku bunyangamugayo. Kwanga kuyoboka ingoma iriho ni kimwe mu byo uyu muryango wakomeje kuzizwa, kugeza n\u2019aho imwe mu mitungo itimukanwa yawo yigarurirwa n\u2019ishyaka riri ku butegetsi ndetse n\u2019abakamirwa baryo.<\/p>\n\n\n\n
Igihe kurageze ko abanyarwanda banga ikibi bavugiriza induru inkozi z\u2019ibibi, bagahagurutswa no kwanga ko abazima mu banyarwanda b\u2019amoko yose baba aribo bihimurwaho bagerekwaho amadosiye mahimbano, mu gihe izo nkozi z\u2019ibibi ziba zigaramiye. Ku bw\u2019iyi mpamvu, abanyarwanda b\u2019inyangamugayo bose, amashyirahamwe y\u2019abanyarwanda aharanira uburenganzira bw\u2019ikiremwamuntu, n\u2019abanyamahanga bakurikiranira hafi ibibera mu Rwanda, barahamagarirwa kwamagana ubugizi bwa nabi bwakorewe kandi n\u2019ubu bugikorerwa uyu muryango wa Pastor Ntakirutimana, bakamagana ubugome bunyuzwa mu nkiko mpuzamahanga n\u2019inkiko zo mu gihugu. Akarengane k\u2019uyu muryango karakabije, mu gihe abajenosideri ba ruharwa bidegembya no mu Rwanda imbere kuko bakingiwe ikibaba n\u2019agatsiko kari ku butegetsi. Birababaje kubona abacamanza bo mu bihugu bikize kurusha ibindi ku isi bakoreshwa amakosa bagahohotera inzirakarengane hejuru y\u2019inkuru zidafite ishingiro n\u2019ubugome bw\u2019itekinika rya leta y\u2019u Rwanda.<\/p>\n\n\n\n
Niduhagurukira rimwe twese mu kwamagana ubutekamutwe n\u2019ibinyoma bigaragara mu manza zirebana na jenoside, bizadushoboza gutabara abanyarwanda benshi, no gushyira hanze ba sekibi bakomeje guhekura umuryango nyarwanda.<\/p>\n\n\n\n
Ntitukagire ubwoba bwo kurengera abarengana.<\/p>\n\n\n\n
Umurerwa Felikula<\/strong><\/p>\n\n\n\n Kampala, Uganda<\/strong><\/p>\n","protected":false},"excerpt":{"rendered":" Banyarwandakazi, banyarwanda; Iyo havuzwe ingaruka za jenoside ku muryango nyarwanda, abenshi bumva gusa akaga abatutsi barokotse bahura nako. Nyamara si bo bonyine bahanganye n\u2019ingaruka za jenoside. Inzirakarengane ziri mu moko yose. Ubugome bukururwa n\u2019inda nini, ugushaka ubutoni kuri FPR n\u2019ubutindi bw\u2019ivamguramoko, ni bimwe mu byabojeje imitima y\u2019abanyarwanda . Nyuma y\u2019intambara na mbere yayo hari abahutu […]<\/p>\n","protected":false},"author":2,"featured_media":36343,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[78],"tags":[],"class_list":["post-36333","post","type-post","status-publish","format-standard","has-post-thumbnail","hentry","category-ibitekerezo"],"yoast_head":"\n