Abatagera i Bwami ngo babeshywa byinshi, ukuri kw\u2019ishyaka FPR INKOTANYI, benshi bahozemo ryitwa \u201cumuryango\u201d, ryavutse rifite intego nziza ku \u201cbanyarwanda\u201d, dukurikije imigabo n\u2019imigambi yatumye rishingwa, riza guharanira kugera ku butegetsi rishyigikiwe n\u2019abanyarwanda benshi bo mu bwoko bw\u2019abatutsi bari barahungiye mu bihugu byo hanze y\u2019u Rwanda, rirakura riza kubasha kureshya bamwe mu bahutu batari bameranye neza n\u2019ubutegetsi bw\u2019igitugu bwa Habyarimana n\u2019agatsiko ke.<\/p>\n
Ikinteye kwandika kur\u2019uyu muryango ni ubutumire nandikiwe na \u201cChairman wa RPF\u201d nkuko bakunze kubita w\u2019Akagari ntuyemo, bwansabaga kwitabira Inama y\u2019Umuryango FPR inkotanyi izabera ahasanzwe hakorerwa inama nyuma y\u2019UMUGANDA, yakozwe kuya 25 Gicurasi, 2013 ikaba yaragombaga kwiga ku ngingo nyinshi zitandukanye ntari bubabwire hano, ubu butumwa nkaba ntarabashije kubwitabira kuko nari hanze y\u2019igihugu ku mpamvu z\u2019akazi kanjye, nkaba ngirango nsangize abasoma iyi nkuru ishusho FPR INKOTANYI ifite mu mitima y\u2019abanyarwanda benshi bayirimo, bityo bidufashe kwumva ibihe turimo, aho byerekeza.<\/p>\n
Mu Rwanda rero nkuko bizwi, FPR ni ishyaka ry\u2019abanyarwanda, riri ku butegetsi kandi \u201crikunzwe cyane n\u2019abanyarwanda bose, kubera ko ryarwanyije AKARENGANE, rivanaho UBUTEGETSI BUBI, rihagarika JENOSIDE yakorewe abatutsi, rikaba rikataje mu GUTEZA IMBERE IGIHUGU, ibi bikaba bihamywa n\u2019uko Nyakwubahwa Perezida Kagame yatowe hejuru y\u2019amajwi 90% ubugira kabiri ndetse agatorwa n\u2019abanyarwanda benshi bamushyigikiye kubera ko IMVUGO YE NIYO NGIRO…\u201d Aya ni amagambo muzasanga agenda agaruka cyane mu Manama hirya no hino, cyane cyane iyo turi mu Manama, yaba aya Leta, ay\u2019Ubucuruzi n\u2019ahandi henshi hateraniye abanyarwanda, ariko ibi bikaba bitandukanye n\u2019ukuri, kuko mu Rwanda ababa mw\u2019ishyaka rya FPR turibamo ibyo kuryarya Kagame n\u2019abambari be nkuko ngiye kubibasangiza.
\nFPR nakwemeza ko imaze guca agahigo mu Rwanda kuko ari ishyaka rizwi cyane, nyamara nubwo abenshi bafite icyo bariziho hari n\u2019abaryumva rikagira byinshi ribibutsa, duhereye mu ntambara yo gufata ubutegetsi, FPR yagiye irangwa n\u2019ishyaka mubyo yakoraga byose, iri rikaba ryaraturukaga ku bwitange, guhuriza hamwe imbaraga no kugira intego isobanutse abari bayirimo, ndetse n\u2019abiyumvaga mu nyungu yarwaniriraga bagaragaje, kuva ivutse, mu ntambara aho bagaragaje kwitanga, haba ku bantu no mu bintu, aho ababyeyi bemeye kwohereza abana babo ku rugamba baziko bashobora kuhashirira, abandi basiga imiryango yabo, bacikisha amashuri, basezera ku kazi keza kari kabatunze, abantu bitanga uko bashoboye kugeza aho rifatiye ubutegetsi, abarigize bakigabanya imyanya myiza yose, basaranganyije n\u2019andi mashyaka uko byari biteganyijwe mu masezerano ya Arusha.<\/p>\n
Iri shyaka twavugako riheruka kuba ishyaka abari bararishinze bakiririmo, kuko nibura icyo gihe bajyaga bashyamirana bigahera iyo ariko bakadukinga akenda mu maso twe tukumvako ibyo bakora babikorera inyungu z\u2019igihugu kugeza ubwo abanyarwanda batangiye kumenya ukuri ku makosa akomeye Kagame n\u2019agatsiko k\u2019abasirikare benshi bavuye i Bugande bagiye bakora yo kwica abana b\u2019abasore bize, babarushaga amashuri kubera kwikanga ko umunsi bageze i Kigali bazabategeka, hatangiye kumenyekana ukuri ku mpfu z\u2019abo bana baturutse cyane cyane i Burundi, Zayire yak era n\u2019ahandi mu bihugu byari bijijutse, ubwo abatutsi baba batangiye kugenda bacika integer, ntibyahagaze haje kuvuka ikindi kibazo cy\u2019ubwicanyi bw\u2019abahutu hirya no hino mu Rwanda, ibi bitera umwuka mubi hagati y\u2019abayobozi ba FPR, cyane cyane abo mu bwoko bw\u2019abahutu bari bagize Bureau politike yayo, aha twavuga nka ba nyakwigendera Seth SENDASHONGA, ba minisitiri wahoze ayobora Minisiteri y\u2019ubutabera, ba Kanyarengwe, Rizinde aba arahunze, bigenda bikomeza bityo bityo, FPR igenda icika mo ibice ku muvuduko ukanganye, ibi ndetse bifata intera aho abatutsi basubiranyemo, abashinze ishyaka batangira kwigizwa hirya n\u2019Agatsiko ka Kagame warukomeye cyane mu maso y\u2019abatutsi, doreko bamubonaga mo umucunguzi wabo, kuko yabakuye mu mahanga akabagarura iwabo, gusa ntibamenyeko uwo Kagame, wigaragazaga nk\u2019intwari icyo gihe ariwe washoboraga guhinduka ikibazo gikomereye u Rwanda n\u2019abanyarwanda uyu munsi.<\/p>\n
Gucikamo ibice kwa FPR, umwiryane mu bayobozi bayo, akagambane, guharabika, iterabwoba, ubwicanyi bwa hato na hato, kwishishanya, kubiba amatiku no kwikubira kuri bamwe bagamije kwubaka agatsiko byaje kwamamara, icyari umuryango gihinduka ishyirahamwe ry\u2019Ibisambo, rimwe na rimwe ridatinya kumena amaraso y\u2019uwo wese washoboraga kwitambika mu nyungu z\u2019agatsiko ka Kagame, kugeza ubwo batwigaragarije, bakatwereka isura nyayo yabo, ubwo bikubiraga imyanya yose ikomeye mu gihugu (aha ndavuga aka gatsiko kagizwe n\u2019abatutsi bavuye i Bugande, nabo bikaba atari bose), nuko batakaza ICYEREKEZO nyacyo ishyaka ryari rifite, ahubwo BASHIMUTA ibyari ishyaka barihindura UMUYOBORO wo GUKIRA VUBA, GUTEGEKESHA IGITUGU KIVANZE AHANINI N\u2019ITERABWOBA, nuko bimakaza IBIBI BY\u2019UBWOKO BWOSE.<\/p>\n
Mu byasenye FPR ahanini, harimo KWIBESHYA ku muntu, kuko iyo bataza kwibeshya kuri Kagame, mpamyako uyu munsi tuba tugifite abasirikare benshi, abanyepolitiki benshi, abanyabwenge benshi, intwari nyinshi zakundaga, zitangiye kandi zaharaniraga ko u Rwanda rwakwikura mu bibazo rwahozemo, rurimo, ndetse rukomeje gushorwamo na Kagame afatanyije n\u2019agatsiko ke, KAGIZWE AHANINI n\u2019ABANYAMAHANGA b\u2019ibisahiranda bameze nka \u201crobots\u201d zikunda IMIYA kurusha abantu, kuburyo abo aribo biganje mu butegetsi bwite bwa Leta y\u2019u Rwanda, aba bakaba bakora uko bashoboye ngo bigarurire imitungo yose y\u2019u Rwanda, ndetse abenshi bakaba bamaze kuyogoza igihugu bamaze kugisiga iheruheru. Muti ibi bishoboka bite? FPR abahanga bayishinze bari barateguye neza umushinga wo kwubaka u Rwanda, gusa Kagame amaze kubigizayo, yakoze ku buryo afata ibyegera bye akabiha ububasha, aho ibyo byegera bye byaduhitiragamo abayobora FPR guhera ku rwego rw\u2019umudugudu kugeza ku rwego rw\u2019akagari, aho akenshi batuzanira abayobozi (ba Chairman) bakadutegeka kubatora, doreko ibyayo bihora muri \u201ctekiniki\u201d, batumiza inama, bakatwumvisha ko tugiye kwishyiriraho inzego zituyobora, hanyuma nyirigutumiza iyo nama akaba ari nawe wihitiramo umukandinda mu nzego zose nkuko aba yabitumwe n\u2019Ubunyamabanga bw\u2019ishyaka, kandi uyu aba agomba kuba afitanye isano n\u2019agatsiko, yaraturutse i Bugande, kuko ahanini iyo bamaze gutorwa abenshi baba badatuye aho batorewe, batazi ikinyarwanda, nta migabo n\u2019imigambi tubaziho yewe nta n\u2019ubunyangamugayo tumuziho kuko aba yazanywe n\u2019abakomeye.<\/p>\n
Ibi mvuze rero byagiye bitera abantu kugira amakenga no kujujura mu mitima yabo kuburyo, bagiye banga UBWIRU no GUTONESHA ABAGANDE bikorwa mur\u2019iri shyaka, aho aba bategetsi dutorewe ahanini usanga bimakaje imbere GUKIRA VUBA, usanga bahutaza abo bashinzwe kuko nta kiraro na kimwe kiba kibahuza, doreko n\u2019IKINYARWANDA ubwacyo batacyikoza, usanga n\u2019imvugo zabo zuzuyemo ubuswa no kwerekana ko bavuye i \u201cYerusalemu\u201d nkuko abenshi bahita, maze bamara gukira INZARA bakagaragaza UBWIBONE, AGASUZUGURO, UBUGOME no GUHUTAZA abanyarwanda kuko bo baba batiyumvamo kuba abanyarwanda.<\/p>\n
Ubu aho mvugira aha, kubera impamvu navuze haruguru, nabemeza ko nta munyarwanda \u201cnyawe\u201d ukibarizwa muri FPR, bayirimo kubera ko banga kwiteranya n\u2019abakomeye, kuko byagaragaye ko iyo ushatse kunyuranya n\u2019ubushake bwabo, bagusibira amayira yose, aho bakubuza amahwemo mu kazi, hari abanyarwanda ubu baciwe burundu ku buryo udashobora kubona akazi aho ariho hose mu Rwanda ndetse n\u2019ahantu hose bashobora kugera, bitewe nuko banze kugaraguzwa agate, cyangwa bagiranye amakimbirane yoroheje n\u2019igikomerezwa, bipfa gusa kugera muri Sekeretariya kwa Ngarambe, hari benshi bakeneshejwe, aho batezwa Rwanda Revenue Authority, Inkiko, Polisi, Inzego z\u2019ibanze kuburyo baguteza burikintu cyose ndetse warebanabi bakanakwica ngo kuko waciye ukubiri n\u2019UGUSHAKA KWA FPR, aha naho kuba igipinga, kunyuranya n\u2019ibyo FPR ishaka bikaba biguhindura umwanzi w\u2019igihugu, nyamara kandi batubeshya ngo dufite amashyaka menshi.<\/p>\n
Nkaba nababwirako uburyo bugezweho FPR isigaye ikoresha umuganda rusange wa Leta mu nyungu zayo bwite, aho iboneraho igafatirana abaturage, waba uri umuyoboke wayo cyangwa utanayirimo, ikabakoresha inama zihoraho buri kwezi, aho ibabwira gahunda zayo ahanini ziba zigoye gutandukanwa n\u2019iza Leta, ibi bikaba bikubiyemo iterabwoba kuko bitwaza ko iyo utitabiriye umuganda ucibwa ihazabu iremereye, ndetse ukaba wafatwa nk\u2019umwanzi w\u2019igihugu, igipinga, ikigande n\u2019ibindi byaha byose bikomeye, bityo FPR ikaba yarabonye uburyo bwo gufata ingwate abaturage bose nyuma y\u2019umuganda ikababwira ibyo ishaka kubabwira byose, doreko nubwo byitwa inama usanga ahubwo arukumenyeshwa ibyemezo bishya byafashwe n\u2019umunyagitugu Kagame n\u2019agatsiko ke k\u2019abanyamahanga biganjemo abagande (aha ndavuga abagande nyabagande, batagira igisekuru mu Rwanda, ndetse batazi ikinyarwanda na gikeya kandi bashaje).<\/p>\n
Uku gufata ingwate abaturage nibyo mubona bikorwa burigihe iyo Kagame yakoresheje igiterane agamije kwishongora ku banyamahanga ko akunzwe, aho bategeka abaturage gufunga ibikorwa byose, bagakinga amazu, amaduka, insengero, ibiro by\u2019ubutegetsi, ibitaro ndetse n\u2019amavuriro byose, bagashorera abaturage n\u2019inkoni nyinshi baberekeza aho bateguye, maze bakaragirwa nk\u2019amatungo ari nako bategekwa kumwenyurira amafoto no kuririmbira IKIGIRWAMANA Kagame, kabone nubwo baba baburaye, barwaye cyangwa batamushyigikiye na gato, iyo niyo FPR iri mu Rwanda, niryo shyaka rukumbi rya papa na mama, nibwo bwato bushya burimo u Rwanda n\u2019abanyarwanda doreko yo ubwayo ari nini cyane kurusha u Rwanda, nikimenyimenyi, isigaye itunze u Rwanda, irakize, irakomeye, ndetse niyo igenera u Rwanda uko rugomba kubaho, nyamara atariko byakagombye kugenda, inzego zose zari zikwiye gukorera u Rwanda zikorera FPR, KAGAME, ABANYAKAZU, u RWANDA hanyuma hagaheruka UMUTURAGE nabwo rimwe na rimwe.<\/p>\n
Kanyarwanda.<\/strong><\/p>\n","protected":false},"excerpt":{"rendered":" Abatagera i Bwami ngo babeshywa byinshi, ukuri kw\u2019ishyaka FPR INKOTANYI, benshi bahozemo ryitwa \u201cumuryango\u201d, ryavutse rifite intego nziza ku \u201cbanyarwanda\u201d, dukurikije imigabo n\u2019imigambi yatumye rishingwa, riza guharanira kugera ku butegetsi rishyigikiwe n\u2019abanyarwanda benshi bo mu bwoko bw\u2019abatutsi bari barahungiye mu bihugu byo hanze y\u2019u Rwanda, rirakura riza kubasha kureshya bamwe mu bahutu batari bameranye neza […]<\/p>\n","protected":false},"author":3,"featured_media":2518,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[62],"tags":[],"class_list":["post-3662","post","type-post","status-publish","format-standard","has-post-thumbnail","hentry","category-politiki"],"yoast_head":"\n