Inkuru ya Perezida wa Tanzaniya Jakaya Kikwete wasabye ko Leta y’u Rwanda yaganira na FDLR, yashyuhije imitwe benshi. Ariko njye insigiye isomo rishobora kuba ritandukanye niryo abandi bakuyemo!<\/p>\n
<\/p>\n
Mbere na mbere ndabanza kuvuga ko nanjye nishimiye igitekerezo Prezida wa Tanzaniya yatanze cy’uko Leta y\u2019u Rwanda yakagombye gushyikirana na FDLR. Birazwi kandi ntabwo na Leta y\u2019i Kigali iyobewe ko abagize uyu mutwe bose atari abanyabyaha ahubwo ari urwitwazo ikomeza gukoresha kugirango inige rubanda ikore ibyo ishaka yica kandi igakiza uwo ishaka!<\/p>\n
Gusa banyarwanda tujye dusubiza amaso inyuma turebe dukore icyo nakwita remise en question (kwibaza ku bintu) ntidutwarire ibintu mu kirere. Aha ndashaka kugirango twese hamwe twibaze ikibazo kimwe kijyanye n’abitwa abanyapolitike batavuga rumwe na Leta iriho ubu; KO BOSE NABONYE BARISHIMIYE IBYATANGAJWE NA PEREZIDA KIKWETE, amatangazo reka sinakubwira ku buryo watekereza ko ari intsinzi ndetse bamwe bagasa n’abenda kugaragaza ko babigizemo uruhare mu buryo buziguye kuba aho ibintu bigeze ubu; NI KUBERA IKI ABA BOSE BO NTA N’UMWE WIGEZE AHAGURA ATI REKA DUSHYIRE HAMWE NA FDLR niba koko nk’uko barimo kubigaragaza muri iyi minsi ko FDLR atari abicanyi nkuko bakomeje gusigwa iryo bara?<\/p>\n
Njye rero nkabona ko abenshi barwanira ubutegetsi bashyiraho amashyaka ubutitsa ariko mu by’ukuri ari uburyo bwo kugirango bicare barekereje ko hari icyahinduka ngo barebe ko bakwibonera imyanya batitaye ku buryo baba bayigezeho, batitaye ku nyungu za rubanda ahubwo ari ukwishakira utunyungu twabo bwite, abandi ndetse banakorera abo babeshya ko barwanya (Leta y\u2019 i Kigali), nkaba nanibwirako aricyo gituma byarabananiye gushyira hamwe ngo bahuze imbaraga zo kuyirwanya.<\/p>\n
Ese ko kera\u00a0 abanyapolitike bamwe barwanyaga ubutegetsi bwa Perezida Habyarimana, harimo n’abahutu bafashe inzira bagasanga Inkotanyi, aho zari iyo za Mulindi n’ahandi, imisanzu reka sinakubwira, kuki ubu noneho badafata inzira ngo babigenze nk’uko byagenze icyo gihe niba koko bafite umugambi wo kurwanya FPR ngo bagende basange abayirwanya aho bari mumashyamba cyangwa se nibura bavuge bati reka tuyishakishirize imisanzu dukore mobilisation nk’uko babikoreye inkotanyi? N’uko izo Nkotanyi se batari bazi amahano zikora? Niba batinya gukorana na FDLR ngo nuko yiswe abicanyi (nk\u2019 Insina ngufi ariyo icibwaho urukoma)?<\/p>\n
Nimubabwire basigeho politike ya opportunisme no kubeshya, bave mu magambo bajye mu bikorwa, cyangwa abirirwa bavugako bagiye guhaguruka bakajya i Kigali, bagende basange abiyemeje kurwanya FPR nk’uko bamwe muri bo babikoze basanga FPR irwanya Perezida Habyarimana \u00a0cyangwa se bareke abafite gahunda yo gukorera rubanda bashaka kuyikura mu kagaga mu bukene n’agahinda, bakore.<\/p>\n
Kandi Birashoboka<\/p>\n
Mwambwira uko mubitekereza kuri<\/p>\n