{"id":36906,"date":"2020-07-17T22:27:43","date_gmt":"2020-07-17T20:27:43","guid":{"rendered":"http:\/\/www.therwandan.com\/ki\/?p=36906"},"modified":"2020-07-17T22:28:07","modified_gmt":"2020-07-17T20:28:07","slug":"iteshwagaciro-rihanitse-kuri-dr-habumuremyi-ikimenyetso-ko-nta-butabera-azahabwa","status":"publish","type":"post","link":"https:\/\/www.therwandan.com\/ki\/iteshwagaciro-rihanitse-kuri-dr-habumuremyi-ikimenyetso-ko-nta-butabera-azahabwa\/","title":{"rendered":"Iteshwagaciro rihanitse kuri Dr Habumuremyi, ikimenyetso ko nta butabera azahabwa"},"content":{"rendered":"\n

Yanditswe na Frank Steven Ruta<\/strong><\/p>\n\n\n\n

Kuwa 16 Nyakanga 2020 andi mateka yongeye kwiyandika mu Rwanda, aho rukataje mu gukoza isoni, gusebya, gutesha agaciro no kunnyega abo rwahaye ubuyobozi rwiyerurutsa, rukabakuraho rubasiga icyasha n\u2019ubusembwa ndengakamere.<\/p>\n\n\n\n

Nyuma y\u2019aho Dr Pierre Damien Habumuremyi afatiwe bikagirwa inkuru kimomo mu gihugu hose, ibinyamakuru bikora nk\u2019imizindaro ya Leta ya Kigali bikamurimiraho ibisinde, hari ababanje gukeka ko byaba ari amarangamutiima ya bamwe mu banyamakuru ku giti cyabo, ariko uburyo yagejejwe imbere y\u2019Urukiko ateshejwe agaciro ku buryo bubabaje, byeretse benshi ko Leta ya Kagame igamije kumucura bufuni na buhoro.<\/p>\n\n\n\n

Dr Habumuremyi aregwa iki, abivugaho iki?<\/strong><\/p>\n\n\n\n

\"\"<\/figure>\n\n\n\n

Nk\u2019uko byatangajwe n\u2019Ubugenzacyaha nyuma yo kumuta muri yombi, bigasubirwamo uyu munsi\u00a0 n\u2019ubushinjacyaha, Dr Habumuremyi, avuga ko akurikiranyweho ibyaha byo gutanga sheki zitazigamiye n\u2019icyaha cy\u2019ubuhemu. Dr Pierre Damien Habumuremyi yahakanye ibyaha byose aregwa. Byaba ibyavuzwe na we ubwe, cyangwa ibyavuzwe n\u2019abamwunganira mu mategeko ari bo Me Kayitare Jean Pierre na Me Bayisabe Erneste, bagarutse ku kuba atisanzuye mu miburanishirizwe ye ku bw\u2019umuvundo w\u2019abari mu rukiko biganjemo abanyamakuru banyuranagamo buri kanya.<\/p>\n\n\n\n

Dr Habumuremyi n\u2019abamwunganira basabye ko yaburana mu muhezo kugira ngo iryo sahinda riveho, basaba ko yaburana adafunzwe kugira ngo akomeze yishyure abo abereyemo imyenda, banasobanura ko nta mwenda yafashe ku bwe, ko ahubwo ari amafaranga yunganira Kaminuza yashinze.\u00a0<\/p>\n\n\n\n

Imirimo ikomeye y\u2019ubwitange Dr Habumurmyi yakoreye Leta ya Kagame<\/strong><\/p>\n\n\n\n

\"\"<\/figure>\n\n\n\n

Umugabo Dr Pierre Damien Habumuremyi yakoreye Leta y\u2019u Rwanda imyaka myinshi, kandi aho yakoze hose yari igikoresho kidafata ibyemezo, akagira gusa inshingano yo gushyira umukono ku byo adasobanukiwe cyangwa atemera,\u00a0 atazi n\u2019aho byakorewe.<\/p>\n\n\n\n

2000-2008: Yabaye umuyobozi muri Komisiyo y\u2019igihugu y\u2019amatora, aho yakoze ubucakura bukomeye mu mwaka wa 2003 mu gushushanya amajwi ya Kamarampaka n\u2019ay\u2019itorwa rya Gen Maj Paul Kagame wari uhanganye bikomeye na Faustin Twagiramungu ku mwanya wa Perezida wa Repubulika.<\/p>\n\n\n\n

2008-2011: Yabaye umudepite uhagarariye u Rwanda mu Nteko Ishinga Amategeko y\u2019Umuryango wa Afurika y\u2019Iburasirazuba EAC<\/p>\n\n\n\n

2011: Yagizwe Minisitiri w\u2019Uburezi, umwanya yamazeho igihe gito.<\/p>\n\n\n\n

2011-2014: Yabaye Minisitiri w\u2019Intebe, atangirana ibakwe ryo gutungura ibigo bya Leta bitanga serivisi mbi, akabicyaha, ariko aza gukomwa mu nkokora n\u2019abamurushaga ubutoni ibukuru, aceceka atyo.<\/p>\n\n\n\n

Nyuma y\u2019aho yagizwe umuyobozi w\u2019Urwego\u00a0rw’igihugu rushinzwe imidari y’ishimwe, akaba yarafunzwe akiri kuri uyu mwanya.<\/p>\n\n\n\n

Pierre Damien Habumuremyi ni umwe mu Banyarwanda mu ikubitiro bahatiwe gukangurira abahutu bose kwisiga icyasha cy\u2019uburyozwacyaha muri Jenoside, bagatangira kwishinja ko ntacyo bakoze, bityo bagasaba imbabazi z\u2019ikivunge muri gahunda y\u2019ubuhezanguni yiswe \u201cNdi Umunyarwanda\u201d ya yindi Kizito yaririmbaga ko iburamo \u201cNdi-Umuntu\u201d<\/p>\n\n\n\n

Gufungwa kwa Dr Pierre Damien Habumuremyi kwahuriranye n\u2019ifungwa rya Kaminuza yashinze, yitwa Christian University of Rwanda.<\/p>\n\n\n\n

\n