{"id":36946,"date":"2020-07-21T12:55:35","date_gmt":"2020-07-21T10:55:35","guid":{"rendered":"http:\/\/www.therwandan.com\/ki\/?p=36946"},"modified":"2020-07-21T16:54:56","modified_gmt":"2020-07-21T14:54:56","slug":"noneho-col-tom-byabagamba-araregwa-ubujura","status":"publish","type":"post","link":"https:\/\/www.therwandan.com\/ki\/noneho-col-tom-byabagamba-araregwa-ubujura\/","title":{"rendered":"Noneho Col Tom Byabagamba araregwa “UBUJURA”!"},"content":{"rendered":"\n

Amakuru dukesha ikinyamakuru umuseke.rw gikorera mu Rwanda aravuga ko Col Tom Byabagamba uyu munsi tariki 21 Nyakanga 2020 yitabye Urukiko rw\u2019Ibanze rwa Kicukiro ashinjwa icyaha cy\u2019Ubujura gusa ataha ataburanye kuko abamwunganira mu mategeko batari baje. <\/p>\n\n\n\n

Uyu munsi uyu wahoze akuriye itsinda ry\u2019ingabo zirinda Umukuru w\u2019Igihugu yitabye urukiko yambaye impuzankano z\u2019abagororwa ba gisirikare. <\/p>\n\n\n\n

Tom Byabagamba wari wajuririye Urukiko rw\u2019Ubujurire, mu Ukuboza rwamukatiye gufungwa imyaka 15 no kwamburwa impeta zose za gisirikare mu gihe Urukiko Rukuru rwa Gisirikare rwari rwamukatiye gufungwa imyaka 21. Nyuma byagiye byumvikana ko hari ibindi byaha akurikiranyweho. <\/p>\n\n\n\n

\"\"<\/figure>\n\n\n\n

Uyu munsi yitabye Urukiko rw\u2019Ibanze rwa Kicukiro, abanza gusomerwa icyaha akekwaho cy\u2019UBUJURA, abazwa niba aburana akemera, avuga ko atakemera.Gusa uru rubanza rwasubitswe ataburanye kuko abanyamategeko bamwunganira batari bitabye urukiko mu gihe kubura yunganiwe ari uburenganzira yemererwa n\u2019itegeko.<\/p>\n\n\n\n

Byabagamba yageze ku rukiko saa mbiri n\u2019igice (08:30) ari mu modoka zitwara imfungwa za gisirikare, arinzwe cyane kuko imbere y\u2019iyi modoka hari moto yagendaga ikura mu nzira ibindi binyabiziga.Yahise yinjira mu cyumba cy\u2019urukiko yambaye impuzankano z\u2019imfungwa za gisirikare y\u2019icyatsi n\u2019inkweto za Plastique n\u2019agapfukamunwa k\u2019umukara.<\/p>\n\n\n\n

Nyuma y\u2019Iminota 10, inteko igizwe n\u2019Umucamanza umwe n\u2019umwanditsi w\u2019Urukiko bahise binjira mu cyumba cy\u2019Urukiko, Umucamanza ahita asaba uregwa guhaguruka akigira imbere.<\/p>\n\n\n\n

\"\"<\/figure>\n\n\n\n

Yahise amusomera umwirondoro we amubaza niba ari uwe, undi asubiza ko ari wo, ni bwo yahitaga amubaza niba aburana yemera icyaha cy\u2019Ubujura, undi asubiza agira ati \u201cNtabwo nkemera.\u201d<\/p>\n\n\n\n

Umucamanza yahise asaba Ubushinjacyaha gusobanura imikorere y\u2019icyaha cy\u2019Ubujura burega Col Tom Byabagamba uko yagikoze, uregwa (Col Tom Byabagamba) yahise azamura agaragaza inzitizi ko atiteguye kuburana kuko adafite abamwunganira mu mategeko.<\/p>\n\n\n\n

Ubushinjacyaha bwahise buvuga ko butunguwe no kubona nta munyamategeko n\u2019umwe wunganira Col Tom Byabagamba waje mu rubanza kandi kuri uyu wa Mbere bwari bwavuganye na Me Gakunzi Valelie usanzwe wunganira Col Tom Byabagamba bumwibutsa iby\u2019uru rubanza.<\/p>\n\n\n\n

Umucamanza yumvise impande zombi, ahita subika urubanza arwimurira tariki 14 Nzeri 2020.<\/p>\n\n\n\n