Urukiko rw\u2019Ibanze rwa Gasabo, rwategetse ko Dr Pierre Damien Habumuremyi wahoze ari Minisitiri w\u2019Intebe, afungwa iminsi 30 y\u2019agateganyo mu gihe iperereza rigikomeje ku cyaha cyo gutanga sheki itazigamiye n\u2019icyaha cy\u2019ubuhemu akurikiranyweho.<\/p>\n\n\n\n
Ku wa 16 Nyakanga nibwo Dr Pierre Damien Habumuremyi wahoze ari Minisitiri w\u2019Intebe, yitabye Urukiko rw\u2019Ibanze rwa Gasabo, abwira umucamanza ko atemera ibyaha bibiri aregwa aribyo gutanga sheki itazigamiye n\u2019icyaha cy\u2019ubuhemu.<\/p>\n\n\n\n
Yari yaburanye asaba kurekurwa hanyuma agakoresha ayo mahirwe mu gushaka ubwishyu bw\u2019abo abereyemo amadeni.<\/p>\n\n\n\n
Umwanzuro ku ifungwa n\u2019ifungurwa ry\u2019agateganyo wagombaga gusomwa kuri uyu wa Kabiri ku isaha ya saa kumi. Dr Habumuremyi ntabwo yari mu rukiko.<\/p>\n\n\n\n
Urukiko rwavuze ko aramutse arekuwe akaburana ari hanze, ashobora kubangamira iperereza rigikomeje, kandi ko nk\u2019umuntu umenyereye inzego z\u2019ubuyobozi, byamworohera gusibanganya ibimenyetso.<\/p>\n\n\n\n
Ubwo yaburanaga, yavuze ko ari umuntu wagiriwe icyizere agashyirwa mu buyobozi, bityo kurekurwa kwe bidakwiye gutera impungenge. Urukiko rwavuze ko icyo cyizere yagikoresheje nabi ubwo yakoraga ibi byaha ku buryo atari umuntu wakwizerwa n\u2019urukiko ubu.<\/p>\n\n\n\n
Umucamanza yavuze ko ibyaha akurikiranyweho, hari impamvu zikomeye zituma akomeza gufungwa kuko uhamwe nabyo ahanishwa igifungo kitari munsi y\u2019imyaka ibiri. Yavuze kandi ko we ubwe yemera ko yatanze sheki azi neza ko nta mafaranga ari kuri konti, ndetse ko n\u2019ubushinjacyaha bwabigaragaje.<\/p>\n\n\n\n
Mu iburanisha riherutse, Ubushinjacyaha bwavuze ko Dr Habumuremyi nka Perezida n\u2019uhagarariye Kaminuza ya Christian University of Rwanda, hari sheki zifite agaciro ka miliyoni zirenga 170 Frw bumaze kuregerwa. Zirimo sheki zari mu mazina ya kaminuza zasinyweho na Habumuremyi n\u2019izindi ziri mu mazina bwite ya Dr Habumuremyi.<\/p>\n\n\n\n
Bwavuze kandi ko Dr Habumuremyi hari isoko rya miliyoni 17,5 Frw yatanze ryo kugura mudasobwa 20, rwiyemezamirimo asabwa gutanga ingwate ya miliyoni 10 Frw ariko nyuma yo kugemura ibikoresho, ntiyayasubizwa ahubwo ahabwa miliyoni eshanu, n\u2019ayo yari yakoreye ntiyayahabwa. Ngo rwiyemezamirimo yahawe sheki, ageze kuri banki asanga nta mafaranga ariho.<\/p>\n\n\n\n
Dr Habumuremyi yahawe umwanya ngo yiregure, avuga ko ibyo aregwa byose atari byo kuko amafaranga yose aregwa atigeze ajya mu mufuka we cyangwa se mu muryango we ahubwo yari agamije ko Christian University of Rwanda itanga uburezi. Ndetse ko ibyo bikoresho bitagurwaga ngo bijye mu muryango we.<\/p>\n\n\n\n
Yemereye urukiko ko yatanze sheki ariko ko zitari zigamije ko abantu bajya kubikuza amafaranga ahubwo ko zari izibaha icyizere cy\u2019uko bazishyurwa.<\/p>\n\n\n\n
Dr Habumuremyi yabwiye urukiko ko adahakana ko abo bagiranye amasezerano bagomba kwishyurwa, bityo kuba bagomba kwishyurwa, hari aho ubwishyu bugomba guturuka binyuze mu kugurisha imigabane ya kaminuza.<\/p>\n\n\n\n
Yavuze ko iyi kaminuza ifite aho yatanze ingwate muri banki, ubu ko umwenda isigayemo ari muto ugereranyije n\u2019agaciro k\u2019iyo ngwate. Ngo usibye amasezerano y\u2019abashaka kugura imigabane, kaminuza yafashe icyemezo cyo kuvugana n\u2019iyo banki, iyo ngwate ikagurishwa, igice gisigaye cyo kwishyura banki kikishyurwa, asigaye akishyurwa aba bantu.<\/p>\n\n\n\n
Yabwiye umucamanza ko ibyo byashoboka mu gihe yaba adafunzwe, bityo mu gihe yaba afunzwe, nta myanzuro y\u2019Inama y\u2019Ubutegetsi yabaho. Ngo urukiko rumurekuye, ubwishyu aho bwaturuka haboneka. Yavuze ko niba ari ugukomeza gukurikiranwa, yazakurikiranwa ari hanze.<\/p>\n\n\n\n
Dr Habumuremyi yatawe muri yombi ku wa ku wa 3 Nyakanga 2020.<\/p>\n","protected":false},"excerpt":{"rendered":"
Urukiko rw\u2019Ibanze rwa Gasabo, rwategetse ko Dr Pierre Damien Habumuremyi wahoze ari Minisitiri w\u2019Intebe, afungwa iminsi 30 y\u2019agateganyo mu gihe iperereza rigikomeje ku cyaha cyo gutanga sheki itazigamiye n\u2019icyaha cy\u2019ubuhemu akurikiranyweho. Ku wa 16 Nyakanga nibwo Dr Pierre Damien Habumuremyi wahoze ari Minisitiri w\u2019Intebe, yitabye Urukiko rw\u2019Ibanze rwa Gasabo, abwira umucamanza ko atemera ibyaha bibiri […]<\/p>\n","protected":false},"author":2,"featured_media":36907,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[63],"tags":[],"class_list":["post-36962","post","type-post","status-publish","format-standard","has-post-thumbnail","hentry","category-ubutabera"],"yoast_head":"\n