{"id":37027,"date":"2020-07-28T01:34:31","date_gmt":"2020-07-27T23:34:31","guid":{"rendered":"http:\/\/www.therwandan.com\/ki\/?p=37027"},"modified":"2020-07-28T01:34:33","modified_gmt":"2020-07-27T23:34:33","slug":"imisozi-ikomeje-kuriduka-mu-rwanda-biteye-inkeke","status":"publish","type":"post","link":"https:\/\/www.therwandan.com\/ki\/imisozi-ikomeje-kuriduka-mu-rwanda-biteye-inkeke\/","title":{"rendered":"Imisozi ikomeje kuriduka mu Rwanda, biteye inkeke"},"content":{"rendered":"\n

Yanditswe na Frank Steven Ruta<\/strong><\/p>\n\n\n\n

Mu mezi atandatu ashize umwaka utangiye, Abanyarwanda bakomeje gutungurwa n\u2019imisozi iriduka ku buryo butunguranye, rimwe na rimwe bikaba nta n\u2019imvura yaguye ngo wenda ice amarenga.<\/p>\n\n\n\n

None kuwa 26\/07\/2020, ku manywa y\u2019ihangu, izuba riva, umusozi waridutse ku buryo butunguranye. Ibi byabereye Mu Ntara y\u2019Iburengerazuba Akarere ka Karongi, Umurenge wa Rubengera, Akagari ka Gitwa Umudugudu wa Kibande. Umusozi waridutse mu masaha y\u2019agasusuruko, ufunga umuhanda uhuza Rugabano na Rubengera ugakomeza werekeza mu Birambo. Kuriduka kwawo byangije imirima n\u2019inzu z\u2019abaturage.<\/p>\n\n\n\n

Amos Hitimana , umwe mu baturage basenyewe n\u2019iriduka ry\u2019uyu musozi yavuze ko n’ubwo nta mvura yaguye uwo munsi, nta n\u2019iheruka, bagiye kubona babona umusozi uri kurindimuka, bakizwa n\u2019amaguru, hatabayeho no gusubira mu nzu ngo bagire icyo bakuramo.<\/p>\n\n\n\n

Ubuyobozi bw\u2019Umurenge wa Rubengera bwatangaje ko uyu musozi wangije imyaka mu mirima ifite agaciro gakabaka miliyoni ebyiri, bahereye ku bimaze kubarurwa.<\/p>\n\n\n\n

\"\"<\/figure>\n\n\n\n

Mu Karere ka Karongi kandi hari haherutse kuriduka k\u2019umusozi wacitsemo kabiri, kuwa 05\/05\/2020 mu kagari ka Bukiro mu murenge wa Murundi mu karere ka Karongi. Iriduka ry\u2019umusozi iki gihe ryangije isoko abaturage bavomagaho ri benshi, n\u2019imirima irarengerwa.<\/strong><\/p>\n\n\n\n

Icyo gihe umwe mu begereye aho umusozi wacikiyemo kabiri, ni <\/strong>Felicien S<\/strong>endora wabisobanuye agira ati :\u201dNi ukuvuga ngo hari nka saa yine z\u2019ijoro, twagiye kumva twumva ibintu bisuma, umusozi\u00a0 uhita ucikamo hagati, byasakuje nk\u2019amasaha atatu, bisakuza byomongana ku buryo n\u2019abantu ba kure babyumvaga natwe tuhegereye byari byatuyobeye. Iryo joro baraye bomongana bahungira aho bizeraga umutekano w\u2019ubutaka bukomeye.<\/em>“<\/p>\n\n\n\n

Hafi y\u2019aho uyu musozi waridukiye, mu mwaka wa 2018 na none\u00a0 umusozi waraturitse wangiza inzu 16 z\u2019abaturage, mu gihe\u00a0 hari n\u2019igikuku cyari cyaridutse imiryango igituriye ikimurwa.<\/p>\n\n\n\n

Dusubiye inyuma gato, mu mpera za 2019 kuwa 05 Ukuboza imvura nyinshi yaguye mu ijoro itera inkangu mu karere ka Musanze mu mirenge ya Muko na Kimonyi, isenya amazu 13 inangiza imyaka myinshi y\u2019 abaturage.<\/strong><\/p>\n\n\n\n

\"\"<\/figure>\n\n\n\n

 Kuwa 02\/05\/2020, Polisi y\u2019u Rwanda yatanze itangazo isaba abashaka gukoresha umuhanda Rubavu-Karongi gukoresha umuhanda wa Karongi-Muhanga-Ngororero-Rubavu kuko uwa Rubavu-Karongi utari nyabagendwa.<\/p>\n\n\n\n

Icyo gihe Ayinkamiye Emerence uyobora akarere ka Rutsiro yatangaje ko\u00a0 habayeho kuriduka k\u2019umusozi gutera inkangu ebyiri zikomeye, inkangu ya mbere\u00a0 mu makorosi ari mu Murenge wa Gihango yahise ifunga umuhanda naho indi yabonetse mu Murenge wa Mushubati na yo umuhanda urifunga ku buryo ibinyabiziga bitabashaga gutambuka.<\/p>\n\n\n\n

Mu mujyi wa Kigali, mu gace ka Kanombe, Umurenge wa Kicukiro Akagali ka Rubilizi,\u00a0abantu\u00a03, barapfuye bahitanywe n\u2019igice cy\u2019umusozi wagwiriye igikuta nacyo kikabagwira kuwa 02\/02\/2020, mu masaha y\u2019ijoro baryamye. Wari umuryango w\u2019abantu bane, umugabo umugore n\u2019abana babiri, harokotse umugabo gusa, nawe yahazahariye.\u00a0<\/p>\n\n\n\n

Kuwa 29\/12\/2019, i Bugarama mu Karere ka Rusizi nabwo habayeho kuriduka, inkangu ifunga umuhanda, ibi kandi bikaba byaragiye bigaruka mu bihe binyuranye.<\/p>\n\n\n\n

\"\"<\/figure>\n\n\n\n

Ingero ni nyinshi, aho mu Karere ka Nyanza mu gace k\u2019ahahoze Amayaga\u00a0 abantu babonye umusozi ugenda nk\u2019umugezi birabashobera, i Nyamagabe mu yahoze ari Perefegitura ya Gikongoro naho byarabaye abantu babona ubutaka butemba kuwa 16\/03\/2020, bamwe babyita imperuka, kuko batiyumvishaga ukuntu umusozi wakwimuka bawureba.<\/p>\n\n\n\n

\n

Imvura nyinshi yaguye kuwa gatanu tariki ya 13 Werurwe 2020, yatwaye agace k'umusozi, gafunga umuhanda wo mu Mudugudu wa Subukiniro, mu Kagari ka Rugogwe, Umurenge wa Uwinkingi mu Karere ka @Nyamagabe<\/a>. pic.twitter.com\/Maq7gfolPe<\/a><\/p>— Kigali Today (@kigalitoday) March 16, 2020<\/a><\/blockquote>