Inteko nshingamategeko y\u2019u Rwanda iratangaza ko itewe impungenge n\u2019umwe mu bagize Komisiyo idasanzwe ishinzwe gucukumbura ibikorwa by\u2019u Bubiligi mu gihe cy\u2019ubukoroni mu bihugu by\u2019u Rwanda, Repubulika ya Demukarasi ya Kongo ndetse n\u2019Uburundi.<\/p>\n\n\n\n
Iryo tangazo ryashyizwe ahagaragara ku mugoroba wo ku wa mbere, ritagaragaza iyo mpuguke iyo ari yo, rivuga ko Inteko nshingamategeko y\u2019u Rwanda ishimiye uwo muhate wa ngenzi yayo y\u2019u Bubiligi mu gushyiraho iyo komisiyo yo kwiga ku byaranze ubukoroni bw\u2019ababirigi muri ibyo bihugu, ingaruka zabwo, ndetse n\u2019ibikwiye gukorwa.<\/p>\n\n\n\n
Rikomeza rigaragaza ko icyo gikorwa kizafasha mu gukura urujijo mu mateka ibyo bihugu bisangiye, bityo imibanire y\u2019ahazaza habyo ikarushaho kurangwa n\u2019inyungu za buri ruhande ndetse n\u2019ubwubahane.<\/p>\n\n\n\n
Nyamara inteko nshingamategeko y\u2019u Rwanda ikongera kuvuga ko itewe impungenge no kuba mu itsinda ry\u2019impuguke zizafasha iyo komisiyo, harashyizwemo uwo ivuga ko ari \u201cumuhakanyi wa Jenoside uzwi\u201d ufite inararibonye mu kugoreka amateka ya vuba y\u2019u Rwanda, ndetse akaba mu muryango washyiriweho guhakana no gupfobya Jenoside yakorewe abatutsi mu 1994. Bityo ko inteko nshingamategeko y\u2019u Rwanda imenyesha ngenzi yayo y\u2019u Bubiligi ko mu gihe bikimeze uko, ifite amahinyu ku bizava mu nyigo y\u2019iyo Komisiyo idasanzwe.<\/p>\n\n\n\n
Itangazo rigasoza rivuga ko inteko nshingamategeko yongeye gushimangira ubushake bwayo bwo gukomeza kunoza imibanire myiza isanzwe ifitanye na ngenzi yayo y\u2019 Ububiligi. Nubwo amazina y\u2019iyo mpuguke ikemangwa n\u2019ubutegetsi bw\u2019u Rwanda atagaragara muri iri tangazo, ibinyamakuru byandikirwa mu Rwanda, Igihe na The New Times byegamiye kuri leta, biratomora ko uwo ari Madame Laure Uwase, umubiligikazi ufite inkomoka mu Rwanda, uba mu gihugu cy\u2019u Bubiligi.<\/p>\n\n\n\n
Ibindi mu birebana n’iryo tangazo muvyumva muri ino nkuru yateguwe na Themistocles Mutijima akorera Ijwi ry’Amerika mu Rwanda.<\/p>\n\n\n\n