Groupe \u201cUmwenegihugu\u201d ni itsinda ry\u2019abanyarwanda rigamije guhuriza abanyarwanda hamwe kugirango dutekerereze hamwe ku bibazo byugarije igihugu cyacu (Groupe de r\u00e9flexion).<\/p>\n
Mu rwego rwo gukangurira abenegehugu kwitabira ibikorwa bya politiki, twateguye ikiganiro mpaka hagati yamwe mu mashyaka.<\/p>\n
Ubwinshi n\u2019ivuka rya buri munsi ry\u2019amashyaka atavuga rumwe n\u2019ubutegetsi bwa FPR ese koko ni ikimenyetso cy\u2019inyota y\u2019amahindura ya politiki abanyarwanda bafite\u00a0? Byaba se koko ari imbarutso y\u2019umuyoboro wo gutekerereza hamwe ku bibazo byugarije igihugu nk\u2019uko bamwe mubahagarariye amashyaka akorera m\u2019ubuhungiro babyemeza\u00a0? Aho ntibyaba ari amareshyamugeni\u00a0y\u2019abanyapolitiki batavuga rumwe na FPR bita \u00ab\u00a0umuryango\u00a0\u00bb uryanisha abanyarwanda ugacira ishyanga abanze kuwubera abamotsi\u00a0?<\/p>\n
Kuya 08.06.2013, i Sion mu Busuwisi habereye ikiganiro-mpaka cyateguwe n\u2019itsinda \u00abUmwenegihugu\u00bb gihuza abanyapolitiki batavugarumwe na FPR. Abaganiriye abanyarwanda n\u2019abandi banyamahanga bitabiriye icyo kiganiro-mpaka ni G\u00e9n\u00e9ral Habyarimana Emmanuel, Mbonimpa Jean Marie, Ndahayo Eug\u00e8ne bo mu mashyaka CNR-Intwari, RDI Rwanda rwiza na FDU Inkingi.\u00a0<\/b><\/p>\n
Abantu baturutse hirya no hino bitabiriye icyo kiganiro-mpaka harimo n\u2019baturutse mu Bufransa bakorera imiryango inyuranye iharanira uburenganzira bw\u2019ikiremwamuntu.<\/p>\n
Kubera impamvu z\u2019amatsiko no kunyurwa n\u2019izina \u00ab\u00a0Umwenegihugu\u00a0\u00bb, abitabiriye ikiganiro bifuje mbere na mbere ko basobanurirwa amavo n\u2019amavuko y\u2019itsinda \u00ab\u00a0Umwenegihugu\u00a0\u00bb n\u2019icyo rigamije. Kubera gahunda yari ndende kandi ifite insanganyamatsiko (th\u00e8mes) zikomeye, abitabiriye ikiganiro basabye ko haganirwa kuri zimwe izindi zikazaganirwaho ubutaha. Abateguye ikiganiro-mpaka bamaze kumvikana n\u2019abahagarariye amashyaka bemeje ko hubahirizwa icyo cyifuzo, bityo hemezwa kuganirwa ku nsanganyamatsiko zikurikira\u00a0: Gusobanura amavo n\u2019amavuko y\u2019itsinda \u00ab\u00a0Umwenegihugu<\/b>\u00bb n\u2019icyo rigamije, Guha abahagarariye amashyaka umwanya wo kuvuga icyo batekereza ku ngingo y\u2019ubwenegihugu\/umwenegihugu, Ivuka ry\u2019amashyaka ya opposition n\u2019ubwinshi bwayo, Ikibazo cy\u2019ubuhunzi.<\/b><\/p>\n
\u00a0\u00a0 <\/b>\u00abUmwenegihugu\u00bb\/Ubwenegihugu<\/b><\/p>\n
\u00abUmwenegihugu\u00bb ni itsinda ry\u2019abanyarwanda rigamije guhuriza hamwe abantu b\u2019ingeri zose ngo bafatanye gutekereza no gusesengura ibibazo bikomeye byugarije igihugu cyacu muri iki gihe. Rifite icyicaro mu Busuwisi.<\/p>\n
Mu gutangiza ikiganiro, itsinda \u00abUmwenegihugu\u00bb ryibukije abari aho ko kugirango mu gihugu habeho ubuyobozi bwiza bubereye abaturage, ari ngombwa ko buri muturage yiyumva nk\u2019 umwenegihugu, kandi akamenya ko agomba guharanira uburenganzira bujyana no kuba umuntu wigenga uri mu gihugu cye.<\/p>\n
Abari mu kiganiro bose bashimye kandi bashimangira icyo gitekerezo. Banibukije ko umwenegihugu nyakuri ari uzi uburenganzira bwe n\u2019inshingano ze. Bibukije kandi ko uko kumenya inshingano umuntu afitiye igihugu n\u2019uburenganzira busesuye bwo kwisanzura mu bitekerezo ariyo nkingi ya mbere mu kwitabira no gukangurira abandi ukwitangira igihugu. Bibukije ko mu ruhando rw\u2019amashyaka menshi n\u2019imiyoborere ya demokarasi (ubu u Rwanda rutarageraho) ariho honyine abaturage batinyuka kuvuga icyo batekereza kubyerekeye imibereho yabo n\u2019uko bayobowe. Basonzemo bagira bati: ” uburenganzira buraharanirwa kandi nta mutegetsi n\u2019umwe uzibwiriza kububaha badahagurutse ngo ba burwanirire”.<\/p>\n
Ivuka n\u2019ubwinshi bw\u2019amashyaka ya opposition<\/b><\/p>\n
Abahagarariye amashyaka yitabiriye ikiganiro-mpaka cy\u2019\u00ab\u00a0Umwenegihugu\u00a0\u00bb bagize icyo basubiza ku bibazo babajijwe. Ku kibazo cyerekeranye n\u2019ubwinshi bw\u2019amashyaka akomeje kuvuka bose basanga iryo vuka ry\u2019amashyaka menshi atavuga rumwe n\u2019ubutegetsi bwa FPR (partis d\u2019opposition) atari ikibazo, ahubwo bigomba gufatwa nk\u2019ikimenyetso cy\u2019inyota abanyarwanda bafite yo gutekereza no kugaragaza ibitekerezo byabo. Bose muri rusange bemeza ko amashyaka menshi muri politiki igendera k\u2019ubwisanzure n\u2019ukwishyira ukizana mu bitekerezo aribwo buryo bunoze abanyagihugu banyuramo bahuriza hamwe n\u2019abandi ibitekerezo. Bemeza ko ari umuyoboro ukwiriye kwifashishwa mu gutekerereza hamwe imigambi no mu mirongo migari (projets de soci\u00e9t\u00e9) kubyerekeranye n\u2019uburyo bwo kubaka no guteza imbere igihugu.<\/p>\n
Ku bakeka ko ubwinshi bw\u2019amashyaka ari bimwe mu bigaragaza ko ari uguhuzagurika kw\u2019abanyapolitiki n\u2019uburyo bwo gutatanya ingufu, Jean Marie Mbonimpa uhagarariye RDI Rwanda rwiza<\/b> we asanga atari byo. Yemeza ahubwo ko ari intambwe ikomeye n\u2019intangiriro yo gukingura amarembo ya demokarasi. Yakomeje agira ati\u00a0: \u00ab\u00a0tubona ko amashyaka ahuje ibitekerezo ari kugenda yishyira hamwe, urugero nko muri CNCD, RNC\/FDU, RDI na PDP, ndetse n\u2019abibumbiye muri Rwanda nouvelle g\u00e9n\u00e9ration\u00a0\u00bb.<\/p>\n
Yunzemo agira ati\u00a0:\u00a0\u00ab\u00a0iyo amashyaka amaze kuvuka, buri wese yihatira kwerekana icyerekezo n\u2019umurongo agenderaho\u00a0; buhoro buhoro abahuje umurongo bagenda begerana, kuburyo na opposition yose amaherezo izageraho ikagira umuyoboro(coallition) umwe ihuriramo. Ati\u00a0: ariko nyine mbere yo kugera aho, ni ngombwa ko buri wese abanza gutekereza no gusobanurira abandi umurongo we kugirango ibibazo byagiye bivamo gusenyuka kw\u2019amashyaka mu bihe byashize bitazongera kubaho\u00a0\u00bb.<\/p>\n
Ikibazo cy\u2019ubuhunzi<\/b><\/p>\n
Ku kibazo kerekeranye n\u2019ubuhunzi, G\u00e9n\u00e9ral Emmanuel Habyarimana,\u00a0 umukuru wa CNR-Intwari, yabimburiye abandi akivuga muri aya magambo\u00a0: \u00ab\u00a0Ikibazo cy\u2019ubuhunzi mu Rwanda ni icya kera cyane\u2026. Abanyarwanda bagiye bahunga igihugu cyabo kuva kera\u00a0: ku gihe cy\u2019ubwami abantu bahungaga ku mpamvu z\u2019amakimbirane ya politiki, inzara cyangwa se abantu bacibwa mu gihungu cyabo ku mpamvu zitandukanye\u00a0\u00bb.<\/p>\n
Ku mpamvu zitera ubuhunzi, asanga ubuhunzi buterwa nicyo yita\u00a0 ubuswa bw\u2019abayobozi batabasha\u00a0 gushyiraho uburyo butuma buri muturage yishyira akizana. Yunzemo agira ati\u00a0: \u00ab\u00a0abaturage nabo kubera ubwoba no kutajijukirwa n\u2019uburenganzira bwabo cyane cyane ubwo kugira uruhare rudasubirwaho ku gihugu cyabo n\u2019ibyiza byacyo, bituma abayobozi babona amarembo yo kwikubira ibyiza by\u2019igihugu no kwigira indakoreka bakumva ko bavukanye ubumanzi kurusha abandi. Bityo, abaturage bashinzwe kakagirwa ibikoresho n\u2019abacakara. Yashoje agira ati\u00a0: \u00ab\u00a0ubundi kugirango umuntu afate icyemezo cyo guhunga igihugu cye ni uko aba yabuze uko agira. Ni uko aba yasumbirijwe agahitamo gukiza amagaraye mu gihe yumva adashoboye guhozwa ku ngoyi n\u2019itotezwa rya \u00ab\u00a0bamudakoreka\u00a0\u00bb bakangisha kwica cg bamukorera bucece iyicwa rubozo\u00a0\u00bb.<\/p>\n
Jean Marie Mbonimpa uhagarariye RDI Rwanda rwiza<\/i><\/b> \u00a0yunze mu rya G\u00e9n\u00e9ral Habyarimana ashimangira ko \u00ab\u00a0ubuhunzi buterwa n\u2019imiyoborere mibi, ituma umuntu agera aho nyumva nta kundi yabigenza uretse gufata inzira akerekeza ishyanga\u00a0\u00bb.<\/p>\n
Uhagarariye FDU-Inkingi, Eug\u00e8ne Ndahayo, \u00a0nawe yibukije ko \u00ab\u00a0mu gihugu, kirimo ubutegetsi burebera kandi bukarenganura buru wese, umuturage akaba azi ko serivisi afitiye uburenganzira azihabwa\u00a0 atagombye gupfukamira abategetsi, ko iyo ahinze akeza ko ntawuzamubuza kwisanzura ku musaruro we, ko niyitabaza ubutabera azarenganurwa hakurikijwe amategeko nta munyumvishirize n\u2019icyenewabo, nta shiti ko mu gihugu nk\u2019icyo umuntu atatekereza guhunga\u00a0\u00bb.<\/p>\n
Abahagarariye amashyaka yaganiriye abitabiriye ubutumire bw\u2019\u00ab\u00a0Umwenegihugu\u00a0\u00bb, bose icyo bahurizaho ni uko ikibazo cy\u2019ubuhunzi cyizakemuka ariko mu Rwanda hagiyeho ubutegetsi bushyizweho n\u2019abaturage kandi bubakorera.<\/p>\n
Basoje bemeranywa ko\u00a0ikigomba gushyirwaho ingufu muri iki gihe ari ukuvanaho ubutegetsi bwa FPR yihaye kwiyita umuryango na syst\u00e8me yayo yose. Bemeranijwe ko kuba FPR yita umuryango ari uburyo bwo kwerekana ko umuntu wese utari muri yo aba agomba guhitamo kuyoboka cg se agafata iy\u2019ishyanga. Barasoje bagira bati\u00a0: \u00ab\u00a0birababaje ko kuva igihe cy\u2019ubwami ku geza ubu Urwanda rukomeje kuyoborwa nk\u2019akarima k\u2019umuntu ku giti cye cg se nk\u2019umuryango (nk\u2019uko FPR ibikora) aho abatari muri uwo muryango bagomba kuvutswa uburenganzira bwabo no guhezwa k\u2019umutungo n\u2019ibyiza b\u2019igihugu\u00a0\u00bb.<\/p>\n
Aha ntawabura kwibaza niba ibi bivugwa n\u2019abahagarariye amashyaka atavugarumwe n\u2019ubutegetsi bwa FPR na Kagame atari amareshyamugeni\u00a0! Ese bo bageze ku butegetsi baha koko abenegihugu ijambo bakimakaza ukwishyira ukizana n\u2019ubwisanzure mu bitekerezo\u00a0? Ejo hazaza wenda hazabigaragaza. Tubitege amaso\u00a0!<\/p>\n
Luka Rugamba<\/strong><\/p>\n","protected":false},"excerpt":{"rendered":" Groupe \u201cUmwenegihugu\u201d ni itsinda ry\u2019abanyarwanda rigamije guhuriza abanyarwanda hamwe kugirango dutekerereze hamwe ku bibazo byugarije igihugu cyacu (Groupe de r\u00e9flexion).<\/p>\n","protected":false},"author":3,"featured_media":3744,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[62],"tags":[],"class_list":["post-3743","post","type-post","status-publish","format-standard","has-post-thumbnail","hentry","category-politiki"],"yoast_head":"\n