Lt Gen Patrick Nyamvumba yazamuwe mu ntera agirwa Jenerali ndetse ahita asimbura Lt Gen Charles Kayonga ku mwanya w\u2019umugaba mukuru w\u2019ingabo (Chief of Defence Staff (CDS)<\/p>\n
Twabibutsa ko Gen Nyamvumba, amaze iminsi atashye mu Rwanda avuye mu butumwa bw\u2019umuryango w\u2019abibumbye muri Sudani, aho yari umukuru w\u2019ingabo z\u2019umuryango w\u2019abibumbye muri Darfur (MINUAD\/UNAMID).<\/p>\n
Nk\u2019uko bitangazwa n\u2019ikinyamakuru Inyenyeri news amakuru aturuka muri bamwe mu basirikare bakuru bari mu mwiherero w\u2019abasirikare bakuru ari nawo washojwe hafatwa icyemezo cyo gukora aya mahinduka mu gisirikare, bavuga ko impamvu nyamukuru yateye aya mahinduka ari ukwitegura intambara ikomeye ishobora kwaduka mu karere izamukiye ku kibazo cy\u2019intambara iri muri Congo aho Leta y\u2019u Rwanda yihishe inyuma y\u2019umutwe wa M23.<\/p>\n
Umwe mu basirikare bakuru mu ngabo z\u2019u Rwanda yavuze ko ingabo za Afrika y\u2019Epfo n\u2019iza Tanzaniya ziteguye nta kabuza kwambura intwaro imitwe y\u2019inyeshyamba irwanira mu burasirazuba bwa Congo irimo na M23, ikindi kandi kuba Perezida Kikwete yarasabye ko habaho ibiganiro na FDLR byongereye urwikekwe. Ari Tanzaniya ari na Afrika y\u2019Epfo ntabwo bizakomeza kurebera inkunga u Rwanda ruha M23 ibyo bishobora guteza intambara ikomeye mu karere dore ko na M23 ihora yiyasira ko izahangana n\u2019izo ngabo za ONU.<\/p>\n
Mu 1998, ubwo u Rwanda rwaraniraga na Uganda i Kisangani, ni Nyamvumba na Ruvusha barwanye iyo ntambara yaguyemo n\u2019abasirikare benshi ba Uganda, u Rwanda ndetse n\u2019abaturage batabarika b\u2019abanyekongo. Aha Nyamvumba akaba yarahubatse izina.<\/p>\n
Nyamvumba bivugwa ko yari umwe mu bari bashinzwe kurinda Nyakwigendera Major Chris Bunyenyezi wapfuye mu buryo benshi batavugaho rumwe, nyuma y\u2019urupfu rwa Bunyenyezi, Nyamvumba yakoze cyane akazi ko gutanga inyigisho za gisirikare ndetse agaragaza ko ashobora kuyobora ingabo neza mu mpera z\u2019intambara yo mu 1994.<\/p>\n
Gen Nyamvumba atandukanye na Lt Gen Charles Kayonga wahise wimurirwa mu buyobozi bukuru bw\u2019ingabo rugikubita mu 1994 amaze kubeshya ko yakomerekeye ku rugamba, uretse ko binavugwa ko yagiye agaragaza gucanganyikirwa no kutamenya gufata ibyemezo bya ngombwa ku rugamba. Kayonga yamaze igihe kinni mu barinda Kagame nyuma aza koherezwa muri CND mu mpera za 1993 aho ba Major Jacob Tumwine na Kwikiriza ari bo basaga nk\u2019abakora akazi kose bikaba ari byo byanavuyemo ko ibyo bikorwa byose byitirwa Kayonga akazamurwa no mu ntera.<\/p>\n
Ubu Kagame amaze kubona ko igihe gishobora kuba kigeze ngo hatangire indi ntambara simusiga mu karere, niyo mpamvu Kagame yahisemo umuntu abona ushoboye nka Nyamvumba kandi usobanukiwe n\u2019imikorere y\u2019ingabo z\u2019umuryango w\u2019abibumbye. Iyi ntambara Nyamvumba agiye gushorwamo, u Rwanda rushobora kwisanga rurwana n\u2019akarere kose hagamijwe gutsimbataza ubutegetsi n\u2019igitinyiro by\u2019umuntu umwe ari we Paul Kagame.<\/p>\n
N\u2019ubwo ariko Nyamvumba ahawe uyu mwanya biravugwa ko umufasha we yaba yarahungiye mu gihugu cya Canada nyuma yo gutotezwa na Jeannette Kagame usa nk\u2019aho yihaye akazi ko gutegeka abafasha b\u2019abantu bakomeye mu butegetsi bw\u2019umugabo we uko bagomba kwitwara mu buzima bwabo bwite. Ibyo umugore wa Nyamvumba akaba yarabyanze, umuntu akaba yibaza niba nyuma yo guhabwa uyu mwanya Nyamvumba azashobora gucyura umugore we dore ko hari ingeso yateye mu Rwanda aho abayobozi bashishikariza abandi gutaha nyamara abana n\u2019abagore babo baba hanze nk\u2019impunzi.<\/p>\n
Ikibazo Nyamvumba ashobora guhura nacyo mu ntangiriro n\u2019ukumenyerana n\u2019abasirikare agiye kuyobora ariko uwo murimo ashobora kuwufashwamo n\u2019umugaba w\u2019ingabo zirwanira ku butaka Gen Kamanzi Mushyo.<\/p>\n
Hashyizweho kandi undi mwanya w\u2019ushinzwe ubugenzuzi mu ngabo wahawe Jack Nziza ndetse agahita azamurwa mu ntera akagirwa Jenerali majoro, uyu murimo wahawe uyu mugabo usa nk\u2019aho ari ukuneka abasirikare bagenzi be dore ko bizwi ko buri musirikare mukuru amufiteho dosiye ndetse akaba azwiho guhora mu matwi ya Kagame acisha imitwe bagenzi be. Umwanya w\u2019ubunyamabanga buhoraho uri Minisiteri y\u2019ingabo yawusimbuweho na Col Joseph Rutabana.<\/p>\n
Ijyanwa rya Col Dan Munyuza mu gipolisi aho agiye kungiriza Emmanuel Gasana uzwi kw\u2019izina rya Rurayi nabyo n\u2019ibintu bishobora kuba biteye amakenga cyane cyane ku batavuga rumwe n\u2019ubutegetsi bakorera politiki mu gihugu imbere dore ko uyu mugabo yagaragaje ko ntacyo atakora ngo aneze shebuja igihe yakoreshaga uburyo bwose bushoboka ngo Gen Kayumba Nyamwasa wahungiye muri Afrika y\u2019Epfo yicwe.<\/p>\n
Ubwanditsi<\/strong><\/p>\n","protected":false},"excerpt":{"rendered":" Lt Gen Patrick Nyamvumba yazamuwe mu ntera agirwa Jenerali ndetse ahita asimbura Lt Gen Charles Kayonga ku mwanya w\u2019umugaba mukuru w\u2019ingabo (Chief of Defence Staff (CDS)<\/p>\n","protected":false},"author":3,"featured_media":3769,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[64],"tags":[],"class_list":["post-3768","post","type-post","status-publish","format-standard","has-post-thumbnail","hentry","category-amakuru"],"yoast_head":"\n