{"id":37683,"date":"2020-09-04T06:15:49","date_gmt":"2020-09-04T04:15:49","guid":{"rendered":"http:\/\/www.therwandan.com\/ki\/?p=37683"},"modified":"2020-09-04T06:16:13","modified_gmt":"2020-09-04T04:16:13","slug":"u-rwanda-rwakajije-ibihano-ku-barenga-ku-mabwirizwa-ya-covid-19","status":"publish","type":"post","link":"https:\/\/www.therwandan.com\/ki\/u-rwanda-rwakajije-ibihano-ku-barenga-ku-mabwirizwa-ya-covid-19\/","title":{"rendered":"U Rwanda Rwakajije Ibihano ku Barenga ku Mabwirizwa ya COVID-19"},"content":{"rendered":"\n
\"Ifoto
Ifoto ya bamwe mu barajwe muri stade kubera kudakurikiza amabwirizwa yo gukumira COVID-19<\/figcaption><\/figure>\n\n\n\n

Inama Njyanama y\u2019Umujyi wa Kigali mu Rwanda yashyizeho amabwiriza yerekeye uburyo bwo guhana abatubahirije ingamba zo kwirinda ikwirakwizwa ry\u2019icyorezo cya Covid-19 mu mujyi wa Kigali, ndetse inateganya ibihano ku barenga kuri ayo mabwiriza.<\/p>\n\n\n\n

Itangazo ryasohowe n\u2019umugi wa Kigali, ryagaragayemo ingingo zigeze kuri 20, zigendanye n\u2019ibihano bizajya bihabwa utubahirizaaya amabwiriza. Abaturage bavuganye n’Ijwi ry’Amerika babifashe nk’aho bategetswe gukorera leta.<\/p>\n\n\n\n

Mu zagarutsweho n\u2019abatari bake, n\u2019izigendanye n\u2019ibihano bihabwa umuntu utambaye agapfukamunwa, urenza amasaha yo gutaha yashyizweho yasa moya za n’ijorono kutubahiriza intera igomba gusigara hagati y\u2019umuntu n\u2019undi.<\/p>\n\n\n\n

Umujyi wa Kigali usobanura ko umuntu uzanyuranya n\u2019aya mabwiriza, azacibwa amande y\u2019amafaranga ibihumbi 10,000. Bamwe mu baturage bavuganye n\u2019Ijwi ry\u2019Amerika, bemeje ko ibi bihano bije gusubiza inyuma ba rubanda rugufi n\u2019ubundi bari basanzwe bugarijwe n\u2019imibereho mibi muri ibi bihe bya Covid-19.<\/p>\n\n\n\n

Muri aya mabwiriza hari imirimo imwe yari isanzwe ifasha ab\u2019amikoro make ubu itacyemewe, nko gutwara abantu ku igare. Umujyi wa Kigali ugaragaza ko uzafatwa ahetse umuntu ku igare azacibwa amande y\u2019ibihumbi 3,000, utwawe nawe azajya acibwa 2,000 kandi bose bashyirwe ahantu habugenewe mu gihe cy\u2019amasaha 24, bahabwa inyigisho zo kwirinda icyorezo cya Covid-19, igare naryo rifungwe iminsi irindwi.<\/p>\n\n\n\n

Abari basanzwe batunzwe n\u2019uyu murimo, cyane cyane abayakoresha mu nkengero z\u2019umujyi wa Kigali bemeza ko inzara itazaborohera. Nubwo hari abaturage bakomeje kuvuga ko ibihano byashyizweho n\u2019umujyi wa Kigali bitoroshye, umuyobozi wa njyanama y\u2019umujyi wa Kigali Didace Kayihura yabwiye Ijwi ry\u2019Amerika ko ibi bihano biri muri gahunda yo guca intege abakomeje gusuzugura iki cyorezo.<\/p>\n\n\n\n

Aya mabwiriza asaba abatuye mu mujyi wa Kigali kwiga kwishyura bakoresheje ikorana buhanga,utazabyubahiriza agacibwa amande y\u2019ibihumbi 25, kandi agafungirwa ibikorwa bye by\u2019ubucuruzi. Muri aya mabwiriza hari ahagaragara amande aremereye kuva ku 150,000 ndetse na miliyoni.<\/p>\n\n\n\n

Urugero ni nkaho bivugwa ko ikigo kizajya kirenza umubare w\u2019abakozi bagenwe gukorera mu kazi nk\u2019uko byagenwe n\u2019amabwiriza ya guverinoma, kizajya gicibwa amafaranga 150,000 kinahagarikirwe ibikorwa kugeza hagaragarijwe ingamba zo kubahiriza amabwiriza.<\/p>\n\n\n\n

Gutoroka ahagenewe kwita ku banduye Covid-19 cyangwa ahasuzumirwa abayiketsweho, bizajya bihanishwa ihazabu y\u2019ibihumbi 100 ku watorotse, ndetse 100,000 ku wamwakiriye.<\/p>\n\n\n\n

Umujyi wa Kigali uvuga ko abatubahiriza ingamba zashyizweho ku hantu hakorerwa ubwubatsi, nyir\u2019igikorwa azajya yishyura amafaranga guhera ku 100,000 Kugeza kuri miliyoni, kandi ubwubatsi bwe buhagarikwe mu gihe kingana n\u2019ukwezi kumwe.<\/p>\n\n\n\n

Umujyi wa Kigali usaba abantu bose kubahiriza amabwiriza yo kwirinda icyorezo cya Covid 19, kugira ngo batazagerwaho n\u2019ibihano biteganyijwe muri aya mabwiriza, kuko abazashyirwa mu kato kubera amakosa bafatiwemo, bazajya biyishyurira ikiguzi cy\u2019ibyabatanzweho byose.<\/p>\n\n\n\n