Iyi ni imvugo ya kinyarwanda ikoreshwa iyo unenga umuntu ukamuvuga uko ameze, ukavuga ibintu uko biri n\u2019uko ubibona ntacyo ubikozeho kindi kandi utagomba kubyitirirwa no kubiryozwa ukundi.<\/p>\n\n\n\n
Uyu munsi rero nje kubaganirira Banyarwanda, Banyarwandakazi ku bijyanye n\u2019inkuru padiri Thomas NAHIMANA amaze iminsi atugejejeho ko Perezida KAGAME Paul yaba arwaye ageze kure kuburyo budasubirwaho ndetse ko umuntu ashobora no kuvugako yapfuye akaba asigaye gusa arinzwe n\u2019imashini zo kwa muganga kuburyo nibazikuraho hazasigara gusa umurambo.<\/p>\n\n\n\n
Iyi nkuru yaciye igikuba cyane mu Banyarwanda, mbere na mbere muri babandi bari baramugize nk\u2019ikigirwamana kuburyo bahise bafatwa n\u2019ipfunwe baranyegera, abandi bake bameze nk\u2019ibyihebe bazura umugara bikoma padiri cyane bamugira umusazi ariko bananirwa kumunyomoza.<\/p>\n\n\n\n
Ku rundi ruhande rw\u2019abatarayobotse ubutegetsi bwa Kagame ndetse n\u2019ababurwanya naho hagaragayemo ibice bibiri : igice cy\u2019ababyumvise baranuma gusa bategerezako inkuru yazaba impamo bakiruhutsa ariko nanone ugasanga bafite ubwoba ngo padiri azabizira ; abandi, cyanecyane abamurwanya, baryamira amajajnja ariko bameze nk\u2019abari mugihirahiro ; nuko bananirwa gushyigikira Padiri nta makuru ahamye babifiteho kandi ari igihe cyo kwereka rubanda ko nyuma y\u2019imishinga myinshi bagiye batanga bagombye no kugira icyo bakora, bakananirwa nanone nibura gushyigikira Thomas ngo bagaragazeko Leta idahagaze neza maze bashake uko bagarukira igihugu muri rusange.<\/p>\n\n\n\n
Kuri bose rero ndagirango mbabwire ngo : \u00ab Uvuze ko nyirururgo yapfuye siwe uba amwishe \u00bb ; bisobanurako, kuri bamwe babona Kagame nk\u2019ikigirwamana maze bakikoma Padiri , bagomba kumvako kuba padiri yaramenya amabanga y\u2019urupfu rwa Kagame nta ruhare namba yagize kugirango uwo mutware agere aho ageze, maze bamuhe amahoro.<\/p>\n\n\n\n
Ku batarayobotse Kagame ariko bafitiye impuhwe padiri nabo nababwira bagatuza kuko uretse kumenya ayo makuru gusa ko Kagame ageze kure ndetse ko ashobora kuba yaratambutse mu bundi buzima ntacyaha padiri yaba yarakoze kuburyo yagombye kubiryozwa ; nibahumure rero ahubwo bakomeze<\/p>\n\n\n\n
kumufasha gucukumbura kugirango amakuru yose amenyekane maze rubanda ive mu gihirahiro.<\/p>\n\n\n\n
Naho abanyapolitike batavuga rumwe na Kagame ndetse n\u2019abarwanya ubutegetsi bwe nabasaba gukomera no gukomeza umurego. Hari abari basanzwe bakora ibishoboka byose ngo bazamukure ku butegetsi, bubi na bwiza ; hari n\u2019abandi bahoraga bifuza ko igihe cye kizagera akavaho ndetse bagashingirako n\u2019ubundi umuntu adatura nk\u2019umusozi bakagira bati : \u00ab Erega n\u2019ubundi azapfa \u00bb.<\/p>\n\n\n\n
Ku barwanya Kagame bose rero, padiri yaba avuga ukuri cyangwa yibeshya nibafateko ingoma barwanya igeze habi maze barusheho kugira ingamba zatuma naho Kagame yazanzamuka yaba atagifite imbaraga zo gukomeza ubutegetsi.<\/p>\n\n\n\n
Mbese mu mpande zombi, uretse kubitangaza gusa, niba Kagame yarapfuye padiri Thomas ntiyabigayirwa cyangwa ngo abihanirwe kimwe nuko ntacyo mbona cyatuma ashimagizwa cyane kuko ntakaboko ke namba kari mu kurangira kwa Kagame.<\/p>\n\n\n\n
Niba kandi Kagame atagifite ubutegetsi agatsiko ke karacyahari n\u2019Abanyarwanda baracyafite ingorane ; ubwose ninde wagize icyo akora ngo tumwite ingirakamaro, tumwambike ikamba ryo kubohora Abanyarwanda ?<\/p>\n\n\n\n
Njyewe ahubwo ndumva abantu bashishikazwa no gutegura nyuma ye heza, baba aribo bamutsimbuye cyangwa yaba n\u2019Imana yumvise ugutakamba kwa rubanda ikamwihamagarira nk\u2019uko biri muri gahunda y\u2019ubuzima bwacu twese.<\/p>\n\n\n\n
Ku rwanjye ruhande rero, niteguye rwose kumuvugira misa igihe azaba yapfuye kugirango Imana imubabarire doreko ingufu yakoresheje mu butegetsi bwe zishobora kumugaruka aka kakamanyu k\u2019umutsima maze bakamukwena bavuga ngo \u00ab Ese waba wararuhiye iki ? \u00bb Gusa Kagame yapfa atapfa dukeneye kuzahura u Rwanda kuko rwugarijwe n\u2019amakuba menshi.<\/p>\n\n\n\n
Maze rero mu gihe nkiki, aho kurangazwa n\u2019urupfu rw\u2019umutegetsi mutavuga rumwe ahubwo nimugire n\u2019ingoga maze mugihe ingoma itaricunguramo undi munyagitugu basange mwibyayemo bwa bumwe n\u2019ubundi bwahanuwe ko ariyo nstinzi y\u2019iriya ngoma yabaye akumiro n\u2019iciro ry\u2019imigani mu banyarwanda.<\/p>\n\n\n\n
Rwose ndabinginze ngo abafite ubushishozi muze ahubwo twihutire guhuza no kunga Abanyarwanda, tugire icyo dukora ngo turamire igihugu amazi<\/p>\n\n\n\n
atararenga inkombe, duce burundu wa muco mubi wa biza tubireba tugaceceka.<\/p>\n\n\n\n
Banyarwanda mwese mubihe bikomeye kandi by\u2019urujijo muhagurukire rimwe dufatane mu mugongo twubakire hamwe ejo hazaza, hato ataba ari Imana yaba ishatse kuduha agahenge tutagombye kumarana tugasanga twikozeho kuko twananiwe kumva doreko ngo ucira injiji amarenga aruhira kumara amanonko. U Rwanda aho rugeze rukeneye umuganda wa buri wese kandiintwari ni uzabasha guhuza ibiganza na benshi, akaba inkingi y\u2019ubumwe mu banyarwanda. <\/p>\n\n\n\n
Imana ibarinde!<\/p>\n\n\n\n