Kuva mu kwezi kwa Werurwe 2020, umwe mu bafite amashyaka atavuga rumwe na leta y\u2019uRwanda akorera hanze\u00a0Bwana Padiri Thomas Nahimana, yadukanye inkuru y\u2019uko Perezida Paul Kagame yapfuye aho yabitangarije kuri facebook ye ndetse na YouTube Channel ye. Muri icyo gihe corona virus nibwo yari ikigera mu bihugu bimwe na bimwe byo mu karere k\u2019ibiyaga bigari ndetse u Rwanda rukaba kimwe muri ibyo bihugu.<\/p>\n\n\n\n
Mbere yaho gato ariko iki cyorezo cyari kimaze amezi agera kuri 2 kiyogoza imigabane ya Aziya, Uburayi na America, ku buryo ibihugu bigize iyo migabane byari byarahagaritse ingendo z\u2019abinjira mu rwego rwo gukomeza kwirinda.<\/p>\n\n\n\n
Perezida Kagame ari mu bantu batongeye kugaragara mu gihugu imbere dore ko hanze ho aho asanzwe ajya mu ngendo zitwara umwanya we munini hari hamaze gufungwa ku buryo atari kwemererwa kwinjira muri ibyo bihugu asanzwe ajyamo.\u00a0<\/p>\n\n\n\n
Mu gihugu rero yaburiwe irengero, ku mpamvu ntekereza ko zari izo gutinya kuba yakwandura akipfira cyane ko imyaka afite bituma ashyirwa mu cyiciro cy\u2019abantu bafite amahirwe macye yo gukira igihe ufashwe na corona virus.<\/p>\n\n\n\n
Padiri Nahimana rero yakomeje kwamamaza ivanjiri y\u2019uko Kagame yapfuye bikomeza gufata intera kugeza uyu munsi nibyo byirirwa bivugwa ku mbuga nkoranyambaga zitandukanye ku buryo ubona mbese ari byo abantu barangariyeho cyane.<\/p>\n\n\n\n
Ibi byanteye kwibaza nti ese iyi niyo politiki Nahimana arimo gukina agamije kubohora abanyarwanda? Ese ubundi Kagame aramutse apfuye ikibazo ni ikihe? Birazwi neza ko buri wese azapfa, ndetse na Kagame akaba yarabyibukije Padiri Nahimana mu kiganiro yagiranye n\u2019abanyamakuru ejobundi ko gupfa atari igitangaza.<\/p>\n\n\n\n
Padiri avuga ko Perezida Kagame yabuze ngo ahumurize abaturage muri ibi bihe bikomeye ku buzima bw\u2019abaturage nk\u2019uko abandi baperezida bo mu bihugu bituranye n\u2019u Rwanda bagaragaye bahumuriza abaturage, ariko Padiri icyo atazi n’uko abaturage ntacyo bavuze kuri Kagame, kuko sibo bamutoye bityo rero njyewe nkaba nsanga ariyo mpamvu Kagame ategera abaturage cyane nk\u2019abandi baperezida bo mu bihugu by\u2019ibituranyi.<\/p>\n\n\n\n
Njyewe sindeba impamvu abantu bakwiye kurangarira kuri Padiri Thomas uvuga ko Kagame yapfuye cyangwa yarwaye ari muri coma kuko Kagame nawe afite umubiri nk\u2019abandi bose bityo rero kurwara cyangwa gupfa kwe ni nk\u2019ukwabandi kandi igihe nikigera azapfa.<\/p>\n\n\n\n
Ikibazo gikomeye hano nshaka kwibariza Nahimana, ni ukumenya niba ikibazo kuri we ari Kagame ku buryo Kagame aramutse apfuye ibibazo abanyarwanda bafite uyu munsi byaba bikemutse?\u00a0<\/p>\n\n\n\n
Hari video imaze iminsi icicikana yerekana abanyerondo bahondagura abantu basanze mu ngo zabo batetse, bakabakubita babaziza ko batari mu nzu. Iki ni igikorwa kigayitse kigamije gukomeza kwica urubozo abaturage kugirango bakomeze babe ibikange icyo leta izajya ivuga cyose kijye gifatwa nk\u2019ivanjiri ntagatifu. Ibi nibyo abatavuga rumwe n\u2019ubutegetsi bw\u2019uRwanda bakwiye kwibandaho bakabyamagana, nyamara mu mashyaka yose yitwa ko atavuga rumwe n\u2019ubutegetsi bw\u2019u Rwanda nta na rimwe ryigeze ryandika itangazo ryamagana iryo yica rubozo rikorerwa abanyarwanda muri iyi minsi, ahubwo ishyaka rya Nahimana ryandikiye UN\u00a0 risaba ko yabashakira Kagame, aha ukibaza niba babereyeho gushakisha aho Kagame ari cyangwa babereyeho kuvuganira rubanda.<\/p>\n\n\n\n
Mu isesengura ryanjye nakoze kuri iki kibazo cy\u2019urupfu rwa Kagame n\u2019ukomeje kubika Kagame ariwe Nahimana, njyewe nasanze icyo Padiri agamije ari ukugwiza abantu basura urubuga rwe rwa YouTube agamije kwibonera indoke iva kuri YouTube kubera ko iyo umuntu afite abantu benshi bamukurikira kuri YouTube, hari amafaranga iyo sosiyete igenda iguhaho kubera amatangazo yo kwamamaza aca kuri YouTube gusa hakabaga hari benshi batabizi bo bakaba bazi ko Padiri ashishikajwe n\u2019urupfu rwa Kagame kuko arabizi neza ko Kagame atapfuye.<\/p>\n\n\n\n
Gusa birababaje kuba Padiri arangaza abanyarwanda akwiye kuba ayobora abavuganira umunsi ku munsi ahubwo we yibereye mu kubyaza umusaruro ibinyoma bye mu gihe Kagame we icyo gihuha cyamubyariye umusaruro ukomeye kuko mu gihe abatavuga rumwe nawe bari barangariye ku kinyoma cya Nahimana, Kagame n\u2019abambari be bariho bategura uko baroba Paul Rusesabagina, iyi nkuru nayo nkaba nzayigarukaho ku buryo burambuye.<\/p>\n\n\n\n
Iyo politiki rero ya Nahimana akorera online yamamaza urupfu rwa Kagame njyewe nsanga ari politiki yo kwikinisha , kwa kundi wikirigita ugaseka kuko urupfu rwa Kagame ntacyo rumariye abanyarwanda.<\/p>\n\n\n\n
Nsubiye ku ijambo Kagame yavuze mu kiganiro yagiranye na RBA abajijwe kuri Nahimana, Kagame yasubije asa n\u2019utera ubwoba Nahimana avuga ko ashobora kuzisanga nawe i Kigali nka Rusesabagina. Nyamara Padiri Nahimana yashatse kwijyana inzego z\u2019iperereza za Kagame zimubuza gutaha. Niba Nahimana ashakishwa koko kuki batamuretse ngo atahe noneho akurikiranweho ibyo bizatuma yisanga mu Rwanda nka Rusesabagina?<\/p>\n\n\n\n
Nelson Gatsimbazi\/ Sweden<\/strong><\/p>\n\n\n\n Callnelson2000@yahoo.com<\/p>\n","protected":false},"excerpt":{"rendered":" Kuva mu kwezi kwa Werurwe 2020, umwe mu bafite amashyaka atavuga rumwe na leta y\u2019uRwanda akorera hanze\u00a0Bwana Padiri Thomas Nahimana, yadukanye inkuru y\u2019uko Perezida Paul Kagame yapfuye aho yabitangarije kuri facebook ye ndetse na YouTube Channel ye. Muri icyo gihe corona virus nibwo yari ikigera mu bihugu bimwe na bimwe byo mu karere k\u2019ibiyaga bigari […]<\/p>\n","protected":false},"author":2,"featured_media":37864,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[78],"tags":[],"class_list":["post-37863","post","type-post","status-publish","format-standard","has-post-thumbnail","hentry","category-ibitekerezo"],"yoast_head":"\n