{"id":37877,"date":"2020-09-10T01:48:56","date_gmt":"2020-09-09T23:48:56","guid":{"rendered":"http:\/\/www.therwandan.com\/ki\/?p=37877"},"modified":"2020-09-10T02:00:21","modified_gmt":"2020-09-10T00:00:21","slug":"umukobwa-wa-paul-rusesabagina-yabwiye-bbc-ko-ku-nshuro-ya-mbere-bashoboye-kuvuga-nawe-ariko-ko-bafite-amakenga","status":"publish","type":"post","link":"https:\/\/www.therwandan.com\/ki\/umukobwa-wa-paul-rusesabagina-yabwiye-bbc-ko-ku-nshuro-ya-mbere-bashoboye-kuvuga-nawe-ariko-ko-bafite-amakenga\/","title":{"rendered":"Umukobwa wa Paul Rusesabagina yabwiye BBC ko ku nshuro ya mbere bashoboye kuvuga nawe ariko ko bafite amakenga."},"content":{"rendered":"\n
\"Paul<\/figure>\n\n\n\n

Paul Rusesabagina umaze iminsi ari mu maboko y’igipolisi cy’u Rwanda nyuma yo kuhagera ku buryo butaramenyekana neza kugeza ubu.<\/p>\n\n\n\n

Umuryango we wemeza ko yashimuswe ari mu rugendo mu gihugu cya Dubai, ariko ibyo ntibiremezwa n’uruhande rudafite aho rubogamiye.<\/p>\n\n\n\n

Avugana na BBC Gahuzamiryango, umukobwa wa Bwana Rusesabagina, Carine Kanimba, yavuze ko bashoboye kuvugana na se kuri telefone.<\/p>\n\n\n\n

Yavuze ko ari ubwa mbere bari bavuganye nawe kuva yafatwa, akavuga ko yababwiye ko ameze neza n’ubwo bo batabyemera.<\/p>\n\n\n\n

Carine Kanimba yagize ati: “Twavuganye nawe ariko twari tuzi ko bamuhagaze inyuma bariho bamubwira icyo agomba kutubwira cyose.<\/em><\/p>\n\n\n\n

“Ejo ni bwo bwa mbere twashoboye kumuvugisha. Twagerageje kenshi kubahamagara, duhamagara RIB, duhamagara abantu bose kugira ngo batureke tumuvugishe.<\/em><\/p>\n\n\n\n

“N’umu avocat wacu twamuhitiyemo agerageza kujya kumureba ariko kuva bamushimuta ntibari batureka ngo tumuvugishe.”<\/em><\/p>\n\n\n\n

Umukobwa wa Bwana Rusesabagina yakomeje avuga ko ejo ariho babemereye kumuvugisha, ariko nabwo nyine ukumva y’uko bamuhagaze inyuma bamubwiriza ibyo avuga.<\/p>\n\n\n\n

\"Rusesabagina
\u00a0Rusesabagina yahawe agashimwe ko ku rwego rwo hejuru n’umukuru w’igihugu wa Amerika, George W Bush<\/figcaption><\/figure>\n\n\n\n

BBC yashatse kumenya niba baba barashoboye kumenya uko amerewe aho afungiwe mu biro by’igipolisi i Remera mu mujyi wa kigali.<\/p>\n\n\n\n

Carine Kanimba yagize ati: “Nabyo ntabyo tuzi. Yatubwiye ko ameze neza. Ariko ukuntu tuzi papa, iyo tumubajije uko ameze ubundi atubwira neza abivanye ku mutima. Ariko ubu byumvikanaga ko atashoboraga kuvuga nk’uko atuganiriza ubundi.”<\/em><\/p>\n\n\n\n

Madamu Kanimba yavuze kandi ko uwunganira se mu mategeko bamuhitiyemo ataremererwa gukora ako kazi, akaba yunganirwa n’uwo yahitiwemo n’inzezo z’ubutungane z’u Rwanda.<\/p>\n\n\n\n

Yakomeje agira ati: “Turabizi ko uwo mu avocat [yashyizweko na leta] yari ahari ejo. Yari amuhagaze inyuma. Muri ako kanya gato twaganiriye na papa yaratubwiye ko bari bahari bari iruhande rwe.<\/em><\/p>\n\n\n\n

“Ariko uwo mu avocat we ntawe twumvise. Twamubajije niba yarashoboye kubonana na ba avocats twamuhitiyemo avuga ko adashobora kuganira iyo dosiye. […] twamubajije gatatu iby’avocat we ntiyaduha igisubizo.”<\/em><\/p>\n\n\n\n

Gushimutwa<\/h2>\n\n\n\n

Umuryango wa Bwana Rusesabagina wemeza ko yashimuswe mu gihe leta y’u Rwanda ivuga ko yafashwe ku bufatanye bw’amahanga, mu gihe yari yarasohorewe impapuro mpuzamahanga zo kumufata.<\/p>\n\n\n\n

Avugana na BBC, umukobwa we Carine Kanimba yavuze ko ibyo atari byo ngo kuko izo mpapuro zo kumufata zitigeze zibaho.<\/p>\n\n\n\n

Yagize ati: “Ibyo ni ukubeshya nta mandat d’arret yigeze ibaho, ibyo ni mu Rwanda babivuze. Niba yariho ni ukubera iki yakomeje gufata ingendo ntawe umufata?<\/p>\n\n\n\n

“Mu mwaka ushize yakomeje ingendo, iyo haba hari abantu bashaka kumufata ntaho yari kujya kuko bari kuba bamufashe […] ibyo tuzi ni uko bamujyanye ku ngufu.”<\/p>\n\n\n\n

\"Paul
Paul Rusesabagina (wa mbere uvuye i buryo), umugore wiwe Tatiana (wa kabiri uvuye i buryo), Don Cheadle (wa kabiri uvuye i bubamfu) n’umukunzi wiwe Bridgid (wa mbere uvuye i bubamfu) bashitse mu birori vya Oscar bigira 77, itariki 27\/02\/2005<\/figcaption><\/figure>\n\n\n\n

Mushobora kumva hano hasi ikiganiro Carine Kanimba yagiranye n’umunyamakuru Jacques Niyitegeka wa BBC Gahuza Miryango:<\/p>\n\n\n\n

.<\/p>\n\n\n\n