Nyuma y\u2019iminsi 10 Rusesabagina Bwana Paul Rusesabagina ukurikiranweho ibyaha birimo iby\u2019iterabwoba abazwa mu Bugenzacyaha, dosiye ye yagejejwe mu bushinjacyaha kuri uyu wa gatatu.<\/p>\n\n\n\n
Abunganizi ba Rusesabagina babwiye ijwi ry\u2019Amerika ko atabashije kubazwa kubera uburwayi. Umuvugizi w\u2019ubugenzacyaha nawe Thierry Muramira, yabwiye Radiyo ijwi ry\u2019Amerika ko iperereza ry\u2019ibanze bakoreraga kuri Rusesabagina baripfundikiye.<\/p>\n\n\n\n
Mu ifatwa rya Bwana Rusesabagina Paul ubugenzacyaha bwavugaga ko bumukurikiranyeho ibyaha birimo iby\u2019iterabwoba, gutwika, ubushimusi n\u2019ubwicanyi byakorewe abaturage b\u2019inzirakarengane.<\/p>\n\n\n\n
Ni ibyaha bivugwa ko byakorewe mu duce turimo Nyabimata mu Karere ka Nyaruguru, ahabaye ibitero mu kwezi kwa gatandatu mu 2018 no mu nkengero za Nyungwe mu Karere ka Nyamagabe mu kwezi kwa 12\/ 2018, byose byigambwe n\u2019umutwe witwara gisirikare wa FLN, ushamikiye ku mpuzamashyaka MRCD Rusesabagina yari ayoboye.<\/p>\n\n\n\n
Urwego rw\u2019Igihugu rw\u2019Ubugenzacyaha ruheruka gutangaza ko Rusesabagina yizanye mu Rwanda, agafatirwa ku Kibuga Mpuzamahanga cy\u2019Indege cya Kigali, nubwo bitatangajwe niba yari aje mu Rwanda cyangwa yari agiye gukomereza ahandi.<\/p>\n\n\n\n
Biteganyijwe ko nyuma yo kunoza dosiye, Ubushinjacyaha buzayiregera urukiko, cyangwa se rukaba rwayishyingura kuko byose bubyemererwa n\u2019amategeko<\/p>\n\n\n\n
Umva ibindi muri iyi nkuru ya Assumpta Kaboyi ukorera Ijwi ry’Amerika i Kigali mu Rwanda<\/p>\n\n\n\n