{"id":37905,"date":"2020-09-14T09:13:47","date_gmt":"2020-09-14T07:13:47","guid":{"rendered":"http:\/\/www.therwandan.com\/ki\/?p=37905"},"modified":"2020-09-14T09:44:20","modified_gmt":"2020-09-14T07:44:20","slug":"u-rwanda-si-igihugu-kigurishwa-kwamagana-amasezerano-u-rwanda-rwasinyanye-na-usa","status":"publish","type":"post","link":"https:\/\/www.therwandan.com\/ki\/u-rwanda-si-igihugu-kigurishwa-kwamagana-amasezerano-u-rwanda-rwasinyanye-na-usa\/","title":{"rendered":"U RWANDA SI IGIHUGU KIGURISHWA: KWAMAGANA AMASEZERANO U RWANDA RWASINYANYE NA USA"},"content":{"rendered":"\n

ITANGAZO RIGENEWE ABANYAMAKURU No ISH 2020\/09\/010\/Kiny<\/strong> <\/p>\n\n\n\n

Ku itariki ya 28<\/strong> Gicurasi<\/strong> 2020 <\/strong>u Rwanda rwagiranye n\u2019igihugu cya Leta Zunze ubumwe z\u2019Amerika, amasezerano arebana na \u201cstatus\u201d<\/em> y\u2019ingabo zayo mu gihugu cy\u2019amahanga, mu magambo ahinnye SOFA (Status of Forces Agreement<\/em>)<\/strong>. Nyamara ayo masezerano yagizwe ubwiru na Leta ya Kigali kugeza ubu ndetse ntiyigeze akurikiza inzira zemewe n\u2019amategeko, harimo kuyamenyesha inteko ishinga amategeko ngo iyemeze no kuyatangaza mu igazeti ya Leta. Ibyo byatumye, Ishyaka Ishema, ku itariki ya 03 Kamena 2020, risohora itangazo rigenewe itangazamakuru No ISH 2020\/06\/006<\/strong>, dusaba abayobozi b\u2019u Rwanda kudakomeza kugira ubwiru amasezerano igihugu kigirana n\u2019ibindi bihugu by\u2019amahanga kuko ubusanzwe yagombye kuba akorwa mu nyungu z\u2019abenegihugu bose.<\/p>\n\n\n\n

 <\/strong>1.       AYA MAZEZERANO U RWANDA RWAKORANYE NA LETA ZUNZE UBUMWE Z\u2019AMERIKA ATEYE INKEKE.<\/strong> <\/strong><\/p>\n\n\n\n

A.     <\/strong>UKO TWAMENYE IBIKUBIYE MURI AYA MASEZERANO<\/strong>           <\/p>\n\n\n\n

Ishyaka Ishema rimaze kubona ko amasezerano agizwe ubwiru, byaduteye inkeke maze dushaka kumenya ibiyakubiyemo. Twegereye abayobozi ba Leta zunze ubumwe z\u2019Amerika tubagezaho impungenge zacu n\u2019iz\u2019Abanyarwanda bose muri rusange, ni bwo badutangarizaga ayo masezerano yanditse mu rurimi rw\u2019icyongereza kandi akaba asinyweho n\u2019impande zombi zayagiranye. <\/p>\n\n\n\n

Nk\u2019uko bigaragara, ayo masezerano ashyinguwe ku izina ry\u2019 \u201cAmasezerano n\u2019izindi nyandiko mpuzamahanga, urutonde No 20-528, <\/strong>akaba afite umutwe ugira uti: \u201cAMASEZERANO HAGATI YA GUVERINOMA YA LETA ZUNZE UBUMWE    Z\u2019AMERIKA NA GUVERINOMA YA REPUBULIKA Y\u2019U RWANDA AGENA STATI Y\u2019INGABO ZA LETA ZUNZE UBUMWE Z\u2019AMERIKA MU GIHUGU CY\u2019U RWANDA\u201d.<\/strong> <\/p>\n\n\n\n

B.      <\/strong>IBIKUBIYE MURI AYO MASEZERANO YAGIZWE UBWIRU<\/strong> <\/strong><\/p>\n\n\n\n

-Muri macye ayo masezerano agamije gutuza ingabo z\u2019Amerika ku butaka bw\u2019u Rwanda akanazemerera kuhakorera ibikorwa by\u2019ubwoko bwose nta genzura cyangwa indi nkomyi iyo ariyo yose. Ibi bikaba bihabanye n\u2019itegekonshinga ndetse n\u2019andi mategeko. <\/p>\n\n\n\n

– Aya masezerano aha uburenganzira Minisiteri y\u2019Ingabo ya Leta Zunze ubumwe z\u2019Amerika: <\/p>\n\n\n\n

–          Kohereza ingabo n\u2019abakozi bayo gukorera mu Rwanda nta ruhushya basabye, kwinjira no kwinjiza ibikoresho byabo, gusohoka no gusohora ibikoresho byabo nta sakwa ribayeho. <\/em><\/p>\n\n\n\n

–          Gutumiza no kohereza mu mahanga ibikoresho byose bifuza nta genzura cyangwa andi mananiza, hakoreshejwe inzira zose bashaka: iz\u2019ikirere, ubutaka cyangwa amazi.<\/em><\/p>\n\n\n\n

–          Gushyiraho iminara ya Radiyo yigenga.<\/em><\/p>\n\n\n\n

–          Gusonerwa imisoro n\u2019amahoro y\u2019ubwoko bwose mu gihe bakiri mu mbibi za Repubukika y\u2019u Rwanda, kugira ubudahangarwa bungana n\u2019ubw\u2019 abahagarariye ibihugu byabo.<\/em><\/p>\n\n\n\n

–          Kwambara gisirikare no kwitwaza intwaro igihe cyose bari mu kazi kabo, kandi mu gihe cyose bakorera ibyaha abatarebwa n\u2019aya masezerano bakaburanishwa n\u2019inkiko z\u2019Amerika hanakurikijwe amategeko y\u2019Amerika. <\/em><\/p>\n\n\n\n

–          Ko nihavuka andi makimbirane ayo ariyo yose ashingiye kuri aya masezerano batazigera bitabaza inkiko ahubwo bazayarangiza mu bwumvikane.<\/em><\/p>\n\n\n\n

–          Kuzibukira ibirego byose byaturuka ku gihombo, kwangiza, gukomeretsa cyangwa urupfu biturutse ku bakozi babo bari mu kazi.<\/em> <\/p>\n\n\n\n

-Ikibabaje kandi gikwiye gutera agahinda buri munyarwanda ukunda igihugu cye ni uko aya masezerano akubiye mu ngingo 16 zose nta na hamwe agaragaza inyungu u Rwanda rwo ruzayakuramo. <\/p>\n\n\n\n

2.       <\/strong>TURASANGA:<\/strong> <\/strong><\/p>\n\n\n\n

-Abategetsi ba RPF Inkotanyi bakomeje politiki yo gusuzugura rubanda, bahonyora amategeko, no gufata bugwate inzego z\u2019igihugu bakazikoresha mu nyungu zabo gusa, zidafite aho zihuriye n\u2019iza rubanda birengagije ingingo ya 167, igika cya mbere n\u2019icya kane n\u2019ingingo ya 170 z\u2019itegeko nshinga ry\u2019u Rwanda.<\/p>\n\n\n\n

Naho ingingo ya 169 y\u2019iryo tegeko, mu gika cya mbere igira iti: <\/p>\n\n\n\n

\u201cBirabujijwe gukora amasezerano mpuzamahanga yemera gutuza ingabo z\u2019amahanga mu Gihugu\u201d<\/em><\/strong>.<\/em> <\/p>\n\n\n\n

– Turasanga ibikubiye muri aya masezerano byambura igihugu cyacu ubusugire bwacyo kandi bikavogera bikabije n\u2019uburenganzira bw\u2019umwenegihugu;<\/p>\n\n\n\n

-Aya masezerano abangamiye cyane umutekano w\u2019igihugu ndetse n\u2019uwa Akarere kose muri rusange; <\/p>\n\n\n\n

-Aya masezerano agamije kugurisha u Rwanda mu buryo budasubirwaho;<\/p>\n\n\n\n

-Amasezerano nk\u2019aya abayobozi ba Repubulika ya mbere n\u2019iya kabiri banze kuyasinya mu rwego rwo gusigasira inyungu rusange n\u2019ubusugire bw\u2019igihugu cyacu. <\/p>\n\n\n\n

3.        KUBERA IZO MPAMVU ZOSE<\/strong> <\/strong><\/p>\n\n\n\n

Turasaba<\/strong> Inteko Ishinga amategeko y\u2019u Rwanda na yo gusuzumana ubushishozi aya masezerano, maze igategeka Guverinoma ya RPF guhita iyasesa byihuse kuko akocamye kandi adakurikije amategeko y\u2019u Rwanda. <\/p>\n\n\n\n

U RWANDA SI IGIHUGU KIGURISHWA.<\/strong><\/p>\n\n\n\n

Harakabaho Repubulika y\u2019u Rwanda<\/p>\n\n\n\n

Harakabaho ubutegetsi bukorera mu mucyo na Demokarasi<\/p>\n\n\n\n

Harakabaho u Rwanda rwigenga<\/p>\n\n\n\n

Bikorewe Montreal kuwa 13\/09\/2020<\/p>\n\n\n\n

Nadine Claire KASINGE<\/strong><\/p>\n\n\n\n

Perezidante<\/p>\n\n\n\n

Ishema Party<\/p>\n\n\n\n

<\/p>\n\n\n\n