Tariki ya 19 Kamena 2013.<\/p>\n
Kw\u2019itariki ya 17 Kamena 2013, Abakuru b\u2019ibihugu bigize Umuryango w\u2019Amajyepfo y\u2019Afrika Uharanira Amajyambere [Southern African Development Community (SADC)] bahuriye mu nama idasanzwe yabereye i Maputo muri Mozambiki, bashishikariza u Rwanda n\u2019Ubuganda kugirana ibiganiro n\u2019abarwanya ubutegetsi buri muri ibyo bihugu bakoresheje intwaro kugira ngo bashakire burundu umuti w\u2019ibibazo bibangamiye amahoro n\u2019umutekano mu karere k\u2019ibihugu bituriye ibiyaga bigari byo muri Afrika yo hagati. Ibyo byakozwe hashyigikirwa igitekerezo cyari cyatanzwe na Perezida wa Tanzaniya, Nyakubahwa Jakaya Mrisho Kikwete, mu nama y\u2019Abakuru b\u2019Umuryango w\u2019Afrika (African Union Summit) kuwa 26 Gicurasi 2013 mu birori byo kwizihiza isabukuru y\u2019imyaka 50 uwo muryango umaze ushinzwe.<\/p>\n
Igihe Bwana Ban Ki-moon, Umunyamabanga Mukuru w\u2019Umuryango w\u2019Abibumbye (ONU), yahuriraga na Nyakubahwa Jakaya Mrisho Kikwete i Yokohama mu Buyapani kw\u2019itariki ya 2 Kamena 2013, bagarutse kuri icyo kibazo. Bwana Ban Ki-moon avugako ashyigikiye ibikorwa n\u2019imishyikirano rusange byagarura amahoro asesuye muri ako karere, bijyaniranye n\u2019iyoherezwa z\u2019ingabo za Tanzaniya mu Burasirazuba bwa Kongo. Amwizeza ko azabishyikiriza ababishinzwe kandi akanabishyigikira mu nama Rusange y\u2019Umuryango w\u2019Abibumbye izabera i New York mu kwezi kwa cyenda kw\u2019uyu mwaka.<\/p>\n
Mu nama ya mbere yabereye i Nairobi ku wa 21 Kamena 2013, yerekeranye n\u2019ikurikirana ry\u2019imikorere n\u2019imikoranire y\u2019amatsinda ashinzwe ibyerekeranye no kubungabunga amahoro n\u2019umutekano muri Repubulika iharanira Demokarasi ya Kongo no mu karere k\u2019ibiyaga bigari by\u2019Afrika, abari bayirimo bumvikanye ko ari ngombwa ko ibibazo byose byafatirwa hamwe n\u2019abo birebwa bose kugira hazashobore kubaho amahoro arambye. Bemeje ko bazongera guhurira i New York mu kwezi kwa cyenda uyu mwaka, bagacumbukura ibiganiro mu gihe bazaba bitabiriye inama Rusange y\u2019Umuryango w\u2019Abibumbye izaba ibaye ku ncuro ya 69.<\/p>\n