{"id":37968,"date":"2020-09-18T21:19:59","date_gmt":"2020-09-18T19:19:59","guid":{"rendered":"http:\/\/www.therwandan.com\/ki\/?p=37968"},"modified":"2020-09-19T00:44:05","modified_gmt":"2020-09-18T22:44:05","slug":"rusesabagina-yisanze-mu-rwanda-yari-azi-ko-agiye-mu-burundi","status":"publish","type":"post","link":"https:\/\/www.therwandan.com\/ki\/rusesabagina-yisanze-mu-rwanda-yari-azi-ko-agiye-mu-burundi\/","title":{"rendered":"Rusesabagina Yisanze mu Rwanda Yari Azi ko Agiye mu Burundi"},"content":{"rendered":"\n

Umugabo wamenyekanye nk’intwari ya filimi Hotel Rwanda”, Paul Rusesabagina ubu uri muri kasho y\u2019igipolisi I Kigali, yagiraniye ikiganiro n\u2019ikinyamakuru \u201cThe New York Times” <\/em>cyandikirwa muri Amerika. Mu nkuru cyasohoye ku musi wa kane, Rusesabagina yasobanuriye umunyamakuru wacyo ko yaguye mu mutego akisanga mu Rwanda.<\/p>\n\n\n\n

Bwana Rusesabagina wahoze ari umuyobozi wa hoteri wanashimiwe ku bw\u2019ubutwari yagize muri Jenoside yo muw\u20191994 mu Rwanda, avuga ko yashutswe n\u2019abategetsi b\u2019u Rwanda kugira ngo asubire mu gihugu mu kwezi gushize babone uko bamukurikiranaho ibyaha by\u2019iterabwoba n\u2019ubwicanyi, akinjira mu ndege we yibwiraga ko igiye mu Burundi.<\/p>\n\n\n\n

Paul Rusesabagina wabaye intandaro ya \u201cFilimi ya Hoteli Rwanda\u201d, ibyo yabibwiye ikinyamakuru The New York Times<\/em> kuri uyu wa kabiri mu kiganiro cyari gikurikiwe n\u2019abategetsi ba leta mu biro bikuru bya Polisi byo mujyi wa Kigali, aho amaze ibyumweru birenga bibiri afungiye.<\/p>\n\n\n\n

Bwana Rusesabagina w\u2019imyaka 66 y\u2019amavuko uzwi cyane mu banenga ubutegetsi wabaga mu buhungiro muri leta ya Texas muri Amerika, yavuze ko mu minsi ye ya mbere mu kasho ari mu maboko y\u2019inzego zishinzwe ubutasi z\u2019u Rwanda, yari ahambiriye, yapfutswe amaso, kandi atashoboraga kumenya aho afungiye.<\/p>\n\n\n\n

Icyakora akavuga ko uko ubu hari icyahindutse mu buryo afashwemo. Umunyamakuru wamubajije akandika iyi nkuru yumvikanisha ko n\u2019ubwo yavuze ko arimo gutanga ikiganiro ku bushake bwe, yasaga n\u2019uvuga ku bw\u2019agahato.<\/p>\n\n\n\n

Mu kiganiro, cyatangiwe uburenganzira na leta y\u2019u Rwanda, Bwana Rusesabagina yavuze uburyo yaburiye ku kibuga cy\u2019indege muri Dubai nyuma y\u2019iminsi mike akaza kwerekanwa i Kigali mu murwa mukuru w\u2019u Rwanda yambaye amapingu. Icyakora inkuru y\u2019uburyo yabuzemo yakuruye ibibazo ndetse n\u2019impungenge, ku ruhande rumwe bitewe n\u2019uku kuba rurangiranwa mu bya filimi.<\/p>\n\n\n\n

Rusesabagina wari umaze imyaka aba mu bihugu by\u2019u Bubiligi na Leta Zunze Ubumwe z\u2019Amerika, yavuze ko indege bwite yinjiyemo muri Dubai yatekerezaga ko yerekeje i Bujumbura mu Burundi, aho yateganyaga gutanga ikiganiro mu nsengero ku butumire yari yahawe n\u2019umupasitoro wo muri icyo gihugu.<\/p>\n\n\n\n

Icyakora, nk\u2019uko abivuga, agisohoka mu ndege mu masaha y\u2019urukerera rwo ku itariki ya 29 y\u2019ukwezi gushize kwa 8, yisanze agoswe n\u2019abasirikare b\u2019u Rwanda, hanyuma abona kumenya ko aho ari atari mu Burundi ahubwo ari mu Rwanda, igihugu gituranyi cyabwo, aho yaherukaga mu myaka 16 ishize. Yavuze ko ibyo byamutunguye<\/p>\n\n\n\n