Kayuku Venusiti yavukiye ahahoze ari muri komini Nyaruhengeri muri Butare, ubu ni mu ntara y\u2019amajyepfo. Amashuri abanza yayize kuri misiyoni ya Kansi. Ayisumbuye ayiga i Butare muri Groupe Scolaire aho bitaga mu Ndatwa, ahakura impamyabumenyi y\u2019ubugronome. Akirangiza yahise abona akazi mu kigo cy\u2019ubushakashatsi INEAC (Institut National pour l\u2019Etude Agronomique du Congo Belge) cyahingaga kikanatoranya imyaka myiza yo kugeza ku baturage. Icyo kigo cyakoreraga i Rubona muri Butare. Cyaje kwitwa ISAR (Institut des Sciences Agronomiques du Rwanda) nyuma yaho igihugu kibonye ubwigenge. Yari yungirije ( Directeur Adjoint) umuyobozi mukuru, wari umubiligi icyo gihe.<\/p>\n\n\n\n
Kayuku Venusiti yashakanye na Nyirabahinde Pulukeriya mu mwaka w\u20191941, babyarana abana 10. Kayuku na Nyirabahinde bari abakristu babyiyemeje, mu rugo rwabo, muri misiyoni no mu baturage. Kayuku yarangizaga akazi akajya kwigisha gatigisimu abaturage bifuzaga kubatizwa, akanigisha abandi gusoma no kwandika. Urugo rwabo rwari ruzwiho gusabana cyane n\u2019abaturage b\u2019ingeri zose.<\/p>\n\n\n\n
Kayuku yari mu bantu bari bizewe n\u2019inzengo nyinshi ku buryo yatoranyijwe mu bantu bajyanye n\u2019umwami Mutara III Rudahigwa mu Bubiligi kujya mu mihango yo gutaha Atomium mu mwaka w\u20191958.<\/p>\n\n\n\n
Kimwe n\u2019abahutu bake bagize amahirwe yo kwiga, Kayuku yabonaga kandi akababazwa n\u2019uko abaturage benshi bavutswaga uburengazira bw\u2019ibanze, bagakandamizwa bikabije kandi bagakoreshwa uburetwa, byose ari ubutegetsi bwa cyami n\u2019ubukoloni bw\u2019icyo gihe bwari bubishyigikiye. Abiganiriye n\u2019inshuti ze, bafashe umwanzuro ko byanze bikunze ubutegetsi bugomba guhinduka, hakajyaho ubutegetsi bushingiye kuri demokrasi kandi bwimirije guteza imbere buri munyarwanda butavanguye. Kuva mu mwaka w\u20191957, abanyarwanda benshi batangiye gushinga no gushishikarizwa kwitabilira kujya mu mashyirahamwe anyuranye. Kayuku ari mu banyarwanda b\u2019imena bari kw\u2019isonga ry\u2019impinduka Ambasaderi Kabanda Petero Celesitini avuga mu gitabo cye \u201cRwanda, l’id\u00e9al des pionniers : Les hommes qui ont fait la diff\u00e9rence.<\/em>\u201d <\/p>\n\n\n\n Amashyaka ya politiki atangiye kuvuka mu mwaka w\u20191959 Kayuku Venusiti yayobotse ishyaka rya MDR Parmehutu. Ubutegetsi bwa cyami bwahise butangira gutoteza abashakaga ko ibintu bihinduka, ngo batagira icyo bageraho. Ku rundi ruhande, abari bashyigikiye ubutegetsi nabo bashinze ishyaka UNAR bakwiza impuha ko abashaka ko ibintu bihinduka ari abanzi b\u2019umwami. Icyo gihe kuba umwanzi w\u2019umwami kwari ukuba icyigomeke. Ubwo havutse udutsiko tw\u2019abatutsi biyitaga ingabo z\u2019umwami, bakagenda bakubita ndetse banica abo bitaga abanzi b\u2019umwami. <\/p>\n\n\n\n Kayuku, ari kumwe na bamwe muri bagenzi be, harimo inshuti ye Birasa Bya Mpongo, bagiye kureba umwami Kigeli V Ndahindurwa, bamusobanulira ko utwo dutsiko twiyita ingabo z\u2019umwami twanduza izina ry\u2019umwami kubera amarorerwa dukora, kandi ko tubangamira umutekano rusange w\u2019abaturage. Banamwumvishijeko abashaka impinduka atari abanzi be, ahubwo bashaka ko habaho ubutegetsi burenganura abaturage kandi bugaha buri muntu uburenganzira busesuye.<\/p>\n\n\n\n Ku itariki ya 28 Mutarama mu mwaka w\u20191961 i Gitarama habaye kongere yahuje abari batowe mu matora y\u2019abajyanama ba za komini yabaye mu mwaka w\u20191960. Muri iyo Kongere niho hafashwe umwanzuro wo gusimbuza ubwami Repubulika. Ni naho kandi Kayuku yatorewe kuba umwe mu badepite ba MDR-Parmehutu mu rwego rw\u2019igihugu.<\/p>\n\n\n\n Kayuku yakomeje gusobanulira abaturage ko ubutegetsi bugendera kuri demokarasi aribwo buryo bwonyine bushobora kurangiza ibibazo by\u2019ubusumbane n\u2019akarengane by\u2019abaturage. <\/p>\n\n\n\n Ku itariki ya 15.8.1961, avuye mu misa ya Assomption, arimo yitegura kujya kuzana umugore we wari muri materinite amaze iminsi 5 gusa abyaye, niho abantu baje kumutabaza bamubwira ko hari imvururu zatewe na twa dutsiko twiyitaga ingabo z\u2019umwami hafi y\u2019aho yari atuye, ku musozi witwaga Gafumba. Yahise ahindura gahunda yo kujya kuzana umubyeyi n\u2019uruhinja bari bamutegereje, ahubwo yihutira kujya guhosha izo mvururu nkuko yari atabajwe. Yageze i Gafumba ahasanga abandi barwanashyaka,\u00a0 Germain Gasingwa\u00a0 na Aloyizi Munyangaju, nabo bari batabajwe ngo bahoshe imvururu aho ngaho, Basanze wari\u00a0 umutego babateze, abaje gutabaza bari gatumwa. Gasingwa na Munyagaju bakijijwe n’uko imodoka zabo zari zihagaze ku buryo bashobora guhita bazihagurutsa. Kayuku we, arimo yatsa imodoka ngo ayihindukize bamutera amacumu, bamutsinda aho. Bamwicanye ubugome butagira uruvugiro. \u00a0<\/p>\n\n\n\n Umurage n\u2019ubwitange byamuranze mu kazi ke, ubutwari, urukundo Kayuku yari afitiye igihugu cye n\u2019abagituye byatumye Leta n\u2019ubuyobozi bukuru bwa ISAR bafata icyemezo cyo kwitilira laboratoire y\u2019ubushakashatsi bwa ISAR izina rye. Ku itariki ya 30.10.1962 niho habaye umuhango wo kwita Laboratoires Venuste Kayuku. Ndetse n\u2019umwe mu mihanda yari mu murwa mukuru Kigali wahawe izina rye, Rue Depute Kayuku, kimwe na bamwe bandi nabo bapfuye bazize ibitekerezo byabo nka ba depite Kamuzinzi, depite Kajangwe n\u2019abandi.<\/p>\n\n\n\n Aya mateka ya Kayuku Venusiti atangajwe mu rwego rw\u2019umushinga w\u2019ubwanditsi \u201cIbirari by\u2019Amateka\u201d wibanda ku kumenyekanisha abanyarwanda bamenyekanye cyane kandi bagatabaruka mu kinyejana cya makumyabiri.<\/em><\/p>\n\n\n\n Tuboneyeho gushimira by\u2019umwihariko abagize umuryango wa Kayuku bakiriho badufashije kubona ibi bimuvugwaho tubagejejeho. <\/em><\/p>\n\n\n\n Byanditswe na:<\/p>\n\n\n\n Maniragena Valensi Ushaka kutwandikira yatwoherereza ubutumwa kuri email: valencem@mail.ru<\/p>\n","protected":false},"excerpt":{"rendered":" Kayuku Venusiti yavukiye ahahoze ari muri komini Nyaruhengeri muri Butare, ubu ni mu ntara y\u2019amajyepfo. Amashuri abanza yayize kuri misiyoni ya Kansi. Ayisumbuye ayiga i Butare muri Groupe Scolaire aho bitaga mu Ndatwa, ahakura impamyabumenyi y\u2019ubugronome. Akirangiza yahise abona akazi mu kigo cy\u2019ubushakashatsi INEAC (Institut National pour l\u2019Etude Agronomique du Congo Belge) cyahingaga kikanatoranya imyaka […]<\/p>\n","protected":false},"author":2,"featured_media":38024,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[61],"tags":[],"class_list":["post-38023","post","type-post","status-publish","format-standard","has-post-thumbnail","hentry","category-amateka"],"yoast_head":"\n
Murorunkwere Dariya
Nzeyimana Ambrozi<\/strong><\/p>\n\n\n\n