Mu ntangiro z\u2019uyu mwaka nibwo ubuyobozi bushinzwe Impunzi mu Karere ka Karongi bwatangiye kuganiriza impunzi z\u2019abacongomani bavuga ikinyarwanda zibarizwa mu Nkambi ya Kiziba kuri gahunda yo gutuzwa nk\u2019abaturage basanzwe bitwaje ko ngo mu gihe kiri imbere ishami ry\u2019umuryango w\u2019abibumbye ryita ku biribwa \u201cPAM\u201d rizahagarika inkunga y\u2019ibyabagenerwaga bityo ngo kubatuza bagafashwa gutangira ubuzima\u00a0 akaba ariwo muti urambye w\u2019ikibazo cy\u2019izi mpunzi.<\/p>\n\n\n\n
Izi mpuhwe nk\u2019iza Bihehe leta y\u2019u Rwanda yadukanye zihatse iki?<\/strong><\/p>\n\n\n\n Inkambi ya Kiziba yashinzwe mu w\u20191996 ubwo impunzi nyinnshi zavaga Congo zihungira mu Rwanda zigacumbikirwa muri kariya gace. Nk\u2019ahandi hose ku Isi HCR yazigeneye amahema yo guturamo, ibitaro, amashuri n\u2019ibindi byangombwa nkenerwa kugira ngo zibashe guhangana n\u2019ubuzima.<\/p>\n\n\n\n Nyuma y\u2019aho HCR iboneye ko igihugu cya Congo ziriya mpunzi zaje ziturukamo gikomeje kuba indiri y\u2019imitwe yitwaje intwaro, hatangiye gahunda yo gushakira izi mpunzi ibihugu bizakira mubyo bita \u201cresettlement\u201d iyi gahunda isa n\u2019iyatangiye mu 2000, yaje gutambamirwa na leta y\u2019u Rwanda kuko itifuzaga ko ziriya mpunzi zijya mu mahanga ku mpamvu nyinshi zitandukanye harimo kuba iriya nkambi kimwe n\u2019izindi ariho leta y\u2019u Rwanda yakuraga abasore bajyanwa mu gisilikari cy\u2019u Rwanda ndetse n\u2019indi mitwe yarwaniraga muburasirazuba bwa Congo ifashwa n\u2019u Rwanda. Aha twavuga nka RCD ndetse na CNDP ya Laurent Nkunda.<\/p>\n\n\n\n 2009 Uwayoboraga HCR I Karongi yasabye ko izi mpunzi zijyanwa mu Nkambi y\u2019agateganyo muri Africa y\u2019epfo leta y\u2019u Rwanda irabyanga<\/strong>.<\/p>\n\n\n\n Umuyozi wa HCR mu Karere ka Karongi muri kiriya gihe witwaga Manuel dos Santos amaze kubona uburyo ziriya mpunzi leta y\u2019u Rwanda ishaka kuzifata bugwate no kuzigira ibicuruzwa kubera impamvu za politike, yasabye leta ko yakwemera ziriya mpunzi zikavanwa mu Rwanda zikajyanwa muri Africa y\u2019epfo kugira ngo zibahashe kubona ubuzima bwiza. Ibi byabaye nyuma y\u2019aho leta y\u2019u Rwanda yari imaze gufunga Laurent Nkunda watwaga nk\u2019umucunguzi w\u2019impunzi z\u2019abacongomani bavuga ikinyarwanda muri rusange. Uyu mugambi kwimurira izi mpunzi muri Africa y\u2019epfo waje kuburizwamo na leta y\u2019u Rwanda ishyize iterabwoba kuri comite yayoboraga izi mpunzi aho yazisinyishije kungufu inyandiko yamagana uwo mugambi ndetse mu mwaka wakurikiye uyu muzungu wayoboraga ishami rya HCR I Karongi akurwa mu Rwanda.<\/p>\n\n\n\n Ibikomere by\u2019ababo barashwe n\u2019abagifunzwe biracyari bibisi.<\/strong><\/p>\n\n\n\n Tariki ya 20 kugeza iya 22, Gashyantare, umwaka wa 2018, nibwo izi mpunzi zateguye imyigaragambyo mu mahoro zisaba gusubizwa mu gihugu zaje ziturukamo bitewe n\u2019ubuzima bubi zarimo. Ibi byabaye nyuma yo kwandikira ubuyobozi bw\u2019impunzi muri kariya Karere ndetse n\u2019inzego bwite za leta kugira ngo bigire hamwe ibibazo zagaragazaga. Izi nyandiko zitandukanye zaje guteshwa agaciro ntizasubizwa bityo impunzi zifata icyemezo cyo kwigaragambya. N\u2019ubwo iyi myigaragambye yabaye mu mahoro asesuye, ntibyabujije inzego z\u2019umutekano mu Rwanda gukoresha imbaraga z\u2019umurengera mu guhagarika iyi myigaragambyo aho abagera kuri 17 bahasize ubuzima naho abarenga 20 bagakomereka. Ibi kandi byakurikiwe no gufunga zimwe mu mpunzi zafatiwe mu myigaragambyo na bamwe mubari bagize comite ndetse bamwe muri bo bakiri mu munyururu aho bahatirwa kwemera ibyaha batakoze.<\/p>\n\n\n\n Ipfunwe ryo kurasa izi mpunzi zimanitse amaboko ryaba ari ryo ntandaro yo gushaka gutuza izi mpunzi.<\/strong><\/p>\n\n\n\n Nyuma y\u2019uko izi mpunzi zirashwe, ubu bwicanyi bwamaganwe n\u2019imiryango myinshi iharanira uburenganzira bwa muntu n\u2019ambassade z\u2019ibihugu bitandukanye. Leta y\u2019u Rwanda yagize ikimwaro ndetse itangira gukemura bimwe mubyo izi mpunzi zasabaga. Aha twavuga nk\u2019iringaniza ry\u2019imishahara y\u2019impunzi zakoranaga n\u2019abenegihugu ariko zo zigahembwa inyica ntikize ndetse no kugabanya kubangamira ibya dossier zemerera gutuza impunzi mu gihugu cya gatatu. Leta y\u2019u Rwanda ibonye ko izi mpunzi zayifashe nk\u2019abanzi zigatangira gutekereza uko zava hariya zikajyanwa mubindi bihugu, hadutse irindi cengezamatwara ribwira impunzi ko PAM izahagarika imfashanyo mu minsi iri mbere none ko ibyiza ariko zakwemera zigatuzwa nk\u2019abandi benegihugu kandi ko zizafashwa gutangira ubuzima. Ibi ariko byabaye nk\u2019igitutsi gikomeye mu matwi y\u2019izi mpunzi kuko zitumva ukuntu leta yahangaye kwica bagenzi babo izuba riva yatinyuka kuzisaba gutuzwa mu gihe n\u2019ibituro ababo bashyinguwemo bitarameraho ibyatsi.<\/p>\n\n\n\n Impunzi zabashije kuganira na therwandan zivuga ko ibi ari agasuzuguro gakomeye n\u2019ubunyamaswa leta y\u2019u Rwanda ikomeje kugaragaza muri iki kibazo.<\/p>\n\n\n\n Umwe muri bo tutari butangaze umwirondoro we yagize ati: \u201cAbacu twahambye ntibarabora, abandi bari muri gereza bazira akamama none ngo dutuzwe muri aya mayezi?!\u201d Iyi mpunzi ikomeza ivuga ko izi mpuhwe nk\u2019iza Bihehe leta y\u2019u Rwanda yazihagarika kuko idafite ubutaka bwo kuzituzaho cyane ko n\u2019abenegihugu badakwiwe. Ibi kandi leta ibikora ishyiramo iterabwoba ku mpunzi zitumva uyu mugambi ihereye kubajijutse bari muri izi mpunzi.<\/p>\n\n\n\n Edouard Mugambira.<\/strong><\/p>\n","protected":false},"excerpt":{"rendered":" Mu ntangiro z\u2019uyu mwaka nibwo ubuyobozi bushinzwe Impunzi mu Karere ka Karongi bwatangiye kuganiriza impunzi z\u2019abacongomani bavuga ikinyarwanda zibarizwa mu Nkambi ya Kiziba kuri gahunda yo gutuzwa nk\u2019abaturage basanzwe bitwaje ko ngo mu gihe kiri imbere ishami ry\u2019umuryango w\u2019abibumbye ryita ku biribwa \u201cPAM\u201d rizahagarika inkunga y\u2019ibyabagenerwaga bityo ngo kubatuza bagafashwa gutangira ubuzima\u00a0 akaba ariwo muti […]<\/p>\n","protected":false},"author":2,"featured_media":24777,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[78],"tags":[],"class_list":["post-38026","post","type-post","status-publish","format-standard","has-post-thumbnail","hentry","category-ibitekerezo"],"yoast_head":"\n