{"id":38119,"date":"2020-10-02T20:27:52","date_gmt":"2020-10-02T18:27:52","guid":{"rendered":"http:\/\/www.therwandan.com\/ki\/?p=38119"},"modified":"2021-02-14T14:05:48","modified_gmt":"2021-02-14T12:05:48","slug":"urukiko-mu-rwanda-rwanze-ubujurire-bwahaha-rusesabagina-bwo-kurekurwa","status":"publish","type":"post","link":"https:\/\/www.therwandan.com\/ki\/urukiko-mu-rwanda-rwanze-ubujurire-bwahaha-rusesabagina-bwo-kurekurwa\/","title":{"rendered":"Urukiko mu Rwanda rwanze ubujurire bwa Rusesabagina bwo kurekurwa"},"content":{"rendered":"\n
\"Paul<\/figure>\n\n\n\n

Urukiko rwisumbuye rwa Nyarugenge rwatesheje agaciro ubujurire bwa Paul Rusesabagina ku ifungwa n’ifungurwa ry’agateganyo. Arakomeza gufungwa ategereje kuburana mu mizi.<\/strong><\/p>\n\n\n\n

Uruhande rwa Rusesabagina rwari rwasabye ko akurikiranwa adafunze kubera impamvu zirimo iburabubasha ry’urukiko rwategetse ko afungwa by’agateganyo, ubwenegihugu bwe, uburwayi, ibimenyetso bidahagije bimuhamya ibyaha n’izindi. <\/p>\n\n\n\n

Umwe mu bari kumwunganira yavuze ko batishimiye uwo mwanzuro w’urukiko rwisumbuye nubwo badashobora kuwujuririra. <\/p>\n\n\n\n

Umunyamakuru wa BBC yongeye kwangirwa kwinjira mu rukiko, gusa bamwe mu banyamakuru batoranyijwe babyemerewe babwiye BBC ibyahavugiwe.<\/p>\n\n\n\n

Bwana Rusesabagina yazanywe ku rukiko yambaye ikabutura n’ishati by’ibara ry’iroza aje kumva icyemezo cy’urukiko, abunganizi be – umuryango we utemera – nabo bari bahari.<\/p>\n\n\n\n

Bwana Rusesabagina aregwa ibyaha 13 bishingiye ku bitero byakozwe n’umutwe wa FLN, ibyaha mu rukiko atigeze yemera cyangwa ngo ahakane.<\/p>\n\n\n\n

Umucamanza w’urukiko rwisumbuye yavuze ko nta mpamvu ifite ishingiro mu zatanzwe n’uregwa basanze yatuma batesha agaciro icyemezo cy’urukiko rw’ibanze.<\/p>\n\n\n\n

Yavuze ko uregwa yavukiye mu Rwanda kandi nta nzira y’amategeko yaciyemo imwambura ubwenegihugu bw’u Rwanda.<\/p>\n\n\n\n

Yongeraho ko kuba ibyaha aregwa byarakorewe ku butaka bw’u Rwanda biha uburenganzira inkiko zarwo kubimukurikiranaho.<\/p>\n\n\n\n

Umucamanza yavuze ko Bwana Rusesabagina yari umukuru wa MRCD kandi atigeze yamagana ibitero by’umutwe wa FLN byiciwemo abantu. <\/p>\n\n\n\n

Yavuze kandi ko kuba ubushize uregwa yaremeye ko yahaye umutwe wa FLN ibihumbi 20 by’amaEuro ari ikimenyetso cya bimwe mu byaha akurikiranyweho.<\/p>\n\n\n\n

Bwana Rusesabagina we yari yavuze ko ayo mafaranga atari ayo gutera inkunga ibikorwa by’iterabwoba.<\/p>\n\n\n\n

Mu kuburana ku ifungwa n’ifungurwa ry’agateganyo urukiko rwisumbuye nirwo rufata umwanzuro wanyuma, nta rundi rujuririrwa. <\/p>\n\n\n\n

Umwanzuro w’uru rukiko uvuze ko Bwana Rusesabagina akomeza gufungwa mu gihe ategereje ko urubanza rwe rutangira kuburanishwa mu mizi. <\/p>\n\n\n\n

Mu kwezi gushize, Callixte Nsabimana uzwi nka ‘Sankara’ wahoze ari umuvugizi w’umutwe wa FLN, yasabye ko urubanza rwe ruhuzwa n’urwa Bwana Rusesabagina.<\/p>\n\n\n\n

Uyu ni umukuru wungirije w’impuzamashyaka MRCD-Ubumwe yashinze umutwe wa FLN nk’ishami ryawo rya gisirikare, uwo mutwe wagabye ibitero byaguyemo abantu mu 2018 na 2019.<\/p>\n\n\n\n

Umuryango wa Rusesabagina uvuga ko utemera uko yunganiwe mu Rwanda, n’ibyo avuga mu rukiko ari ibyo yategetswe kuvuga.<\/p>\n\n\n\n

BBC<\/p>\n\n\n\n

\n