{"id":38198,"date":"2020-10-14T10:08:01","date_gmt":"2020-10-14T08:08:01","guid":{"rendered":"http:\/\/www.therwandan.com\/ki\/?p=38198"},"modified":"2020-10-14T10:17:40","modified_gmt":"2020-10-14T08:17:40","slug":"rwanda-rugiye-kugurisha-urumogi-ku-mpamvu-zubuvuzi","status":"publish","type":"post","link":"https:\/\/www.therwandan.com\/ki\/rwanda-rugiye-kugurisha-urumogi-ku-mpamvu-zubuvuzi\/","title":{"rendered":"Rwanda rugiye kugurisha urumogi ku mpamvu z’ubuvuzi!"},"content":{"rendered":"\n
\"Urumogi\"\/<\/figure>\n\n\n\n

Leta y’u Rwanda yemeje guhinga no kohereza “urumogi” mu mahanga ku mpamvu z’ubuvuzi no kubona inyungu y’amafaranga nk’uko abategetsi babivuga.<\/strong><\/p>\n\n\n\n

Inama y’abaminisitiri yo ku wa kabiri yemeje ibyerekeye “ihingwa, itunganywa n’iyoherezwa mu mahanga ry’ibimera byifashishwa mu rwego rw’ubuvuzi”.<\/p>\n\n\n\n

Minisitiri w’ubuzima yabwiye televiziyo y’u Rwanda ko kimwe muri ibyo bihingwa ari ikitwa ‘cannabis’. Iki gisanzwe kizwi nk’urumogi.<\/p>\n\n\n\n

U Rwanda rubaye igihugu gishya muri bicye bya Africa – Africa y’epfo, Malawi, Zambia, Zimbabwe na Lesotho – byemera guhinga no kugurisha urumogi ku mpamvu z’ubuvuzi.<\/p>\n\n\n\n

Ibihugu bicyeya cyane ku isi, birimo Africa y’epfo, byemereye abaturage babyo gufata urumogi mu buryo bwose nko kwiruhura no kwinezeza. <\/p>\n\n\n\n

Ibindi bitari byinshi byemera kurukoresha ku mpamvu z’ubuvuzi gusa.<\/p>\n\n\n\n

Mu Rwanda, urumogi rusanzwe ruri ku rutonde rw’ibiyobyabwenge bitemewe mu gihugu.Kubitwara, kubicuruza no kubikoresha bihanwa n’amategeko.<\/p>\n\n\n\n

Minisitiri w’ubuzima Dr Daniel Ngamije yavuze ko “ibyo bimera hari inganda zibikoramo imiti ivura abafite uburibwe bukabije n’abafite ibibazo byo mu mutwe”.<\/p>\n\n\n\n

Yagize ati: “\u2026Turashaka kugira uruhare kugira ngo ibigo by’ubushakashatsi n’ibigo bikora imiti nk’iyo tubihe ibyo bikeneye kugira ngo twinjize amafaranga\u2026”<\/p>\n\n\n\n

Mu mwaka ushize, isoko ry’urumogi ku isi, ryabarirwaga agaciro ka miliyari $150 kandi rishobora kugera kuri miliyari $272 mu 2028 nk’uko bivugwa na Barclays Bank.<\/p>\n\n\n\n

Dr Ngamije yabwiye televiziyo y’u Rwanda ko ikimera cya ‘cannabis’ (urumogi) “kigiye guhingwa mu buryo butekanye, n’abemerewe kubikora bagahabwa uruhushya”.<\/p>\n\n\n\n

Itegeko mu Rwanda riteganya igifungo gishobora kugera kuri burundu ku muntu “ukora, uhinga, uha undi, ugurisha” ibiyobyabwenge binyuranyije n’amategeko.<\/p>\n\n\n\n

Ufashwe abinywa, abirya cyangwa abihumeka, we amategeko amuhanisha gufungwa igihe kitarenze imyaka ibiri.<\/p>\n\n\n\n

Bwana Ngamije avuga ko iki cyemezo gishya cya leta, kitagomba guha icyuho ababikoresha bitemewe n’amategeko kandi ko abo amategeko azakomeza kubahana.<\/p>\n\n\n\n

Ikigo cya leta gishinzwe iterambere mu Rwanda, cyasohoye itangazo rivuga ko “u Rwanda ruzatangira kwakira abahatanira guhabwa uburenganzira muri iryo shoramari”.<\/p>\n\n\n\n

\"\"<\/figure>\n\n\n\n
\n