Umucamanza mu rukiko rw\u2019ibanze mu Rwanda yahamije Bwana Pierre Damien Habumuremyi icyaha cyo gutanga sheki zitazigamiye amuhanisha gufungwa imyaka itatu muri gereza no gutanga ihazabu ya miliyoni zisaga 890. Umucamanza yavuze ko uyu wigeze kuba Minisitiri w\u2019Intebe w\u2019u Rwanda yakoze icyo cyaha abizi.<\/p>\n\n\n\n
Mbere yo gusoma icyemezo ku rubanza ruregwamo Bwana Pierre Damien Habumuremyi umucamanza yatangiye yibutsa imiterere y\u2019ibirego byo gutanga sheki zitazigamiye n\u2019ubuhemu biregwa uyu mugabo wigeze kubaho minisitiri w\u2019intebe mu Rwanda. Bwana Habumuremyi yagaragaraga mu buryo bw\u2019ikoranabuhanga ari mu mpuzankano y\u2019iroza iranga abagororwa yicaye muri gereza ya Nyarugenge iri I Mageragere.<\/p>\n\n\n\n
Aregwa ko mu 2019 yatanze amasheki atazigamiye ku bantu batandukanye mu nyungu z\u2019ishuri rikuru Christian University of Rwanda yashinze akanarihagararira mu rwego rw\u2019amategeko.<\/p>\n\n\n\n
We n\u2019ubwunganizi baburana bavuga ko ibirego byose nta shingiro bifite kuko basanga nta byaha yakoze. Bavuga ko ibyakozwe byose hagati ya Habumuremyi n\u2019abamurega barimo Charles Nkurunziza bishingiye ku masezerano y\u2019ubwumvikane aho kuba uburiganya.<\/p>\n\n\n\n
Abo bamurega ko mu bihe bitandukanye yagiye abaha za sheki bagera ku mabanki bagasanga zitazigamiye. Uregwa n\u2019ubwunganizi bakavuga ko ibirego Bwana Habumuremyi yagombye kuba aburanishwa mu manza mbonezamubano aho kuba imanza z\u2019inshinjabyaha.<\/p>\n\n\n\n
Hari Sheki Habumuremyi aregwa ko yatanze ku giti cye n\u2019izatanzwe akazishyiraho imikono mu izina rya Kaminuza Christian University of Rwanda. Nk\u2019aho aregwa ko mu 2019 ku giti cye yahaye uwitwa Albert Musengimana Sheki ya miliyoni 75 ageze kuri banki abura amafaranga.<\/p>\n\n\n\n
Ubushinjacyaha buvuga ko mu mvugo ze abazwa n\u2019inzego zibishinzwe Habumuremyi yiyemereye ko izo sheki yazitanze zitazigamiye. Mu isesengura ry\u2019umucamanza avuga ko ibyo yakoze ari ibikorwa ubwabyo bibujijwe mu rwego rw\u2019amategeko.<\/p>\n\n\n\n
Ku kuba abamwunganira bavuga ko ikirego gishingiye ku masezerano y\u2019abamurega ubushinjacyaha bwo buvuga ko nta shingiro gifite kuko bidakuraho ko hari ibyaha byakozwe mu iyubahirizwa ry\u2019ayo masezerano. Ibi urukiko rukavuga ko nta shingiro biufite. Ubwunganizi bukavuga ko Habumuremyi atagombye kuba akurikiranwa kuko ibyo yakoze bitari ku giti cye. Mu isesengura ry\u2019urukiko ruvuga ko uburyozwacyaha bw\u2019ikigo cy\u2019ubucuruzi cyigenga gifite ubuzima gatozi budakuraho uburyozwacyaha bw\u2019abagihagarariye.<\/p>\n\n\n\n
Habumuremyi ngo yabajijwe inshuro enye mu nzego z\u2019ubugenzacyaha n\u2019ubushinjacyaha kandi ngo ibyo yasubizaga bigaragaza ko yasubizaga ku giti cye nk\u2019uko urukiko rubivuga. Rushingiye ku mategeko rwavuze ko rwavuze ko amasezerano Jean Bosco Ngabonziza yagiranye na Christian University yo kuyigemerira za mudasobwa 20 zifite agaciro ka miliyoni zisaga 12 agatanga ingwate ya miyoni 10 atayahaye Habumuremyi ku giti cye.<\/p>\n\n\n\n
Urukiko ruvuga ko ubushinjacyaha butagaragaza aho uregwa ahurira n\u2019ayo mafaranga n\u2019uburyo buvuga ko yayarigishije. Ruvuga kandi ko iri shuli ryavukijwe uburenganzira bwo gukorwaho iperereza ubwaryo . Ku cyaha cy\u2019ubuhemu urukiko rwanzuye ko kidahama Habumuremyi.<\/p>\n\n\n\n
Gusa ku cyaha cyo gutanga za sheki zitazigamiye ho urukiko ruvuga ko Habumuremyi yazishyizeho imikono; bityo ko bihagije ko byashingirwaho kuko uregwa atabasha kuzivuguruza. Abazwa ngo ntiyazihakanye kandi na za banki zemeje ko konti za Habumuremyi zitariho amafaranga. Urukiko rukavuga ko no kwiyemerera icyaha k\u2019uregwa kwashingirwaho. Ni mu gihe ubwunganizi buvuga ko nta mugambi yagize wo kugikora ariko mu isesengura ry\u2019urukiko rugasanga bitari ukuri.<\/p>\n\n\n\n
Ubushinjacyaha bwari bwasabiye uregwa gufungwa imyaka itanu no gucibwa ihazabu ya miliyoni zisaga 892 z\u2019amafaranga ku cyaha cyo gutanga sheik zitazigamiye.<\/p>\n\n\n\n
Ariko uregwa n\u2019ubwunganizi bwari bwatakambiye urukiko ko igihe yahamwa n\u2019ibyaha habaho kumusubikira ibihano maze akabona akajya kwivuza zimwe mu ndwara zikomeye zirimo n\u2019umutima. Urukiko rwisunze ingingo z\u2019amategeko n\u2019imvugo z\u2019abahanga zivuga ko gusubikirwa bireba umuntu uba atarakatiwe n\u2019inkiko igihano kirengeje amezi atandatu y\u2019igifungo.<\/p>\n\n\n\n
Gusa ruvuga ko n\u2019ubwo usaba gusubikirwa igihano yaba yujuje ibisabwa ntaho bitegeka umucamanza kumusubikira. Avuga ko byongeye Habumuremyi aburana ahakana ibyaha bigaragaza umugambi wo kubihunga bityo ko imyitwarire ye itamuha amahirwe yo kumusubikira igihano.<\/p>\n\n\n\n
Ku kirebana n\u2019ifatira ry\u2019imitungo itimukanwa ndetse na za konti za banki zari zarafunzwe ho urukiko rwarasesenguye maze rwanzura ko byakozwe mu buryo bunyuranyije n\u2019amategeko. Rwavuze ko ubushinjacyaha butagaragaza niba inkomoko y\u2019iyo mitungo hari isano ifitanye n\u2019ibyaha Habumuremyi aregwa. Yari yatakambiye urukiko ko gukomeza kumufatira imitungo ntaho bitaniye no \u201cKumuniga\u201d kuko haba kuri we n\u2019umuryango ngo byatangiye kubagiraho ingaruka.<\/p>\n\n\n\n
Urukiko mu cyemezo cyarwo rwahamije Bwana Habumuremyi icyaha cyo gutanga sheki zitazigamiye maze rutegeka ko ahanishwa imyaka itatu y\u2019igifungo. Rwamuciye kandi ihazabu ya miliyoni 892 nibihumbi 200 by\u2019amafaranga. Rwategetse ko agomba guha miliyoni imwe bwana Charles Nkurunziza nk\u2019indishyi z\u2019akababaro mu gihe abandi ngo batagaragaza uburyo ibyo yabakoreye byabangirije. Urukiko rwanategetse ko ifatira ry\u2019imitungo yose ya Habumuremyi rikurwaho kuko ngo ryakozwe binyuranyije n\u2019amategeko.<\/p>\n\n\n\n
Ako kanya Bwana Pierre Damien Habumuremyi ntiyahise ajuririra ibihano. Gusa bamwe mu bavandimwe bari mu rukiko bwabwiye Ijwi ry\u2019Amerika ko bagiye kuvugana n\u2019ubwunganizi bakazabona kujuririra ibihano. Isomwa ry\u2019urubanza rirangiye Bwana Habumuremyi yagaragaye ku ikoranabuhanga apeperera abavandimwe be bari mu rukiko.<\/p>\n\n\n\n
Uyu wigeze kubaho minisitiri w\u2019intebe w\u2019u Rwanda yafunzwe mu ntangiro z\u2019ukwezi kwa Karindwi uyu mwaka. Yatawe muri yombi yari akuriye urwego rw\u2019imidari impeta n\u2019ishimwe by\u2019igihugu . Mu bihe bye yakunze kugira imyanya ikomeye mu butegetsi bw\u2019u Rwanda aho yanabayeho minisitiri w\u2019uburezi.<\/p>\n","protected":false},"excerpt":{"rendered":"
Umucamanza mu rukiko rw\u2019ibanze mu Rwanda yahamije Bwana Pierre Damien Habumuremyi icyaha cyo gutanga sheki zitazigamiye amuhanisha gufungwa imyaka itatu muri gereza no gutanga ihazabu ya miliyoni zisaga 890. Umucamanza yavuze ko uyu wigeze kuba Minisitiri w\u2019Intebe w\u2019u Rwanda yakoze icyo cyaha abizi. Mbere yo gusoma icyemezo ku rubanza ruregwamo Bwana Pierre Damien Habumuremyi umucamanza […]<\/p>\n","protected":false},"author":2,"featured_media":8303,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[63],"tags":[],"class_list":["post-38538","post","type-post","status-publish","format-standard","has-post-thumbnail","hentry","category-ubutabera"],"yoast_head":"\n