Umunyapolitike utavuga rumwe n’ubutegetsi mu Rwanda Paul Rusesabagina yabwiye urukiko rwisumbuye rwa Nyarugenge gusesa icyemezo kimugumisha muri gereza mu gihe ategereje ko urubanza rwe rutangira kuburanishwa mu mizi.<\/p>\n\n\n\n
Rusesabagina avuga ko yagejejwe mu Rwanda ashimuswe akamara iminsi 4 yaraburiwe irengero. Avuga ko umucamanza wa mbere yirengagije uburyo bunyuranye n\u2019amategeko yafunzwemo agafata icyemezo cyongera igihe cyo kumufunga by\u2019agateganyo , bityo agasaba ko afungurwa by\u2019agateganyo. Ubushinjacyaha bwo ariko buvuga ko Rusesabagina yafatiwe ku butaka bw\u2019u Rwanda kandi ko yahageze ku bushake bwe .<\/p>\n\n\n\n
Mu rukiko rwisumbuye rwa Nyarugenge, Rusesabagina ari muri gereza ya Mageragere, umwunganizi we Gatera Gashabana ari mu rukiko ni bo bahawe ijambo mbere ngo basobanure impamvu y\u2019ubujurire bwe. Rusesabagina yahise asaba umwunganizi we Gashabana ngo abisobanurire urukiko.<\/p>\n\n\n\n
Gashabana yavuze ko basanze umucamanza wa mbere atarubahirije itegeko rigena inshingano ze, Gashabana yavuze ko mu gihe cy\u2019iperereza, basanze uburenganzira bwa Rusesabagina butarubahirijwe mu gihe cy\u2019ifatwa n\u2019ifungwa. Uyu munyamategeko yasobanuye uburyo umuntu ukekwaho ibyaha atumizwa burimo guhabwa urwandiko rumuhamagaza cyangwa rutegeka ko azanwa ku gahato. Yumvikanisha ko umukiliya we ubu buryo bwose bwirengagijwe ahubwo ko yakorewe icyo yise \u201cishimutwa\u201d bityo ko asanga uwo yunganira afunzwe mu buryo bunyuranye n\u2019amategeko.<\/p>\n\n\n\n
Bwana Gashabana yabwiye urukiko ko umukiliya we yagejejwe mu Rwanda ku ngufu ashimuswe ndetse akamara iminsi ine afungiye ahatazwi, nta muntu n\u2019umwe uzi amakuru ye. Yanasobanuriye urukiko ko ubushinjacyaha butabashije kugaragaza aho Rusesabagina yari ari muri ayo matariki yo kuva kuri 27 kugeza kuri 31 z\u2019ukwezi kwa munani ubwo yerekwaga abanyamakuru. Ikindi ngo ntiyigeze amenyeshwa icyo yafatiwe, n\u2019uburenganzira bwe bwo kunganirwa n\u2019ubwunganizi yihiteyemo ntibwubahirizwa.<\/p>\n\n\n\n
Anenga imyitwarire y’abakozi b\u2019ubugenzacyaha ndetse n\u2019ubushinjacyaha, umunyamategeko Gashabana yabwiye urukiko ko bashakishije ibimenyetso bishinja gusa kandi bafite n\u2019inshingano zo gushaka ibyashinjura ukurikiranyweho icyaha . Bwana Gashabana yanongeyeho ko Rusesabagina asanganywe uburwayi bukomeye bwatumaga akurikiranwa bihoraho n\u2019abaganga ariko ibi bikaba byaratangiye kumugora kuva aho afungiwe atabasha kubona abaganga yihitiyemo.<\/p>\n\n\n\n
Yanongeyeho ko muri ibi bihe bya Covid-19, ubuzima bwo muri gereza bugoranye, bityo ko urukiko rwafate icyemezo cyo kurekura uwo yunganira ku nyungu zo kubungabunga ubuzima bwe. Bwana Gashabana yasabye urukiko gushingira kuri ayo makosa yakozwe n\u2019ubushinajcyaha akarekura uwo yunganira,<\/p>\n\n\n\n
Yavuze ko ubwo aheruka kubonana nawe, yabonaga atameze neza, ku buryo Rusesabagina akwiye kurekurwa agakurikiranwa ari hanze, cyane ko no muri gereza harimo ikibazo cya Covid-19, kinatuma badashobora gusurwa.<\/p>\n\n\n\n
Rusesabagina ahawe umwanya ngo agire icyo yongera ku rubanza rwe, na we yashimangiye ko yashimuswe akagezwa mu Rwanda ahambiye amaguru n\u2019amaboko . Gusa ntiyavuze igihugu yafatiwemo ndetse n\u2019uburyo bwakoreshejwe ngo agezwe I Kigali.<\/p>\n\n\n\n
Yongeye kumvikanisha ko atari umunyarwanda. Yasobanuye ko ubwo yavaga mu Rwanda, yatanze ibyangombwa byose by\u2019ubunyarwanda, aba umuntu utagira ubwenegihugu, nyuma aza kwakirwa n\u2019Ububiligi bwamuhaye ubwenegihugu 1999. Yavuze ko ahubwo ari mu Rwanda mu buryo bunyuranyije n\u2019amategeko kuko we ari Umubiligi, ko yazanywe mu Rwanda ashimuswe kuko atigeze ahabwa urwandiko rumuhamagara mu Rwanda.<\/p>\n\n\n\n
Ubushinjacyaha buhawe umwanya ngo buvuge kubyavuzwe na Rusesabagina n\u2019umwunganizi we, bwashimangiye ko nta shimutwa ryakorewe Rusesabagina ko yizanye mu Rwanda. Agafungirwa ahantu hazwi kuri station ya polisi ya Remera.<\/p>\n\n\n\n
Ubushinjacyaha bwavuze ko ibyo umwunganizi wa Rusesabagina avuga ko yaje mu Rwanda tariki ya 27 z\u2019ukwezi kwa munani atari byo, ko ahubwo yaje tariki ya 28 agaahita afungirwa muri kasho ya polisi ya Remera.<\/p>\n\n\n\n
Ku bijyanye n\u2019 uko asabirwa gufungurwa ku mpamvu z\u2019uburwayi, umushinjacyaha yavuze ko nta shingiro iyo mpamvu ifite, ndetse ko ikibazo cy\u2019uburwayi bwa Rusesabagina cyafashweho icyemezo mu rukiko rw\u2019ibanze rwa Kicukiro no mu rwisumbuye mu bujurire, ku buryo cyaguma uko kiri, agakomeza gufungwa. Yashimangiye ko Rusesabagina ameze neza muri gereza kuko yitabwaho. Yatanze urugero ko yamaze amasaha abiri ahagaze ko ari ikimenyetso simusiga ko nta kibazo kidasanzwe afite.<\/p>\n\n\n\n
Umushinjacyaha yagaragaje ko Rusesabagina yatawe muri yombi ku mpapuro mpuzamahanga zo guta muri yombi ukekwaho icyaha, zoherejwe mu Bubiligi, ndetse ngo yanabajijwe n\u2019inzego z\u2019ubutabera muri icyo gihugu anasakwa iwe mu rugo mu Bubiligi.<\/p>\n\n\n\n
Ubushinjacyaha busubiza ku byavuzwe na Rusesabagina ko atari Umunyarwanda, bwavuze ko nta kimenyetso na kimwe yigeze agaragaza cyerekana ko atari Umunyarwanda, bityo gukomeza kubyitwaza ntacyo byamufasha.<\/p>\n\n\n\n
Bwashimangiye ko ahubwo urukiko rudakwiye kwakira ubujurire bwa Rusesabagina kuko bwatanzwe igihe giteganywa n\u2019amategeko cyararenze.<\/p>\n\n\n\n
Bwongeyeho ko ariko igihe ubujurire bwaba bwakiriwe, urukiko rukwiye kwemeza ko Rusesabagina akomeza gufungwa urubanza rugatangira kuburanishwa mu mizi, kuko ku wa 16 z\u2019uku kwezi, aribwo bwaregeye urukiko rukuru, mu rugereko ruburanisha ibyaha mpuzamahanga n\u2019ibyaha ndengamipaka.<\/p>\n\n\n\n
Umucamanza amaze kumva impande zombi, yemeje ko umwanzuro w\u2019urukiko uzasomwa ku itariki ya kabiri z\u2019ukwezi gutaha kwa 12 saa munani.<\/p>\n\n\n\n
Bwana Paul Rusesabagina umwe mu batavuga rumwe n\u2019ubutegetsi bw\u2019u Rwanda, akurikiranweho ibyaha 13 birimo n\u2019ibyaha by\u2019ubugome.<\/p>\n","protected":false},"excerpt":{"rendered":"
Umunyapolitike utavuga rumwe n’ubutegetsi mu Rwanda Paul Rusesabagina yabwiye urukiko rwisumbuye rwa Nyarugenge gusesa icyemezo kimugumisha muri gereza mu gihe ategereje ko urubanza rwe rutangira kuburanishwa mu mizi. Rusesabagina avuga ko yagejejwe mu Rwanda ashimuswe akamara iminsi 4 yaraburiwe irengero. Avuga ko umucamanza wa mbere yirengagije uburyo bunyuranye n\u2019amategeko yafunzwemo agafata icyemezo cyongera igihe cyo […]<\/p>\n","protected":false},"author":2,"featured_media":38020,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[63],"tags":[],"class_list":["post-38540","post","type-post","status-publish","format-standard","has-post-thumbnail","hentry","category-ubutabera"],"yoast_head":"\n