Kuri uyu munsi tariki ya 22 Nyakanga 2013 urukiko rw\u2019ikirenga rwakomeje kumva ibisobanuro by\u2019ubushinjacyaha ku myanzuro y\u2019ubujurire yatanzwe n\u2019abanyamategeko Me. Ian Edward na Gatera Gashabana bunganira umuyobozi mukuru w\u2019ishyaka FDU-Inkingi, Mme Victoire Ingabire Umuhoza, ufunzwe\u00a0 ku mpamvu za politiki na leta\u00a0 ya Generali Pahuro Kagame.<\/p>\n
Me. Ian Edward akaba yasobanuriye urukiko ko uwo yunganira akurikiranwe hirengagijwe ibiteganwa n\u2019ingingo ya 19 y\u2019amasezerano mpuzamahanga ajyanye n\u2019uburenganzira bwa muntu ndetse n\u2019ingingo ya 33 y\u2019Itegekonshinga ry\u2019uRwanda ku ngingo ijyanye no kuvuga icyo umuntu atekereza. Nk\u2019uko abunganira Mme Ingabire babisobanura, kuba Mme Ingabire yaramaganye ibijyanye na Genocide yakorewe abatutsi\u00a0 ariko akanasaba ko n\u2019abakoze ibyaha by\u2019intambara n\u2019ibyaha byibasiye inyokomuntu byakozwe na bamwe mu ngabo za FPR Inkotanyi\u00a0 cyane cyane bikibasira ubwoko bw\u2019abahutu nabyo babikurikiranwaho ndetse n\u2019imiryango y\u2019abazize ubwo bwicanyi bagahabwa uburenganzira bwo kwibuka no kuririrra ababo babiguyemo, ntibikwiye kwitwa gupfobya genocide yakorewe abatutsi nk\u2019uko ubushinjacyaha bubihamya. Ubushinjacyaha bwo buvuga ko kuba Mme Ingabire yaravugiye iyi mvugo ku rwibutso rwa genocide yakorewe abatutsi ndetse ngo akanatunga agatoki bamwe mu basirikare ba FPR-Inkotanyi ibi ngo bisobanuye ko yashakaga kuvuga ko habaye genocide ibyiri.<\/p>\n
Abunganira Mme Ingabire kandi basobanuriye urukiko\u00a0 uburyo uwo bunganira urukiko rukuru rwabuze itegeko rukoresha ngo rumuhamye icyaha cyo gupfobya genocide rukifashisha inyandiko y\u2019uwitwa Yves Ternon iterekana n\u2019igihe yakorewe rwakuye ku rubunga rwa Wikpedia kandi nyamara ntaho nibura urukiko rugaragaza ko uriya Yve Ternon ari impuguke mu by\u2019amategeko.<\/p>\n
Ikindi abunganira Mme Ingabirebaribanenze mu bujurire bwabo ni uburyo amategeko akoreshwa mu gushinja ibijyanye n\u2019icyaha cy\u2019ingengabitekerezo ya genocide ndetse no kuyipfobya avangavanze kandi adasobanutse. Ubushinjacyaha ariko bwo buvuga ko asobanutse ahubwo bukavuga ko impamvu abunganira Mme Ingabire batayumva ngo biterwa n\u2019uko batazi ururimi rw\u2019 ikinyarwanda. Ikibazo cy\u2019ingingo ziri muri iri tegeko zuzuye urujijo zinavangavanze Mme Ingabire n\u2019abamwunganira bakaba baranakigejeje mu rukiko rw\u2019ikirenga ariko rukagitera utwatsi narwo ruvuga ko zisobanutse nyamara nyuma yaho gato minisitiri w\u2019ubutabera akaba yarahise ashyikiriza Inteko inshinga amategeko umushinga wo guhindura iri tegeko nawe yemeza ko ridasobanutse ko ndetse ritujuje ibipimo mpuzamahanga maze inteko ishinga amategeko nayo ikaba yaremeje ko ridasobanutse ubu rikaba ririmo kuvugururwa. Ibi ariko ntibibujije ko n\u2019ubu iri tegeko ridasobanutse ryuzuye urujijo ririmo gukoreshwa mu gufunga inzirakarengane nyinshi\u00a0!<\/p>\n
Urubanza ruzakomeza ku munsi w\u2019ejo ubushinjacyaha busoza ijambo ndetse hakaba hateganyijwe ko abareganwa na Mme Ingabire aribo Cpt Karuta Jean Marie Vianney, Major Uwumuremyi Vital, Lt Colonnel Habiyaremye Noel na Lt Colonnel Nditurende Tharcisse nabo bahabwa ijambo ryo gusoza . Mu gihe aba bazarangiza hakazaba hatahiwe Mme Victoire Ingabire Umuhoza n\u2019abamwunganira nabo basoza.<\/p>\n
Mu iburanisha ry\u2019uyu munsi Mme Ingabire yanasabye urukiko ko rwakora uko rushoboye rukareba ukuntu rwakongera iminsi yo kuburanisha ku buryo uru rubanza rwarangirana n\u2019uku kwezi kwa Nyakanga ku mpamvu z\u2019uko mu kwezi kwa Kanama kwose hateganyijwe ikiruhuko rusange cy\u2019abacamanza.\u00a0 Abacamanza basa n\u2019abashyigikiye iki cyifuzo kuko bavuze ko bagiye kureba uko babigenza ngo kuko nabo bifuza ko bajya mu kiruhuko uru rubanza rwapfundikiwe mu rwego rw\u2019iburanisha.<\/p>\n
FDU-Inkingi<\/p>\n
Boniface Twagirimana<\/p>\n
Visi Perezida w\u2019agateganyo<\/p>\n