{"id":38978,"date":"2021-01-06T13:51:40","date_gmt":"2021-01-06T11:51:40","guid":{"rendered":"http:\/\/www.therwandan.com\/ki\/?p=38978"},"modified":"2021-01-06T14:37:10","modified_gmt":"2021-01-06T12:37:10","slug":"leta-yu-rwanda-yafashe-icyemezo-cya-guma-mu-karere-cyateje-ingaruka-nyinshi","status":"publish","type":"post","link":"https:\/\/www.therwandan.com\/ki\/leta-yu-rwanda-yafashe-icyemezo-cya-guma-mu-karere-cyateje-ingaruka-nyinshi\/","title":{"rendered":"Leta y’u Rwanda yafashe icyemezo cya guma mu karere cyateje ingaruka nyinshi"},"content":{"rendered":"\n

Mu ngamba yaraye ifashe, inama y\u2019abaminisitiri yemeza ko ahanini yazishingiye ku bwiyongere bw\u2019abandura icyorezo COVID-19 bukomeje kwiyongera<\/p>\n\n\n\n

Guverinoma y\u2019u Rwanda yongeye gufata izindi ngamba nshya zo kwirinda no gukumira ikwirakwira ry\u2019icyorezo COVID-19. Muri izo ngamba harimo ko isaba buri wese kutarenga akarere abarizwamo ajya mu kandi.<\/p>\n\n\n\n

Ingendo hagati y\u2019uturere n’umujyi wa Kigali na zo zirabujijwe. Ibi yabishingiye ku muvuduko icyorezo kiriho muri ibi bihe. Gusa kuri ba ntaho nikora bari batunzwe n\u2019abavaga mu ntara baza i Kigali bo barasanga ibintu biza kurushaho kuba bibi. <\/p>\n\n\n\n

Nyuma y\u2019umunsi umwe i guverinoma y\u2019u Rwanda ifashe izindi ngamba nshya zoi kwirinda ubwandu n\u2019ikwirakwizwa ry\u2019icyorezo COVID-19, i Nyabugogo mu kigo mpuzamahanga abagenzi bategeramo imodoka biraboneka ko urujya n\u2019uruza rw\u2019abantu n\u2019ibinyabiziga rwagabanutse ugereranyije n\u2019ibindi bihe.<\/p>\n\n\n\n

Mu ngamba yaraye ifashe, inama y\u2019abaminisitiri yemeza ko ahanini yazishingiye ku bwiyongere bw\u2019abandura icyorezo COVID-19 bukomeje kwiyongera. Guverinoma iravuga ko icya kabiri cy\u2019abamaze guhitanwa na COVID-19 bapfuye mu kwezi kumwe kwa 12 k\u2019umwaka urangiye wa 2020. Igasanga abantu bagabanya ku buryo bushoboka impamvu zituma bahura kandi bagakora ingendo mu gihe bikenewe gusa.<\/p>\n\n\n\n

Ni muri urwo rwego guverinoma yahagaritse ingendo hagati y\u2019uturere dutandukanye tw\u2019igihugu no hagati y\u2019uturere n\u2019umujyi wa Kigali. Umwihariko washyizwe ku bakora ingendo ku mpamvu za services z\u2019ubuzima cyangwa izindi services z\u2019ingenzi. Ku modoka zitwara ibicuruzwa zemewe mu turere twose ariko na bwo ntizitware abantu barenze babiri.<\/p>\n\n\n\n

Iyi ngamba abavuganye n\u2019ijwi ry\u2019Amerika bo mu mujyi wa Kigali cyane ba ntaho nikora bagasanga biraza kubagora ku mibereho. Benshi ni abari batunzwe no kwikorera no gupakira imizigo y\u2019abagenzi babaga bakuye mu turere.<\/p>\n\n\n\n

Uganiriye nabo bazirikana bidasubirwaho ingaruka z\u2019icyorezo COVID-19 gikomeje kwivugana ubuzima bw\u2019abatuye isi.<\/p>\n\n\n\n

Ubusanzwe mu kigo cya Nyabugogo abagenzi bahuriraga berekeza mu mpande zitandukanye hari amarembo atandukanye kuwashakaga kwinjira cyangwa gusohoka.<\/p>\n\n\n\n

Kuri uyu wa Kabiri mu kwinjiramo hakoreshwaga irembo rimwe gusa ari na ho abagenzi bakarabiraga ibiganza. Aha kubera uburebure bw\u2019umurongo w\u2019abashakaga gukaraba hari abahise bihangira imirimo bakagura umuti wo gukaraba mu ntoki. Uwakarabaga akoresheje uwo muti atarinze gutonda umurongo yishyuraga igiceri cy\u2019ijana mu mafaranga y\u2019amanyarwanda.<\/p>\n\n\n\n

Indi ngamba yafashwe irareba ibikorwa byose by\u2019abikorera birimo iby\u2019ubucuruzi, resitora, butiki , amasoko n\u2019amaduka bigomba kujya bifunga saa kumi n\u2019ebyiri za nimugoroba. Ni ingamba abacuruzi bemereye Ijwi ry\u2019Amerika ko byanze bikunze izatuma bahomba .<\/p>\n\n\n\n

Ibyo aba bacuruzi bavuga bigashimangirwa n\u2019impuguke mu by\u2019ubukungu Bwana Canisius Bihira uherutse kubwira ijwi ry\u2019Amerika ko igihe habayeho kugabanya amasaha y\u2019akazi byanze bikunze ubukungu bw\u2019igihugu busubira inyuma.<\/p>\n\n\n\n

Mu gihembwe cya Kabiri ubukungu bw\u2019u Rwanda bwari bwagabanutse ku mpuzandengo ya 12.4% mu mwaka wa 2020 kubera COVID-19.<\/p>\n\n\n\n

Izi ngamba n\u2019izindi zashyizweho inama y\u2019abaminisitiri yatangaje ko zigomba gutangira kubahirizwa kuva none tariki eshanu z\u2019ukwa mbere kandi zikazamara iminsi 15. <\/p>\n\n\n\n

Yibukije abaturarwanda bose ko bagomba gukomeza kubahiriza amabwiriza yo kwirinda COVID-19 harimo: gusiga intera hagati y\u2019umuntu n\u2019undi, kwambara agapfukamunwa neza no gukaraba intoki, ivuga ko abatazabyubahiriza bazafatirwa ibihano n\u2019inzego zibishinzwe.<\/p>\n\n\n\n

Imibare iheruka ya minisiteri y\u2019ubuzima mu Rwanda igaragaza ko iki cyorezo kimaze guhitana abantu 105 barimo bane bashya batangajwe kuwa Mbere w\u2019iki cyumweru. Abamaze kwandura baragera ku bihumbi 8850, abakize na bo barasaga 6800 . Ni mu gihe abakirwaye na bo bari hejuru ya 1900.<\/p>\n\n\n\n