Uyu munsi tariki ya 24 Nyakanga 2013 ubwo abayoboke b\u2019ishyaka FDU-Inkingi ndetse na bagenzi babo bo muri PS Imberakuri bari biteguye kumva isomwa ry\u2019urubanza rwari rwaraburanishijwe mu mizi tarikiya 13 Kamena 2013 batunguwe no gutegereza isomwa ryuru rubanza mu ruhame baraheba bigeze mu ma saa kumi z\u2019umugoroba bajya mu bwanditsi bwurwo rukiko bahabwa icyemezo cyuko uru rukiko rwavuze ko rudafite ububasha bwo kuburanisha uru rubanza ko ruzarwohereza mu rukiko rw\u2019ibanze rwa Nyarugunga narwo ruri mu karere ka Gasabo umujyi wa Kigali.<\/p>\n
Uru rubanza rukaba rwaragombaga kuba rwarasomwe tariki ya 19 Nyakanga 2013 ariko nabwo ntirwasomwa ku mpamvu zagizwe ibanga .Ubushinjacyaha bwa leta ya Kigali burega Bwana Sibomana Sylvain ;umunyamabanga mukuru w\u2019ishyaka FDU-Inkingi na Bwana Shyirambere Dominique umuyobozi w\u2019ishyaka PS Imberakuri mu karere ka Kicukiro icyaha cyo gukoza isoni abashinzwe umurimo rusange w\u2019igihugu, n\u2019icyaha cyo kwigaragambya mu buryo bunyuranyije n\u2019amategeko. Aba kandi bakaba baratawe muri yombi tariki ya 25 Werugwe 2013 ubwo bari bitabiriye urubanza rw\u2019ubujurire rwa Mme Ingabire Umuhoza umuyobozi mukuru w\u2019ishyaka FDU-Inkingi mu rukuko rw\u2019ikirenga. Icyo gihe bakaba barahohotewe ndetse bakicwa urubozo n\u2019abapolisi bigaragara ko bari babigambiriye hagamijwe gutera ubwoba abarwanashyaka ndetse n\u2019abanyarwanda muri rusange kutegera ahantu haburanira umuntu utavugarumwe na leta ya FPR-Inkotanyi.<\/p>\n
Abatavugarumwe na leta ya Kigali noneho bafatiwe ingamba shya zo guteragiranwa mu nkiko n\u2019abacamanza umwe abasunikira mugenzi we mu rwego rwo kubaheza mu buroko.<\/p>\n
Bimaze kugaragara ko ubutegetsi bwa Kigali bwahinduye amayeri yo guhangana n\u2019ababurwanya hagamijwe kubaheza mu buroko igihe kinini gishoboka kubera impamvu zuko bigera mu rubanza abashinjacyaha bakabura ibimenyetso babwira umucanza byerekana imikorere y\u2019icyaha. Ibi ariko birongera bikaba ihurizo rikomeye ku bacamanza kuko nabo batagira ubutwari bwo guhagarara ku maguru yabo ngo batangaze ko uregwa ari umwere ahubwo nabo bagahitamo kwikuraho urubanza bakarusunikira undi bitwaje ko ngo urukiko rudafite ububasha nyamara mu iburanisha mu mizi baba bararuciye bakarumira.<\/p>\n
Iyi gahunda yo guheza mu gihirahiro abatavugarumwe na leta ya FPR-Inkotanyi babateragirana mu nkiko ubu yugarije n\u2019undi muyoboke w\u2019ishyaka PS Imberakuri akaba n\u2019umuyobozi w\u2019ishyaka mu karere ka Nyarugenge Bwana Eric Nshimyumuremyi warashwe n\u2019abapolisi ku manywa y\u2019ihangu tariki ya 15 \/09\/2011 ubwo nawe yari avuye mu rubanza rwa Ingabire ubwo yaburanaga mu rukiko rukuru rwa Kigali hagamijwe kumuhitana ariko Imana igakinga akaboko ubwo nawe agahita ahimbirwa icyaha ngo cyo gutunga intwaro no kurwanya abarinzi b\u2019amahoro. Icyi kirego cyaburaniwe mu rukiko rwisumbuye rwa Nyamirambo ariko bigora ubushinjacyaha kumubonera ibimenyetso bimuhamya icyaha. Urubanza urubanza rwaburanwe mu mizi ndetse batanga n\u2019igihe cyo gusomerwa rukajya rusubikwa nyuma umucamanza nyiyerura ngo amurekure ahubwo nawe avuga ko urukiko rudafite ububasha bwo kuruburanisha,maze rutegeka ko ajya kubururanishwa n\u2019urukiko rukuru rwa Kigali narwo rwaje kuvuga ko rudafite ububasha bwo kuburanisha urwo rubanza ubu Bwana Eric Nshimyumuremyi akaba ari mu gihirahiro ari nako aborera muri gereza nkuru ya Kigali doreko niryo sasu yarashwe ryamuhezemo ubu akaba ahora atakamba ngo avuzwe ariko bikirengagizwa kuburyo ubwo twamusuraga tariki ya 19 Nyakanga 2013 yavugaga ko ubuzima bwe buri kugenda bujya mu mazi abira.<\/p>\n
Ishyaka FDU-Inkingi ntirizahwema gukomeza gusaba no kwibutsa leta ya FPR Inkotanyi kudashakira umuti w\u2019ibibazo byugarije abanyarwanda mu kubafunga,kubabuza kuvuga, cyangwa kwirirwa basiragizwa mu nkiko,ibibazo byugarije abanyarwanda ndetse bimaze no kototera akarere kose k\u2019ibiyaga bigari bizakemurwa no kwicara bikaganirwaho maze bikabonerwa umuti urambye,gusa birababaje kubona ubutegetsi bwa FPR iyi nzira butayikozwa ahubwo bugahitamo inzira zikomeza gushyira igihugu n\u2019abanyarwanda mu kato hirya no hino.<\/p>\n