Kuwa 21 Ukuboza 2020 , Umukuru w\u2019Igihugu yagejeje ijambo ku Banyarwanda yerekana uko igihugu gihagaze.Muri iryo jambo yemeje ko u Rwanda rwohereje ingabo zarwo mu gihugu cya Repubulika y\u2019Afrika yo Hagati mu rwego rwo kubungabunga umutekano. <\/p>\n\n\n\n
Impamvu zikomeye zagarutsweho n\u2019Umukuru w\u2019igihugu mu gufata icyemezo cyo kohereza ingabo z\u2019u Rwanda ni uko icyo gihugu cyari kirimo kwitegura amatora ya Prezida wa Repubulika mu gihe inyeshyamba zirwanya ubutegetsi zari ziyemeje kuyaburizamo.<\/p>\n\n\n\n
Ishyaka PS Imberakuri riributsa ko ingabo z\u2019u Rwanda ziri mu gihugu cya Repubulika y\u2019Afrika yo Hagati kuva cyera nk\u2019ingabo ziri mu butumwa bwa ONU mu rwego rwo kubungangabunga umutekano wabaye agatereranzamba kuva Prezida Francois BOZIZE yahirikwa ku butegetsi.<\/p>\n\n\n\n
Abanyarwanda ndetse n\u2019amahanga baje gutungurwa no kumva Umukuru w\u2019igihugu ahamiriza u Rwanda ndetse n\u2019isi ko ingabo z\u2019umugereka Leta y\u2019u Rwanda yohereje muri iyi minsi muri icyo gihugu bishingiye ku masezerano y\u2019inyabubiri yo gutabarana yabaye hagati y\u2019ibihugu byombi.<\/p>\n\n\n\n
Ishyaka PS Imberakuri rirasanga ayo masezerano y\u2019inyabubiri yo gutabarana Leta y\u2019u Rwanda yagiranye n\u2019igihugu cya Repubulika y\u2019Afrika yo Hagati atarakozwe mu nyungu z\u2019Abanyarwanda ahubwo, niba koko anariho, yarakozwe bishingiye gusa ku nyungu za politiki mpuzamahanga aho u Rwanda rushaka kwiyerekana nk\u2019igihugu cy\u2019igihangange gifite ubushobozi bwa gisirikare bwo gutabara aho rukomeye muri Afrika.<\/p>\n\n\n\n
Ishyaka PS Imberakuri ritabiciye ku ruhande, rirasanga kohereza ziriya ngabo muri kiriya gihugu byafatwa nk\u2019aho Leta y\u2019u Rwanda yigerezaho kuko ishaka kwiha igihagararo kirenze ubushobozi ifite muri politiki mpuzamahanga dore ko n\u2019ibintu bitangiye gukomera kuko amakuru atandukanye yerekana neza ko ingabo z\u2019u Rwanda zatangiye kugirira akaga muri kiriya gihugu.<\/p>\n\n\n\n
Ishyaka PS Imberakuri rirasaba Inteko Ishinga Amategeko y\u2019u Rwanda gushyira mu gaciro aho gukomeza kuruca ikarumira,igatumiza Ministre w\u2019Ingabo kugira ngo asobanurire Abanyarwanda iby\u2019amasezerano y\u2019inyabubiri Leta y\u2019u Rwanda yagiranye na Repubulika y\u2019Afrika yo Hagati yabaye nka ya mpamvu ingana ururo yatumye ingabo z\u2019u Rwanda zoherezwa hutihuti muri kiriya gihugu none ubuzima bw\u2019 abana b\u2019u Rwanda bukaba buri mu kaga.<\/p>\n\n\n\n
Ibyo ari byo byose,Ishyaka PS Imberakuri rirasanga Leta y\u2019u Rwanda igomba gukura ingabo yohereje muri kiriya gihugu mu rwego rw\u2019amasezerano y\u2019inyabubiri yabaye hagati y\u2019ibihugu byombi kuko Abanyarwanda ntabwo babyariye kumenera amaraso igihugu kitari icyabo n\u2019ibiri amambu biragaragara ko ingabo z\u2019u Rwanda zoherejwe mu buryo bunyuranyije n\u2019imigenzo myiza iteganywa n\u2019Umuryango w\u2019Ubumwe bw\u2019Afurika mu rwego rwo gukemura ibibazo by\u2019umutekano dore ko hari n\u2019ibihugu byo mu Karere Repubulika y\u2019Afrika yo Hagati iherereyemo byamaganye ingabo z\u2019u Rwanda rugikubita.<\/p>\n\n\n\n
Koko rero, mu rwego rwo gukemura ibibazo by\u2019umutekano byavutse mu gihugu iki n\u2019iki cyangwa mu Karere aka n\u2019aka ko muri Afrika,Umuryango w\u2019Ubumwe bw\u2019Afurika uteganya ko ibi bibazo bibanza bigakemurwa biciye mu nzira yumvikanyweho n\u2019ibihugu bigize Akarere igihugu gifite ibibazo giherereyemo.Ku bireba igihugu cya Repubulika y\u2019Afurika yo Hagati, ni Umuryango wa CEAC wagombaga kwiyambazwa ku ikubitiro. Kuba u Rwanda rwarohereje ingabo bidasabwe nibura n\u2019uriya Muryango byafashwe nko kwihuruza ibi bikaba byitwa muri diplomasi kwivanga. Ibi byose bituma ingabo z\u2019u Rwanda ziri muri kiriya gihugu zishobora kwibasirwa n\u2019abenegihugu bacyo cyangwa n\u2019izindi ngabo zikomoka mu bihugu byo muri kariya Karere kuko zifatwa nk\u2019abacanshuro bakorera bimwe mu bihugu by\u2019ibihangage birwanira igihagararo mu rwego rwa politiki mpuzamahanga.<\/p>\n\n\n\n
Bikorewe i Kigali,kuwa 14 Mutarama 2021<\/strong><\/p>\n\n\n\n Me NTAGANDA Bernard<\/strong><\/p>\n\n\n\n Prezida Fondateri wa PS Imberakuri (S\u00e9)<\/strong><\/p>\n\n\n\n