Mu gihe Perezida wa Leta Zunze Ubumwe za Amerika watowe, Joe Biden, agiye kurahirira kuyobora iki gihugu cy\u2019igihangage mu myaka ine iri imbere, umwarimu w\u2019Umunyamerika wigisha iby\u2019imitekerereze \u201cpsychologie\u201d muri Kaminuza ya Yeshiva, Carl Auerbach, yagaragaje ko Joe Biden akwiye kwigira ku Rwanda kugira ngo yongere yunge Abanyamerika.<\/p>\n\n\n\n
Mu nyandiko yanyujije mu kinyamakuru cya \u201cNew York Daily News\u201d, Carl Auerbach, yagaragaje ko Amerika isa n\u2019iyacitsemo ibice byanagaragajwe n\u2019ibiherutse kuba ubwo abashyigikiye Donald Trump batezaga akaduruvayo ku Ngoro y\u2019Inteko Ishinga Amategeko ku munsi wo gutangaza Joe Biden nk\u2019uwatsinze amatora bidasubirwaho.<\/p>\n\n\n\n
Auerbarch yavuze ko mu rwego rwo kugira ngo Amerika ikomeze kuba igihugu kimwe gihuje, hakenewe ko perezida Joe Biden afatira urugero ku buryo u Rwanda rwahanganye n\u2019ingaruka zatewe na Jenoside Yakorewe Abatutsi, abantu bakongera kubana amahoro n\u2019igihugu kikiyubaka.<\/p>\n\n\n\n
Yagize ati \u201cNubwo amakimbirane yatewe na Jenoside akomeye cyane kurusha ibyo Amerika iri guhura nabyo uyu munsi, ndizera ko ibyavuye mu bushakashatsi bwacu [nakoreye muri Kaminuza Nkuru y\u2019u Rwanda], byafasha perezida watowe Joe Biden gushyiraho gahunda zafasha mu gutuma igihugu cyacu gikira burundu.\u201d<\/p>\n\n\n\n
Ubu bushakashatsi bwa Auerbarch ngo bwibanze ku kureba urugendo rwo kwiyubaka nyuma y\u2019amakimbirane yagejeje kuri Jenoside Yakorewe Abatutsi mu Rwanda, ni amakimbirane yakongejwe n\u2019abakoloni b\u2019Ababiligi, bacamo ibice Abanyarwanda biza kugeza kuri Jenoside Yakorewe Abatutsi.<\/p>\n\n\n\n
Uru rwango rwabibwe kuva kera ngo rwagiye rukura, ndetse rutuma hagaragara n\u2019urwikekwe hagati y\u2019Abahutu n\u2019Abatutsi. Auerbarch yavuze ko ibyabaye bidatandukanye cyane n\u2019amakimbirane atandukanye agaragara muri Amerika bivuye ku bintu bitandukanye.<\/p>\n\n\n\n
Ati \u201cNatwe twahuye n\u2019umutekano muke, ubwoba butewe n\u2019ihungabana ry\u2019ubukungu, amakimbirane ashingiye ku muco n\u2019ashingiye ku ruhu, ndetse n\u2019ibiheruka byabereye kuri Capitol. Buri ruhande haba Aba-Democrates n\u2019Aba-Rpublicains bose biyemeje kurinda ababashyigikiye, uruhande rumwe rwatangaje ko ruzisubiza igihugu rwambuwe n\u2019urundi ruhande, ngo rwabibye umwanya wa perezida.\u201d<\/p>\n\n\n\n
Carl Auerbach yavuze ko ubu buhezanguni bushobora gucamo ibice igihugu cyose, gusa ngo icyizere nicyo gishobora gukiza igihugu, nk\u2019uko no mu Rwanda byagenze.<\/p>\n\n\n\n
Ati \u201cUbwo perezida Kagame yashyiragaho gahunda zigamije kugira u Rwanda igihugu gifite ubukungu buteye imbere, binyuze mu guteza imbere abikorera n\u2019ubukungu bushingiye ku bumenyi, yabikoze ku bw\u2019ineza y\u2019Abanyarwanda bose, aho kuba inyungu ze bwitse cyangwa inyungu z\u2019uruhande runaka rw\u2019abantu.\u201d<\/p>\n\n\n\n
Yongeyeho ati \u201cMuri iki gihe ubwoba bwasimbuwe n\u2019icyizere, ubu Abanyarwanda bibona mbere na mbere nk\u2019Abanyarwanda aho kwibona nk\u2019Abahutu cyangwa Abatutsi, ibyo byatumye igihugu kigira umutuzo n\u2019umutekano, ikiruta byose hari ubumwe mu baturarwanda bose.\u201d<\/p>\n\n\n\n
Yavuze ko perezida Joe Biden na we akwiye kwigira kuri urwo rugero agategura ibikorwa bigamije guhuza abantu batemera bimwe muri politike, akabahuriza hamwe bose bagakorera hamwe ku bw\u2019ineza y\u2019igihugu, bagasiga inyuma ibibatandukanya.<\/p>\n\n\n\n
Yagize ati \u201cDufite gahunda zisanzweho nka Job Corps, AmeriCorps, ndetse n\u2019igisirikare. Biden ashobora gukoresha iminsi ye 100 ya mbere nka perezida mu kubyongera. Ubwo Abanyamerika bazaba bakorera hamwe mu gukora ibntu bituzanira inyungu twese, bazongera kwiyumvamo umuco wo kuba Abanyamerika bahuje, uyu muco uzatuma haba umutuzo n\u2019amahoro.\u201d<\/p>\n\n\n\n
Auerbach yavuze ko igihugu nka Amerika cyuzuyemo abantu benshi badahuje, bafite ibyiyumviro by\u2019ivangura n\u2019amacakubiri ndetse n\u2019itangazamakuru rikarushaho gusigiriza gucikamo ibyo bice, abatekereza ko bigoranye ko cyakongera guhuriza hamwe abantu bakagira intego imwe, bakwiye gufatira urugero ku Rwanda aho ibibatanya babirenze.<\/p>\n\n\n\n
Source: Igihe.com<\/p>\n\n\n\n
Mu gihe Perezida wa Leta Zunze Ubumwe za Amerika watowe, Joe Biden, agiye kurahirira kuyobora iki gihugu cy\u2019igihangage mu myaka ine iri imbere, umwarimu w\u2019Umunyamerika wigisha iby\u2019imitekerereze \u201cpsychologie\u201d muri Kaminuza ya Yeshiva, Carl Auerbach, yagaragaje ko Joe Biden akwiye kwigira ku Rwanda kugira ngo yongere yunge Abanyamerika. Mu nyandiko yanyujije mu kinyamakuru cya \u201cNew York […]<\/p>\n","protected":false},"author":1,"featured_media":39135,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[47],"tags":[],"class_list":["post-39132","post","type-post","status-publish","format-standard","has-post-thumbnail","hentry","category-abanyapolitiki"],"yoast_head":"\n