Umusizi Bahati Innocent wamenyekanye nka Rubebe kubera umuvugo yahanze ukaba ikimenyabose akanawitirirwa, biravugwa ko yaburiwe irengero.<\/p>\n\n\n\n
Inshuti za hafi z\u2019uyu musizi zibinyujije ku mbuga nkoranyambaga zatangiye gushakisha uyu musizi.<\/p>\n\n\n\n
Mu butumwa bari gukoresha bamushakisha, bigaragara ko uyu musore yabuze ku Cyumweru tariki 7 Gashyantare 2021 saa moya z\u2019umugoroba, aho yari aherereye i Nyanza mu Ntara y\u2019Amajyepfo, kuva uwo munsi telefone ye yavuyeho ntiyongera kuboneka.<\/p>\n\n\n\n
Umwe mu nshuti ze za hafi yavuze ko bamaze kwiyambaza Urwego rw\u2019Igihugu rw\u2019Ubugenzacyaha (RIB) rukorera mu Karere ka Nyanza, ndetse babijeje ko bazabafasha kumushakisha.<\/p>\n\n\n\n
Umuvugizi wa RIB, Dr. Murangira B. Thierry yabwiye IGIHE ko uyu musore atatawe muri yombi na RIB nk\u2019uko hari ababivuga. Ati \u201cNtawe dufite. RIB iyo hari uwo ikurikiranyeho icyaha bimenyeshwa Umuryango we nkuko amategeko abiteganya.\u201d<\/p>\n\n\n\n
Mu Ugushyingo 2020, Umunyamabanga Mukuru w\u2019Urwego rw\u2019Igihugu rw\u2019Ubugenzacyaha, RIB, Rtd Col Ruhunga Jeannot, yatangaje ko hari impamvu zitandukanye zituma abantu bashobora kuburirwa irengero ariko ashimangira ko nta sano zifitanye na politiki.<\/p>\n\n\n\n