{"id":39849,"date":"2021-02-24T22:11:29","date_gmt":"2021-02-24T20:11:29","guid":{"rendered":"https:\/\/www.therwandan.com\/ki\/?p=39849"},"modified":"2021-02-24T22:12:15","modified_gmt":"2021-02-24T20:12:15","slug":"fdlr-ivuga-ko-yifuza-iperereza-ku-iyicwa-rya-ambasaderi-wubutaliyani","status":"publish","type":"post","link":"https:\/\/www.therwandan.com\/ki\/fdlr-ivuga-ko-yifuza-iperereza-ku-iyicwa-rya-ambasaderi-wubutaliyani\/","title":{"rendered":"FDLR ivuga ko yifuza iperereza ku iyicwa rya ambasaderi w’Ubutaliyani"},"content":{"rendered":"\n
\"Luca<\/figure>\n\n\n\n

Umuvugizi w’umutwe wa FDLR ahakana avuga ko uyu mutwe utagize uruhare mu iyicwa rya ambasaderi w’Ubutaliyani mu burasirazuba bwa DR Congo.<\/strong><\/p>\n\n\n\n

Abategetsi muri DR Congo ku wa mbere bavuze ko FDLR ari yo yagize uruhare mu iyicwa rya ambasaderi Luca Attanasio w’imyaka 43.<\/p>\n\n\n\n

Umupolisi w’Umutaliyani urinda ambasaderi n’umushoferi w’Umunyecongo na bo barishwe muri iki gitero.<\/p>\n\n\n\n

Uvuga ko yitwa Cure Ngoma, umuvugizi wa FDLR, yabwiye BBC ko “FDLR atari yo yakoze icyo gikorwa kigayitse”.<\/p>\n\n\n\n

Ambasaderi Attanasio yapfiriye mu bitaro i Goma nyuma yo kuraswa mu gitero cy’abitwaje intwaro ku wa mbere, ku modoka za UN ku muhanda wa Goma – Rutshuru hafi y’ahitwa Kibumba, nk’uko abategetsi baho babitangaje.<\/p>\n\n\n\n

Itangazo ryasohowe n’umutwe wa FDLR rivuga ko icyo gitero cyakorewe “muri zone yitwa trois antennes hafi ya Goma, hafi kandi y’umupaka w’u Rwanda”. <\/p>\n\n\n\n

Ngoma, avuga ko muri ako gace hakorera imitwe irenga 100 yitwaje intwaro, ati: “Ntabwo dusobanukiwe impamvu bavuze ko ari twebwe.”<\/p>\n\n\n\n

FDLR ivuga ko abakoze icyo gitero bashakirwa hagati y’ingabo za DR Congo n’iz’u Rwanda kuko “cyabereye hagati ya ‘positions’ z’izo ngabo zombi.”<\/p>\n\n\n\n

Ngoma yabwiye BBC ko nyuma y’iperereza “uwafatirwa muri kiriya gikorwa cy’urukozasoni wese agomba guhanwa by’intangarugero.”<\/p>\n\n\n\n