{"id":39967,"date":"2021-03-03T07:06:07","date_gmt":"2021-03-03T05:06:07","guid":{"rendered":"https:\/\/www.therwandan.com\/ki\/?p=39967"},"modified":"2021-03-03T07:06:08","modified_gmt":"2021-03-03T05:06:08","slug":"uganda-impunzi-zabanyarwanda-zashengabajwe-ningaruka-za-covid-19-namatora","status":"publish","type":"post","link":"https:\/\/www.therwandan.com\/ki\/uganda-impunzi-zabanyarwanda-zashengabajwe-ningaruka-za-covid-19-namatora\/","title":{"rendered":"Uganda: Impunzi z’Abanyarwanda zashengabajwe n\u2019ingaruka za COVID-19 n’amatora"},"content":{"rendered":"\n

Byanditswe na Arnold Gakuba<\/strong><\/p>\n\n\n\n

Intangiriro<\/strong><\/p>\n\n\n\n

Impunzi z’Abanyarwanda zimaze umwaka wose kuva muri Werurwe 2020 zihanganye n\u2019ingaruka za Covid-19 n’amatora. Mu gihe cya Kovidi n’amatora, ubuzima bw’impunzi z\u2019Abanyarwanda muri Uganda bwari bumeze nabi. Iyi nkuru iragaragaza ubuzima bw\u2019impunzi z\u2019Abanyarwanda muri Uganda muri ibi bihe isi yugarijwe n\u2019icyorezo cya Kovidi-19 ndetse n\u2019ingaruka z\u2019amatora muri gihugu.\u00a0<\/p>\n\n\n\n

Imibare itangazwa n\u2019Ishami ry\u2019Umuryango w\u2019Abibumbye Rishinzwe Impunzi (UNHCR) yerekana ko kugeza ku ya 31 Mutarama 2021, impunzi z’Abanyarwanda zahawe ibyangombwa muri Uganda zingana na 17,956 (uyu mubare ukaba uri kure y’impunzi z\u2019Abanyarwanda ziba muri Uganda mu buryo bwemewe cyangwa butemewe). Impunzi z\u2019Abanyarwanda muri Uganda ziba cyane cyane mu nkambi za Oruchinga, Nakivale na Kyaka II n’Umujyi wa Kampala. Twibutse ko umubare munini w\u2019impunzi z\u2019Abanyarwanda wibera mu mijyi cyane cyane Kampala aho bashoboraga gukora ubucuruzi buciriritse kugirango babone amaramuko.<\/p>\n\n\n\n

Impunzi zo mu mijyi<\/strong><\/p>\n\n\n\n

Mu mijyi, impunzi z’Abanyarwanda zazahajwe n\u2019inzara kubera ko nta mfashanyo n\u2019imwe zihabwa na UNHCR. Amakuru yakusanyijwe ku mpunzi z\u2019Abanyarwanda ziba mu Mujyi wa Kampala yagaragaje ko kuva muri Gicurasi 2020 UNHCR n\u2019indi miryango nka NRC bakoze igerageza ryo gufasha impunzi zo mu mijyi babaha amafaranga yo kubafasha muri iki gihe cya covid-19. Nyamara, iyi mfashanyo yageze ku mubare muto cyane w\u2019impunzi kugeza ubu. Bamwe baracyari ku rutonde rutegereje abandi babwirwa ko bohererejwe iyo mfashanyo mu gihe bo ntayo babonye. Twibutse ko iyi nkunga yatanzwe binyuze mu kohereza amafaranga kuri Telefoni zigendanwa. Kubw\u2019ibyo, bamwe babwirwa ko ubufasha (amafaranga) babageneye bwoherejwe mu gihe bo batigeze bagira icyo babona ku matelefoni yabo.\u00a0<\/p>\n\n\n\n

Impunzi nyinshi zo muri Kampala zari zibeshejweho no gukora ubucuruzi buciriritse mbere ya Covid-19 n\u2019amatora. Umubare munini w\u2019impunzi z\u2019Abanyarwanda – abakobwa bato, abagore, abagabo n\u2019abasore \u2013 bakora umurimo wo gutembereza imyenda, inkweto, ibikoresho byo mu rugo, n\u2019ibindi mu Mujyi wa Kampala no mu nkengero zawo kugira ngo babeho. Ibwo bucuruzi rero bwakomwe mu nkokora na Kovidi-19 n\u2019amatora kuko ingendo muri Kampala no mu nkengero zagoranye. Bityo rero impunzi zo mu mijyi zitabaje igishoro zari zifite kugirango zishbore kurushya iminsi, ubu ibintu bikaba bigeze iwa ndabaga.\u00a0<\/p>\n\n\n\n

Impunzi zo mu nkambi<\/strong><\/p>\n\n\n\n

Ikibazo cy\u2019inzara mu mpunzi ziri mu nkambi z\u2019impunzi muri Uganda cyikubye inshuro eshatu muri iki gihe cy\u2019umwaka umwe wa Covid-19 n\u2019amatora. Tuributsa abasomyi bacu ko impunzi ziri mu nkambi zari zifite aho zikura imibereho hakurikira: ubuhinzi, ubucuruzi buciriritse n’ubufasha bwa UNHCR. Mu gihe cya Covid-19, ubufasha butangwa na UNHCR bwavuye kuri 31.000 Ugx bugera kuri 19.000 Ugx ku muntu ku kwezi kugira ngo umuntu abone ibyo akeneye byose, birimo ibiryo, imyambaro, imiti, imyidagaduro, n’ibindi.<\/p>\n\n\n\n

Mbere ya Covid-19, imirima yari yarahawe impunzi zmu nkambi zo muri Uganda yahawe impunzi nshya zaturutse muri Congo, cyane cyane mu nkambi y’impunzi ya Kyaka II, byagize rero ingaruka ku buhinzi bwabo, bigabanya umusaruro w’ibiribwa. Kubera iyo mpamvu, imiryango myinshi ikaba ifite ikibazo cy\u2019inzara. Mu gihe cya covid-19, ibikorwa hafi ya byose byinjiza amafaranga nk’ubuhinzi n’ubucuruzi nabyo byarahagaze mu nkambi z’impunzi kubera kutava ahi bari. Impunzi zimwe zishwe n’inzara, cyane cyane abatishoboye nk’imfubyi, abasaza ndetse n’ababana n’indwara zidakira nka SIDA, diyabete, igituntu, n’ibindi.<\/p>\n\n\n\n

Twegereye impunzi z\u2019Abanyarwanda ziba mu nkambi z’impunzi za Kyaka II, Nakivale, Kyangwali na Kiryandongo kugira ngo tumenye neza ingaruka za Covid-19 n’amatora ku buzima bwabo. Abaganirijwe batugaragarije ko ubuzima bw’impunzi bwabo bugoye cyane muri iyi minsi: nta biryo, nta miti, abana ntibiga, nta kazi, n’ibindi. Umwe mu babajijwe mu nkambi y\u2019impunzi ya Nakivale yagaragaje ko umubare munini w\u2019abakobwa bakiri bato (bafite hagati y\u2019imyaka 12-18) bari cyane cyane mu mashuri abanza no mu cyiciro cya mbere cy\u2019amashuri yisumbuye bahisemo gushaka muri iki gihe cya Covidi-19 ngo barebe ko baramuka kabiri kuko ababyeyi babo batagishoboye kubaha ibyo bakeneye by\u2019ibanze. Undi mubare munini w\u2019abakobwa bato bagiye kwigurisha (ibyo ubusanzwe bita gukora uburaya) kugirango babone amaramuko.\u00a0 Kubera iyo mpamvu, ejo hazaza h\u2019urubyiruko rw\u2019impunzi z\u2019Abanyarwanda muri Uganda hateye impungenge.<\/p>\n\n\n\n

Birasabwa rero ko<\/p>\n\n\n\n