{"id":40008,"date":"2021-03-05T07:28:43","date_gmt":"2021-03-05T05:28:43","guid":{"rendered":"https:\/\/www.therwandan.com\/ki\/?p=40008"},"modified":"2021-03-06T01:18:16","modified_gmt":"2021-03-05T23:18:16","slug":"nyuma-yaho-prezida-wa-repubulika-yemeye-ko-hari-abahutu-bapfuye-birakwiye-ko-hashyirwaho-umunsi-wo-kubibuka-no-kubunamira","status":"publish","type":"post","link":"https:\/\/www.therwandan.com\/ki\/nyuma-yaho-prezida-wa-repubulika-yemeye-ko-hari-abahutu-bapfuye-birakwiye-ko-hashyirwaho-umunsi-wo-kubibuka-no-kubunamira\/","title":{"rendered":"NYUMA Y\u2019AHO PREZIDA WA REPUBULIKA YEMEYE KO HARI ABAHUTU BAPFUYE BIRAKWIYE KO HASHYIRWAHO UMUNSI WO KUBIBUKA NO KUBUNAMIRA"},"content":{"rendered":"\n

ITANGAZO RIGENEWE ABANYAMAKURU<\/strong><\/p>\n\n\n\n

Mu minsi ishize, Nyakubahwa Prezida wa Repubulika y\u2019u Rwanda, Paul KAGAME yemeye ko hari Abahutu bapfuye ariko bakaba batarazize uko baremwe nk\u2019ubwoko bw\u2019Abahutu. Ibi akaba yarabivuze mu kiganiro yagiranye n\u2019umushoramari w\u2019Umwongereza Lord Evgeny Lebedev waje kubitangaza mu kinyamakuru the Independent yo kuwa 02\/03\/2021.<\/p>\n\n\n\n

Ibi Umukuru w\u2019igihugu cy\u2019u Rwanda abivuze nyuma y\u2019aho abatavugarumwe na Leta y\u2019u Rwanda ndetse n\u2019izindi mpirimbanyi ziharanira impinduka mu Rwanda zakomeje kwemeza ko hari Abahutu benshi bapfuye kuva mu Kwakira mu mwaka w\u2019 i 1990 ubwo ingabo za FPR INKOTANYI zateraga u Rwanda.<\/p>\n\n\n\n

Koko rero, raporo zitandukanye zagiye zigaragaza ko habaye ubwicanyi bukomeye cyane bwibasiye ubwoko bw\u2019Abahutu bari mu Rwanda ndetse n\u2019impunzi z\u2019Abahutu zahungiye mu bihugu bitandukanye cyane cyane izahungiye mu cyahoze ari igihugu cya Zaire ubu kikaba cyitwa Repubulika Iharanira Demokarasi ya Kongo.<\/p>\n\n\n\n

Abatavugarumwe na Leta y\u2019u Rwanda baba imbere mu gihugu barashima Umukuru w\u2019Igihugu, Nyakubahwa Paul KAGAME kuba yateye intambwe ikomeye mu mateka ye ya politiki cyane cyane ku birebana n\u2019ubumwe n\u2019ubwiyunge mu Banyarwanda aho avuga yeruye ingingo yari yarabaye nk\u2019izira mu Rwanda.<\/p>\n\n\n\n

N\u2019ubwo iri jambo ry\u2019Umukuru w\u2019Igihugu ari intambwe ikomeye ishobora kuganisha ku bwiyunge nyakuri bw\u2019Abanyarwanda, abatavugarumwe na Leta y\u2019u Rwanda baba imbere mu gihugu barasanga ari ngombwa ko Umukuru w\u2019Igihugu atera indi ntambwe maze iri jambo rye rigakurikirwa kandi rigashimangirwa n\u2019ibikorwa byeruye bigamije kwibuka no kunamira Abahutu bose bapfuye kuko bitabaye ibyo iri jambo ryafatwa nko guhubika imiryango y\u2019ababuze ababo bategereje kuva cyera ko abavandimwe babo bahabwa agaciro.<\/p>\n\n\n\n

Muri urwo rwego, abatavugarumwe na Leta y\u2019u Rwanda baba imbere mu gihugu basanga Leta y\u2019u Rwanda igomba: gushyiraho umunsi ngarukamwaka wo kwibuka Abahutu bishwe, gushyingura imibiri y\u2019Abahutu bishwe ikiri hirya no hino ku gasozi, gushyiraho Ikigega cyo gufasha imiryango y\u2019Abahutu bishwe, gushishikariza abagize uruhare mu bwicanyi bw\u2019Abahutu kubisabira imbabazi no gufata icyemezo cy\u2019ihanagurabusembwa ku bantu bose bahamijwe icyaha cyo kuba baravuze ko Abahutu bishwe kandi bagahabwa n\u2019impozamarira.<\/p>\n\n\n\n

Barasanga kandi kugirango ibi bishoboke, Komisiyo ishinzwe Ubumwe n\u2019Ubwiyunge igomba kuvugururwa kandi igahindura izina ikitwa \u2018\u2019Komisiyo y\u2019Ukuri,Ubumwe n\u2019Ubwiyunge kandi abayigize bagomba kuba ari Abanyarwanda b\u2019inyangamugayo bakomoka mu mashyaka atandukanye harimo n\u2019atavugarumwe na Leta y\u2019u Rwanda bafite ubumenyi n\u2019ubushake bwo gusana imitima y\u2019Abanyarwanda bose bagezweho n\u2019ingaruka z\u2019amateka mabi u Rwanda rwanyuzemo, hatabayeho kureberera uruhande rumwe rwabagizweho ingaruka nayo mateka. Ubu nibwo buryo bwonyine bwo gusigasira ibyagezweho dutegura ejo hazaza heza h\u2019igihugu cyacu.<\/p>\n\n\n\n

Bikorewe i Kigali, kuwa 05 Werurwe,2021<\/p>\n\n\n\n

Mme Victoire INGABIRE UMUHOZA <\/strong><\/p>\n\n\n\n

Prezidante wa DALFA UMURINZI (S\u00e9)<\/p>\n\n\n\n

<\/p>\n\n\n\n

Me NTAGANDA Bernard<\/strong><\/p>\n\n\n\n

Prezida Fondateri wa PS Imberakuri (S\u00e9)<\/p>\n\n\n\n

\n