Paris, kuwa 28 Kanama 2013.<\/p>\n
Twamenye amakuru y\u2019uko intumwa z\u2019ishyaka PPR-Imena\u00a0ziri muRwandamuri iyi minsi zasuye Madame Victoire Ingabire Umuhoza, Prezidante wa FDU-Inkingi uri mu buroko iKigalikuva tariki ya 14 Ukwakira 2010, azira impamvu za politike. Komite Mpuzabikorwa ya FDU-Inkingi iramenyesha abarwanashyaka ba FDU-Inkingi by\u2019umwihariko n\u2019Abanyarwanda bose muri rusange, ko izo ntumwa zagiye mu Rwanda ziturutse i Burayi, ahantu hari bamwe mu bayobozi ba Komite Mpuzabikorwa ya FDU-Inkingi, zitigeze zigeza kuri iyi Komite\u00a0 iby\u2019uruzinduko rwazo mu Rwanda ngo zinayibwire ko zizasura Perezidanti w\u2019ishyaka FDU-Inkingi maze biganirirweho mu rwego rwa politike. FDU-Inkingi ni ishyaka rirwanya ubutegetsi bw\u2019igitugu buriho mu gihugu cyacu. Bityo intumwa izo arizo zose zisura Umuyobozi waryo mu rwego rwa politike zigomba kwerekana ku mugaragaro ko zirwanya ubutegetsi bw\u2019igitugu duhanganye nabwo kandi ubutumwa butangwa nyuma y\u2019uko gusura bukaba bushyigikira ibikorwa byo guhangana n\u2019ingoma y\u2019igitugu.<\/p>\n
Kuba intumwa z\u2019ishyaka PPR-Imena zarasuye Madame Victoire Ingabire Umuhoza mu buroko ni byo koko. Madame Ingabire yarabakiriye nk\u2019uko umuco mwiza wa kinyarwanda ubisaba; nta wanga kwakira umushyitsi. Madame Ingabire ariko yaratunguwe kubera ko atari yiteze izo ntumwa zamusuye kuwa Kabiri zinyuze ku buyobozi bwa gereza kandi umunsi wo gusura imfungwa muRwandaari kuwa Gatanu. Iyi mikorere y\u2019ubuyobozi bwa gereza iranatangaje kubera mbere y\u2019aho gato ubwo buyobozi bwimye abarwanashyaka ba FDU-Inkingi uruhushya rudasanzwe rwo gusura Madame Ingabire ku munsi w\u2019isabukuru yo gushinga urugo rwe.<\/p>\n
Komite Mpuzabikorwa ya FDU-Inkingi iragaya iyi mikorere, ndetse ikibutsa ko FDU-Inkingi ifitanye amasezerana y\u2019ubufatanye n\u2019Ihuriro Nyarwanda RNC, bityo bikaba bitumvikana ukuntu abantu bahoze muri iri huriro nyuma bakitandukanya na ryo, bagashinga ishyaka PPR-Imena, bajya gusura Perezidante wa FDU-Inkingi, bahawe uruhushya n\u2019ubutegetsi bumufunze, ndetse budatuma abarwanashyaka b\u2019ishyaka rye bamusura mu bwisanzure.<\/p>\n
Tuzi kandi ko ubutegetsi bwaKigalibukunda gukoresha abantu bahoze mu mashyaka aburwanya nyuma bakayavamo mu rwego rwo kuyasenya. Niko bwabigenje muri PS-Imberakuri, ndetse bukaba bugerageza no kubikora muri FDU-Inkingi no mu Ihuriro Nyarwanda RNC, tukaba twizeye ko ishyaka PPR-Imena ritazagwa muri uwo mutego.<\/p>\n
Duhamagariye abarwanashyaka ba FDU-Inkingi n\u2019inshuti zayo gukomeza umurego mu bikorwa byo kurwanya ingoma y\u2019igitugu, ntibarangazwe n\u2019amakuru agamije kubayobya. Duhamagariye amashyaka yose arwanya ubutegetsi bw\u2019igitugu gushyira ingufu hamwe aho kuzitatanya cyangwa kwemera kureshywa n\u2019ubutegetsi bw\u2019igitugu buri mu marembera, kuko umusaruro nyawo wegereje.<\/p>\n
Turasaba ubutegetsi bw\u2019igitugu bwa FPR-Inkotanyi nabwo gushyira mu gaciro bukemera ibiganiro n\u2019ababurwanya, aho guhora bushishikajwe no kubacamo ibice, kuko ariyo nzira izazana amahoro na demokarasi birambye mu gihugu cyacu.<\/p>\n
<\/p>\n
Bikorewe i Paris, mu Bufaransa, tariki ya 28 Kanama 2013.<\/p>\n
Kubwa Komite Mpuzabikorwa ya FDU-Inkingi<\/p>\n