Kuri uyu wa Gatatu tariki ya 24\/03\/2021, Muhima Antoine, Perezida w’Urukiko Rukuru, Urugereko Rushinzwe Gukurikirana Ibyaha Mpuzamahanga n’Ibyambukiranya Imipaka, yategetse ko iburanisha ry\u2019urubanza Paul Rusesabagina n\u2019abo bareganwa mu rubanza rumwe rukomeza Rusesabagina adahari, akazajya amenyeshwa uko buri buranisha ryagenze.<\/p>\n\n\n\n
Iburanisha ry\u2019uyu munsi ryatangijwe n\u2019ibitekerezo by\u2019abanyamategeko bunganira ababurana, bari biganjemo abasaba ko urubanza rwakomeza kabone n\u2019ubwo hari umuburanyi utazarwitabira, ko bumva icya ngombwa ari uko amenyeshwa igihe cy\u2019iburanisha.<\/p>\n\n\n\n
Nyuma y\u2019akaruhuko ko kwiga ku busabe bw\u2019ababuranyi n\u2019abanyamategeko babo, urukiko rwafashe akaruhuko rugena umwanzuro wo gukomeza iburanisha ry\u2019urubanza no mu gihe cyose Rusesabagina atazarwitabira. Ku ruhande rwe, Rusesabagina na none yari yandikiye urukiko ashimangira ko atari bwitabire iburanisha, kandi atazarigarukamo.<\/p>\n\n\n\n
Urukiko rwavuze ko atari ubwa mbere bizaba bibaye, kuko na Madame Ingabire Victoire ngo hari igihe atitabiraga iburanisha, kandi rigakomeza, kuko Urukiko rutari kumuhatira kwitabira iburanisha ku ngufu.<\/p>\n\n\n\n
Urukiko rwatanze kandi urugero rwa Bernard Munyagishali wahagaritse kwitabira iburanisha ry\u2019urubanza rwe, rugakomeza kuburanishwa kugeza rupfundikiwe, akamenyeshwa imyanzuro.<\/p>\n\n\n\n
Urukiko rwatanze na none urugero ku rubanza rwa Dr Leon Mugesera wahagaritse ibyo kwitabira iburanisha rye mu rugereko rw\u2019Urukiko Rukuru ruburanisha imanza z\u2019ibyaha mpuzamahanga n\u2019ibyambukiranya imipaka. Aha Urukiko rwavuze ko iburanisha ryakomeje, ariko igihe cyaje kugera Dr Mugesera yiyemeza kugaruka mu rukiko, iburanisha rikomereza aho ryari rigeze icyo gihe.<\/p>\n\n\n\n
Urukiko rwatanze kandi ingero ku manza mpuzamahanga zabereye i Arusha muri Tanzania, nko mu rubanza rwa Nahimana na Bagenzi be ndetse no mu rubanza rwa Rwamakuba Andr\u00e9, aho urukiko rwagiye rutangaza ko ari uburenganzira bw\u2019umuburanyi kwitabira iburanisha ry\u2019urubanza rwe, ko ariko igihe atemera kwitabira iburanisha yarimenyeshejwe, bitabuza urubanza gukomeza.<\/p>\n\n\n\n
Urukiko rwanzuye rwifashisha ingingo z\u2019amategeko, bareba ku cyo kuba urubanza rukomatanyirije hamwe ibirego bya benshi bitandukanywa, bareba ku ngingo zivuga ko mu rubanza nshinjabyaha uregwa agomba kwitabira iburanisha ubwe, banatanga ingingo zivuga ko mu gihe ataryitabiriye yararimenyeshejwe atanatanze impamvu, bitabuza iburaisha gukomeza.<\/p>\n\n\n\n
Uyu niwo mwanzuro wafashwe, ko urubanza ruzakomeza, umucamanza Muhima Antoine, Perezida w\u2019Urukiko avuga ko Rusesabagina yamaze kubona imashini na dosiye ye, ko bityo azakomeza kujya amenyeshwa uko iburanisha ryagenze, amenyeshwe umunsi n\u2019ahantu urubanza ruzabera ku nshuro ikurikiye, kandi ko igihe cyose azashaka kurugarukamo, bizashoboka, akakirwa, akazakomereza aho urubanza ruzaba rugeze.<\/p>\n\n\n\n
Kurikira urubanza hano:<\/p>\n\n\n\n