Muri iki gihe cy\u2019itangira ry\u2019umwaka w\u2019amashuli 2013-2014, abanyarwanda biganjemo cyane cyane urubyiruko n\u2019ababyeyi babo bakomeje kutwandikira ari benshi batugezaho akababaro kabo baterwa n\u2019ivangura riri muri Minisiteri y\u2019uburezi bw\u2019igihugu mu Rwanda.<\/p>\n
Leta y\u2019u Rwanda iyobowe na FPR Inkotanyi, ifite mu mikorere yayo no mu miyoborerere yayo mibi, gahunda ndende yo kuvutsa abanyarwanda bo mu bwoko bw\u2019abahutu amahirwe yo kwiga kugirango batagira ingufu cyangwa se imbaraga zishingiye ku bumenyi (knowledge power).<\/p>\n
Si ubwambere kandi iyi gahunda mbi ya politiki ibayeho mu Rwanda. Ku ngoma ya MRND (1973-1994) hariho politiki mbi y\u2019iringaniza ry\u2019amoko n\u2019uturere yari igamije nayo cyane cyane kuvutsa abanyarwanda bo mu bwoko bw\u2019abatutsi, imbaraga zishingiye ku bumenyi. No ku ngoma ya MDR-PARMEHUTU byari uko. Mbere y\u2019aho ,\u00a0 ku ngoma ya Cyami, hari iriya politiki y\u2019ivangurabwoko mu burezi yari igamije nayo kuvutsa na none abanyarwanda bo mu bwoko bw\u2019abahutu imbaraga zishingiye ku bumenyi. Iyi politiki mbi ya gatebegatoki, ya bamwe mu kwiganzura abandi no guhora babigizayo, babakumira ku byiza igihugu kigenera benecyo, ikaba yarokamye u Rwanda, iri mu byatumye twiyemeza gushinga iri shyaka ABASANGIZI, ishyaka rigamije gusangiza abanyarwanda bose ibyiza by\u2019igihugu cyabo ntawe uhejejwe inyuma y\u2019urugi.<\/p>\n
Leta y\u2019u Rwanda iyobowe na FPR Inkotanyi, izi neza ubukene abanyarwanda bafite. Izi neza ko mu bihugu byose byo kw\u2019isi bikiri mu nzira y\u2019amajyambere, cyane iby\u2019Afurika y\u2019Abirabura, uburezi kuva mu mashuli abanza kugeza muri Kaminuza ari Leta ifasha abana bose b\u2019igihugu kwiga, kuko kwiga kwabo ari ko gutegura ejo hazaza h\u2019igihugu cyose. Ibyo Leta ya FPR yabirenzeho ku bwende.<\/p>\n
Leta ya FPR inkotanyi\u00a0 izwi kw\u2019isi yose kuba Leta igira muri gahunda zayo politiki yo gukenesha abaturage ari byo ibigambiriye., Yakuyeho imfashanyo yagenerwaga abanyeshuli biga muri Kaminuza y\u2019u Rwanda n\u2019Amashuri Mukuru ibaharira ababyeyi babo ngo bazirwarize! Aho iri vangura bwoko riziramo rero nkuko ababyeyi n\u2019abanyeshuli babitwandikira, ni uko abagiye gusigara biga ari abarihirwa amashuli n\u2019ikigega FARGE, n\u2019abafite ababyeyi bifite gusa. Abandi bose batitabwaho na FARGE kababayeho!<\/p>\n
FARGE ni ikigega kijyamo gatanu kw\u2019ijana y\u2019amafaranga agize ingengo y\u2019imali y\u2019igihugu cyose buri mwaka hamwe n\u2019imfashanyo z\u2019amahanga, hakiyongeraho n\u2019uko umuntu wese ukorera Leta n\u2019ibigo byigenga akurwaho 1\/100 cy\u2019umushahara fatizo we buri kwezi ayo mafaranga yose akarihira amashuli imfubyi za jenoside y\u2019abatutsi.Ibi ni byiza kugoboka bariya bana b\u2019u Rwanda, ishyaka PRM\/MRP-ABASANGIZI rirabishyigikiye. Ariko se abandi bana b\u2019abanyarwanda nabo b\u2019imfubyi z\u2019abahutu zahekujwe ababyeyi bazo n\u2019interamwe kuri bamwe, na FPR\/APR ku bandi, izo mfubyi zo zibaye izande ko zimeze nkaho zitagira igihugu cyo kuzitaho no kumenya ingorane n\u2019ibibazo byazo! Imfubyi z\u2019icyorezo cya\u00a0 SIDA se zo, zaba iz\u2019abahutu zaba n\u2019iz\u2019abatutsi, zo zibaye izande? Abana bo mu bwoko bw\u2019abahutu bafite ba se cyangwa ba nyina cyangwa bombi bafunzwe kubera akarengane n\u2019ibeshyerwa ryo muri gacaca bo se si abana b\u2019u Rwanda bakeneye ubufasha bw\u2019urwababyaye kugirango bige bazagire icyo bimarira bakimarire n\u2019igihugu cyabo!<\/p>\n
Leta ya FPR Inkotanyi yananiwe kuba leta y\u2019abanyarwanda bose, atari ukubera ko itabishoboye ahubwo ari ukubera ko yasaritswe n\u2019ivangurabwoko kimwe na Leta zindi zose zayibanjirije, ari iya Repubulika ya kabiri, ari iya Repubulika ya mbere, ari n\u2019ingoma ya Cyami. Abanyamakuru mpuzamahanga bo muri Leta Zunze Ubumwe za Amerika I New York bigeze kwandika mu binyamakuru byabo ko Perezida w\u2019u Rwanda acumbika muri Hoteli zihenze cyane z\u2019ibihumbi makumyabiri by\u2019amadolari kw\u2019ijoro rimwe mu gihe Minisitiri w\u2019Intebe w\u2019Ubwongereza we arara muri Hoteli y\u2019ibihumbi bitatu by\u2019amadolari kw\u2019ijoro rimwe. Ayo madolari y\u2019u Rwanda apfushwa ubusa bene kariya kageni, kuki atarihira abana b\u2019u Rwanda amashuli muri Kaminuza z\u2019u Rwanda aho kubatererana ngo nibirwarize bo n\u2019ababyeyi babo kandi nta babyeyi bafite n\u2019umufite akaba amufite ari umwe gusa undi yarishwe n\u2019interahamwe cyangwa se yarishwe na FPR Inkotanyi, abandi baborera muri gereza baroshywemo n\u2019akagambane n\u2019urugomo rw\u2019ingirwankiko gacaca!<\/p>\n
Twari dukwiye no kujya twigira ku mateka, ibyayabayemo bibi tukirinda kubisubira. Iyi politiki ya FPR Inkotanyi yo gukumira no kwigizayo abahutu mu by\u2019amashuli kugirango batagira imbaraga zishingiye ku bumenyi (knowledge power) abatutsi i Burundi barayikoresheje kuva 1965 bamaze kwica Minisitiri w\u2019Intebe\u00a0 w\u2019umuhutu witwaga Pierre Ngendandumwe. Bafashe gahunda yo kubuza abahutu kwiga Kaminuza n\u2019uyigiyemo agahabwa gusa kwiga iby\u2019ubwalimu bwo kujya kwigisha mu mashuli yisumbuye cyangwa se ibindi byose bitajyanye n\u2019ubumenyi mu by\u2019ubutegetsi, amategeko, ubukungu. Ni muri izo nzira zo gukumira, barangije bategekwa na Nyakubahwa Perezida Pierre Nkurunziza wize iby\u2019ubugororangingo (Education physique) kandi ntibimubujije kubategeka neza n\u2019ubwo ibyangombwa byose byari byarakozwe mu kumukumira kugirango atavaho yiga ibijyanye n\u2019ubutegetsi, amategeko n\u2019ubukungu. Ntitwiriwe tuvuga mu Rwanda hahozeho politiki ikanandikwa \u00a0y\u2019iringaniza ry\u2019amoko mu mashuli yisumbuye na Kaminuza bakarangizanya nayo bategekwa na Perezida Kagame utaranarangije amashuli yisumbuye kandi yarashoboraga kuyarangiza akaniga Kaminuza iyo ataza kuzitirwa na politiki y\u2019ivangurabwoko n\u2019ubuhunzi . Ibi biraragaza ko ba nyiri iriya politiki batahimye abatutsi gusa ahubwo ko bahimye igihugu cyose nabo ubwabo batiretse! Kuki rero FPR Inkotanyi isubira mu bintu bibi nk\u2019ibi byakozwe i Burundi no mu Rwanda kandi bitarigeze bigira icyo bimarira igihugu na bene kubikora, baba abatutsi, baba n\u2019abahutu!<\/p>\n
Turangije ubu butumwa tumenyesha urubyiruko n\u2019ababyeyi batwandikiye kuri iki kibazo, ko taliki ya 28\/04\/2013 twa ndikiye Perezida wa Repubulika y\u2019u Rwanda, bimwe bubyo twamusabaga gukemura \u00a0mw\u2019izina ryanyu n\u2019iry\u2019abanyarwanda bose harimo:<\/p>\n
-Gusubizaho amafaranga y\u2019ishuli (bourses d\u2019etudes\/scholarships) ku banyeshuli bose biga muri Kaminuza n\u2019amashuli makuru bya\u00a0 Leta, ubwo bufasha bugatangwa hakurikijwe imitsindire y\u2019abanyeshuli cyangwa se izindi ngingo (criteres\/criterias) zaba zemeranyijweho hagati ya Leta, amashyaka atavuga rumwe n\u2019ubutegetsi, sosiyete sivile, n\u2019urwego rwigenga ruhagarariye ababyeyi n\u2019abanyeshuli nta ruhande na rumwe ruhejwe;<\/p>\n
-Gufasha no korohereza mu bijyanye no kwiga, kwivuza no kubona icumbi ku mfubyi n\u2019abapfakazi ba jenoside n\u2019ab\u2019intambara y\u2019imbere mu gihugu kuva 1990, n\u2019ab\u2019intambara ya FPR \u00a0muri Repubulika Iharanira Demokarasi ya Congo kuva 1996 kugeza ubu.<\/p>\n
Kuba rero FPR idakemura iki kibazo si uko itakizi. Impamvu ni uko ariyo politiki yayo mbi ishingiye kw\u2019ivanguramoko no kunyereza umutungo w\u2019igihugu wagafashije mu kurengera bariya bana no kubafasha gutegura ejo hazaza\u00a0 hazirikanwa ko ari bo Rwanda rw\u2019ejo. Ishyaka PRM\/MRP-ABASANGIZI ryo ririfuza gukosora biriya byose kuko umugambi wacu ari uko u Rwanda ruba mugongo mugari uheka abana barwo bose nta n\u2019umwe uvanguwe.<\/p>\n
Bikorewe i Savannah, Georgia, muri Leta Zunzwe Ubumwe za America, taliki ya 30\/08\/2013<\/p>\n
Dr. Gasana Anastase, Perezida w\u2019ishyaka PRM\/MRP-ABASANGIZI;<\/strong><\/p>\n Mr. Mukeshimana Isaac, Visi-Perezida ushinzwe ibya politiki;<\/strong><\/p>\n Mr. Batungwanayo Janvier, Visi-Perezida ushinzwe ihuzabikorwa.<\/strong><\/p>\n","protected":false},"excerpt":{"rendered":" Muri iki gihe cy\u2019itangira ry\u2019umwaka w\u2019amashuli 2013-2014, abanyarwanda biganjemo cyane cyane urubyiruko n\u2019ababyeyi babo bakomeje kutwandikira ari benshi batugezaho akababaro kabo baterwa n\u2019ivangura riri muri Minisiteri y\u2019uburezi bw\u2019igihugu mu Rwanda.<\/p>\n","protected":false},"author":3,"featured_media":4059,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[62],"tags":[],"class_list":["post-4058","post","type-post","status-publish","format-standard","has-post-thumbnail","hentry","category-politiki"],"yoast_head":"\n