{"id":40773,"date":"2021-04-16T05:01:31","date_gmt":"2021-04-16T03:01:31","guid":{"rendered":"https:\/\/www.therwandan.com\/ki\/?p=40773"},"modified":"2021-04-16T05:01:33","modified_gmt":"2021-04-16T03:01:33","slug":"i-rulindo-abaturage-barashinja-ingabo-zinkotanyi-kwica-ababo-muri-1994","status":"publish","type":"post","link":"https:\/\/www.therwandan.com\/ki\/i-rulindo-abaturage-barashinja-ingabo-zinkotanyi-kwica-ababo-muri-1994\/","title":{"rendered":"I Rulindo Abaturage Barashinja Ingabo z’Inkotanyi Kwica Ababo muri 1994"},"content":{"rendered":"\n
\"\"
Imibiri y’abishwe muri 1994 ipfunyitse mu ikarito<\/em><\/figcaption><\/figure>\n\n\n\n

Mu karere ka Rurindo mu murenge wa Shyorongi akagari ka Rutonde hafi y\u2019umujyi wa Kigali mu ntangiro z\u2019iki cyumweru hatahuwe imibiri y’abapfuye mu mwaka wa 1994. Kuva iyo mibiri igera kuri ine yaboneka, havutse agasigane ko kuyishyingura.<\/p>\n\n\n\n

Ni imibiri bigaragara ko bashyize mu makarito abiri mato agerekeranye bayorosa umufuka n\u2019ishashi y\u2019ibara ry\u2019ubururu Ijwi ry’Amerika yasanze ku rubaraza.<\/p>\n\n\n\n

Bwana Emmanuel Ndayisenga umwe mu bubakaga urubaraza rw\u2019inzu rwari rushaje, avuga ko baguye kuri iyo mibiri yari yubakiyeho. Ndayisenga avuga ko bakimara kuyibona itahise ishyingurwa.<\/p>\n\n\n\n

Imibiri ine yatahuwe ahubatse inzu harimo iy’abavandimwe ba Bwana Issa Habumuremyi, Se umubyara Francois Muhatanyi, Valerie Nyirabahinzi nyina umubyara na mukuru we Habiyaremye Bahati.<\/p>\n\n\n\n

Yaba Issa Habumuremyi, yaba na mushiki we Patricia Mukanyirigira, babwiye Ijwi ry’Amerika ko muri 1994 babonye abasirikare b’Inkotanyi barasa abo bantu babo, icyo gihe bagahita bashyingura iyo mibiri.<\/p>\n\n\n\n

Ijwi ry’Amerika yagerageje inshuro nyinshi kubaza ubuvugizi bw’igisirikare icyo gihe cyari icya FPR inkotanyi ariko ntibyayikundira. Iracyakomeje kubashaka ngo bagire icyo bavuga ku byo aba baturage batangaje.<\/p>\n\n\n\n

Uwahaye Ijwi ry’Amerika yavuze ko iyi mibiri ikimara gutabururwa habayeho agasigane gakomeye ko kumenya aho yashyingurwa n\u2019uwayishyingura. Mu irimbi rusange cyangwa se mu rwibutso rwa jenoside yakorewe abatutsi ari na ko gutinda.<\/p>\n\n\n\n

Mukanyirigira avuga ko baba abaturage n\u2019ubuyobozi bw\u2019ibanze bari bazi ko abavandimwe babo biciwe aho babataburuye ariko bakavuga ko nta mikoro bafite ababataburuye bagombye kubaga bakifasha.<\/p>\n\n\n\n

Ijwi ry\u2019Amerika iganira na Bwana Papias Shumbusho uyobora akagari ka Rutonde yavuze ko ababonetse batazize jenoside, kandi ko batari bazi aho iyi mibiri yari iherereye.<\/p>\n\n\n\n

Bwana Shumbusho yahamije ko icyatumye batinda gushyingura iyi mibiri habanje kubaho agasigane kuri nyir\u2019inzu yataburuweho na banyir\u2019abantu. Yemeje ko bamaze kuvugana na nyir\u2019inzu akaza kubashyingura.<\/p>\n\n\n\n

Amakuru twakuye mu buyobozi aravuga ko nyir\u2019iyi nzu ari umupolisi ukorera mu burasirazuba bw\u2019u Rwanda witwa Adalbert Hacineza. Ayo makuru avuga ko yaba yarubatse iyi nzu hagati y\u2019umwaka wa 1996-1997. Hagasigara kwibaza niba nta yindi mibiri yaba yarubakiyeho kuko abaturanyi bo bavuga ko hakimara gutahurwa imibiri ine ubuyobozi bwasabye guhagarika igikorwa cyo gushakisha indi mibiri.<\/p>\n\n\n\n

Ijwi ry\u2019Amerika yahamagaye Hacineza kuri telefone igamije kumenya niba yarubatse iyi nzu atazi niba hariciwe abantu ariko telefone ye ntiyacamo. Se umubyara, Daniel Hacineza wamuhaye ubutaka bwo guturaho twabwiwe ko asigaye atuye i Muhanga mu cyahoze ari Perefegitura ya Gitarama.<\/p>\n\n\n\n

Ariko abandi baturanyi bagasanga kuba ubuyobozi butarihutiye gushyingura iyi mibiri butarubahishije ikiremwa-muntu. <\/p>\n\n\n\n

Kurikira inkuru yose mu majwi hano hasi<\/p>\n\n\n\n