Amakuru agera kuri The Rwandan aravuga ko G\u00e9n\u00e9ral Laurent Munyakazi yitabye Imana aguye muri Gereza ya Kimironko kuri uyu wa kabiri tariki ya 17 Nzeli 2013.<\/p>\n
Gen Laurent Munyakazi yakomokaga mu cyahoze ari Byumba, yabaye umujandarume mu gisirikare cya mbere ya 1994, yinjiye mu gisirikare ari muri Promotion ya 14 y’ishuri rikuru rya Gisirikare ari kumwe na bagenzi be, twavuga nka Gen Paul Rwarakabije, Gen Iyamuremye Gaston na ba nyakwigendera Lt Col L\u00e9onard Nkundiye, Lt Col Dr Mugemanyi n’abandi.<\/p>\n
Mu 1994 yari muri Jandarumori ategeka Groupe Mobile, Camps Muhima afite ipeti rya lieutenant colonel, FPR imaze gufata ubutegetsi kubera ubucuti yari afitanye na General Karenzi Karake kubera ko babanye mu kitwaga GOMN (Groupe d’Observateurs Militaires Neutres) yagarutse mu Rwanda asiga abasirikare bagenzi be ba FAR yategekaga mu kigo cy’ahitwa Buronge hafi y’umujyi wa Bukavu.<\/p>\n
Akigera mu Rwanda yarizewe ashyirwa imbere ku buryo yazamuwe mu ntera kugera ku ipeti rya G\u00e9n\u00e9ral Major, ndetse ashingwa no gutegeka akarere ka Gisirikare ka Gisenyi na Ruhengeri.<\/p>\n
Nyuma \u00a0yo gukora raporo ishinja lieutenant g\u00e9n\u00e9ral Charles Kayonga kwiba inka z’abagogwe akabeshyera abacengezi, kimwe n’uko yari afite amakuru ahagije ku bwicanyi na za kinamico byakorwaga n’ingabo z’u Rwanda mu ntambara yiswe iy’abacengezi, abahanga mu gutekinika bamukoreye dosiye aregwa muri gacaca \u00a0 icyaha cya Genocide ngo yaba yarakoreye kuri Sainte Famille. (Ngo hari abasore b’abatutsi batwawe n’interahamwe zijya kubica ahari ntiyagira icyo abikoraho) Abamushinjaga bamuregaga ubufatanye mu bwicanyi na Padiri Munyeshyaka wari Padiri mukuru wa Sainte Famille mu 1994.<\/p>\n
Nyuma yo gukatirwa na Gacaca ya Rugenge yari yateraniye muri Camps Kigali igihano cyo gufungwa burundu, urubanza rwe rwakomereje kuzurungutana mu nkiko za gisirikare aho mucuti we Karenzi Karake yari ayoboye inteko yongeye kumukatira burundu ndetse urwo rubanza rwageze no mu rukiko rw’ikirenga rurusubiza mu nkiko za gisirikare ruvuga ko nta bubasha bufite bwo kuburanisha urwo rubanza. Munyakazi n’ubwo ntako atari yagize ngo yerekane ko ari umwere yongeye gukatirwa n’inteko yari iyobowe na Lt Gen Nyamvumba.<\/p>\n
Yaguye muri Gereza ya Kimironko kubera ubuzima bubi dore ko yitabye Imana atangiye guhuma kubera kuba ahantu hatari urumuri ruhagije no kubera indwara y’amaso yari asanganywe.<\/p>\n
Ubwanditsi<\/strong><\/p>\n The Rwandan<\/strong><\/p>\n","protected":false},"excerpt":{"rendered":" Amakuru agera kuri The Rwandan aravuga ko G\u00e9n\u00e9ral Laurent Munyakazi yitabye Imana aguye muri Gereza ya Kimironko kuri uyu wa kabiri tariki ya 17 Nzeli 2013.<\/p>\n","protected":false},"author":3,"featured_media":4082,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[64],"tags":[],"class_list":["post-4081","post","type-post","status-publish","format-standard","has-post-thumbnail","hentry","category-amakuru"],"yoast_head":"\n