{"id":40836,"date":"2021-04-20T00:22:05","date_gmt":"2021-04-19T22:22:05","guid":{"rendered":"https:\/\/www.therwandan.com\/ki\/?p=40836"},"modified":"2021-04-20T06:24:47","modified_gmt":"2021-04-20T04:24:47","slug":"ijwi-ryamerika-rirashyirwaho-igitutu-ngo-risibe-inkuru-yimibiri-yabishwe-ninkotanyi-i-rulindo","status":"publish","type":"post","link":"https:\/\/www.therwandan.com\/ki\/ijwi-ryamerika-rirashyirwaho-igitutu-ngo-risibe-inkuru-yimibiri-yabishwe-ninkotanyi-i-rulindo\/","title":{"rendered":"Ijwi ry’Amerika rirashyirwaho igitutu ngo risibe inkuru y’imibiri y’abishwe n’Inkotanyi i Rulindo!"},"content":{"rendered":"\n

Yanditswe na Albert Mushabizi<\/strong><\/p>\n\n\n\n

Inyandiko The Rwandan ifitiye kopi dukesha, bamwe mu bashinzwe umutekano mu gihugu cy\u2019u Rwanda, tutifuje gutangaza amazina ku bw\u2019impamvu z\u2019umutekano igaragaza ko, RMC (Urwego rw’Abanyamakuru bigenzura mu Rwanda) irimo irashyira igitutu ku Ijwi ry\u2019Amerika; ngo rivaneho inkuru yavugaga ku mibiri y\u2019abishwe n\u2019Abasirikari b\u2019Inkotanyi, yavumbuwe muri Rulindo.<\/a> Iyi nkuru ikaba yarakozwe n’umunyamakuru Eric BAGIRUWUBUSA ukorera Radio Ijwi ry’Amerika mu Rwanda.<\/p>\n\n\n\n

Muri iyi nyandiko musanga hasi y’iyi nkuru RMC yigize umushinjacyaha, umunyamakuru, umucamanza n\u2019umunyapolitiki aho isa nk’iyibasira umunyamakuru wataye iyi nkuru ku buryo humvikanamo n’iterabwoba ndetse hanitabajwe ibitekerezo byibasira umunyamakuru bigaragara ko hahisweho ibyatanzwe n’abantu umuntu atatinya kwita abahezanguni. <\/p>\n\n\n\n

The Rwandan ikaba yakomeje kugerageza telefoni igendanwa ya Eric BAGIRUWUBUSA, ngo agire icyo avuze kuri iyi nyandiko; ariko kugeza dutangaza iyi nkuru, iyo nimero ntiyacagamo, kandi n\u2019aho yacagamo ntiyatwakiriye.<\/p>\n\n\n\n

Abadushyikirije iyi nkuru kandi, batubwiye ko inzego zibishinzwe zikoresheje umunyamabanga mukuru wa RMC (Urwego rw’Abanyamakuru bigenzura) Emmanuel Mugisha bagerageje kuganiriza Umunyamakuru Eric BAGIRUWUBUSA ngo agirwe inama kudatangaza amakuru atagaragaza neza isura y\u2019igihugu, ariko akanga akavunira ibiti mu matwi.<\/p>\n\n\n\n

Bakomeza baduhamiriza ko iby\u2019imibiri yatahuwe i Rulindo, ari ikibazo kibangamiye inzego z\u2019umutekano; ndetse cyakomeje kuvugutirwa umuti, ariko kikaba kigeze aho kimaze kuba ingorabahizi. Ngo hari imibiri yagombaga kujya ishyirwa mu nzibutso z\u2019abazize Jenoside y\u2019Abatutsi, noneho ngo ba nyirayo bagasakuza ko iyo mibiri ari iy\u2019ababo, kandi ko batarokotse Jenoside yakorewe Abatutsi. Ngo ibyo byatumaga n\u2019Abacitse ku icumu rya Jenoside, nabo bahaguruka bakamagana ko iyo mibiri, ishyirwa mu nzibutso z\u2019ababo bazize Jenoside.<\/p>\n\n\n\n

Kuba rero hari hasanzwe n\u2019ubundi icyuka kibi cy\u2019uko hari imibiri yagiye itabururwa, bizwi neza n\u2019abaturage b\u2019abahutu ko ari iy\u2019ababo, ndetse ngo n\u2019Abatutsi batabishidikanyaho, ariko igashyirwa mu nzibutso z\u2019abazize Jenoside, ku gitugu kivanze n\u2019iterabwoba bw\u2019uwahirahira kugira icyo avuze; ngo abaturage bamaze gusa n\u2019abarambiwe gufatira ku munwa nk\u2019ubwangati. Abacitse ku icumu rya Jenoside nabo, ngo binubira impamvu batwererwa imirambo; kandi bene yo bifuza ko bayishyingurira ubwabo, cyangwa se ngo igashyingurwa na Leta, ahandi hatari mu nzibutso z\u2019abazize Jenoside yakorewe Abatutsi.<\/p>\n\n\n\n

Kuri iki kibazo cy\u2019imibiri yataburuwe i Rulindo, bene yo barayimenye, banibuka igihe ababo biciwe n\u2019Abasirikari b\u2019Inkotanyi, bahita bitanguranwa kubisakuza. Abacitse ku icumu nabo, ngo bakimara kubyumva no kubikenguzaho neza,  nabo bahise bihutira kubisakuza, ngo batongera gutwererwa iyo mirambo. Aho inzego z\u2019umutekano zimenyeye iki kibazo, zasanze cyabayemo ikimeze nk\u2019akagambane k\u2019Abatutsi bacitse ku icumu rya Jenoside n\u2019Abahutu. Gusa, ngo ibiri amahire, ako kagambane ntikumvikanweho, ahubwo kabyawe n\u2019icyuka kibi gisanzweho, ku bibazo by\u2019imirambo itabururwa igatwererwa inzibutso z\u2019abacitse ku icumu rya Jenoside, mu buryo butishimirwa n\u2019impande zombi.<\/p>\n\n\n\n

Gufata iyi mibiri yatuburuwe i Rulindo, nk\u2019iy\u2019Abazize Jenoside y\u2019abatutsi, byatekerejweho n\u2019inzego z\u2019umutekano, ariko ngo inzego z\u2019ibanze zibahakanira ko byateza induru, kubera ko ngo ari abacikacumu b\u2019Abatutsi, ari n\u2019abahutu bose bari bameze nk\u2019abarekereje, kureba ikiribukurikireho. Inzego z\u2019umutekano ngo zategetse inzego z\u2019ibanze, gutegeka nazo nyir\u2019ugutaburura iyo mirambo, kuba ari we wayishyingura; mu rwego rwo kwamagana imihango yo gushyingura, ishobora gukurikirwa n\u2019amagambo asebya ingabo z\u2019igihugu, mu gihe iyo mibiri yari guhabwa bene yo kuyishyingura.<\/p>\n\n\n\n

Abaduhaye aya makuru bo rero babona, Eric BAGIRUWUBUSA nk\u2019umunyamakuru w\u2019inkubaganyi; ngo kubera ko batiyumvisha, ukuntu nk\u2019umunyarwanda, uzi uko itangazamakuru rikora mu Rwanda, yatinyutse gutara inkuru kuri kiriya kibazo cy\u2019i Rulindo. Kubera ko ikibazo nka kiriya cya Rulindo, kiri henshi cyane mu gihugu, ku buryo hari n\u2019imibiri yaheze mu gihirahiro, ikaba ikibitse mu biro by\u2019inzego za Leta, nyuma yo kwamaganwa n\u2019Abacikacumu ko itazashyingurwa mu nzibutso z\u2019abazize Jenoside, maze n\u2019inzego z\u2019umutekano ntizishime kuyiha beneyo, baba bavuze ko ari iy\u2019ababo. <\/p>\n\n\n\n