Abanyeshuri 40 biga mu mashuri makuru na za kaminuza mu Rwanda batawe muri yombi na Polisi y\u2019u Rwanda, nyuma yo guhura na bagenzi babo babasinyiye ku mpapuro zerekanaga akarengane bagiriwe, impapuro bavuze ko bagejeje kwa Minisitiri w\u2019Intebe.<\/i><\/p>\n
Aba banyeshuri bafashwe kuri uyu wa Kabiri tariki ya 17 Nzeri 2013, ubwo bari muri gare ya Kacyiru, bavuye kwa Minisitiri w\u2019 Intebe, baje kureba bagenzi babo babatumye bakanasinya inyandiko isaba kurenganurwa.<\/p>\n
Abanyeshuri biga muri za kaminuza n\u2019amashuri makuru bya Leta mu Rwanda, bamaze iminsi bari mu bikorwa byo kwihinduza ku ntonde z\u2019ibyiciro by\u2019ubudehe, aho hari hemejwe ko abagomba kurihirwa muri aba banyeshuri, ari abari mu cyiciro cya mbere n\u2019icya kabiri mu byiciro bitandatu by\u2019Ubudehe.<\/p>\n
Bamwe mu banyeshuri batanyuzwe n\u2019ibyiciro bashyizwemo n\u2019inzego zo ku turere n\u2019imirenge y\u2019iwabo zabihawemo inshingano na Minisiteri y\u2019uburezi kubisubiramo ibyo byiciro ariko nabwo abanyeshuri bavuga ko byakozwe batageze mu ngo abanyeshuri baturukamo ngo barebe koko ko batabasha kwirihira muri kaminuza. Bahisemo kwihuriza hamwe ngo bandikire Minisitiri w\u2019intebe, bamugaragariza akarengane bagiriwe ndetse banamusaba ko ibi byiciro bashyizwemo byasubirwamo.<\/p>\n
Kuri uyu wa Kabiri, aba batawe muri yombi na Polisi, ngo bakaba bafashwe mu buryo bubatunguye ubwo bahuraga na bagenzi babo batumikiye, ngo babereke banabamenyeshe ko babatumikiye neza kwa Minisitiri w\u2019intebe nk\u2019uko bari babyumvikanyeho.<\/p>\n
Mu gihe bari hamwe, baganira barimo no kuvugana n\u2019abanyamakuru, abapolisi baje mu modoka bitwaje ibikoresho byifashishwa mu guhangana n\u2019abakora imyigaragambyo babasanga aho bari kumwe n\u2019abanyamakuru barabafata.<\/p>\n
Umwe muri bo mbere y\u2019uko afatwa yagize ati\u00a0: \u201cAbanyeshuri twiga mu bigo bitandukanye mu Rwanda, twafashe icyemezo ko ikibazo cy\u2019akarengane twagiriwe twagishyikiriza Minisiteri y\u2019intebe. Tumaze gufata icyo cyemezo twiyambaje abantu batandukanye, twitoramo abajyayo kuko twese ntitwajyayo. Tuje kubagaragariza ko twavuyeyo kuko twakusanyije imikono hirya no hino turasinyisha twirinda ko hari abavuga ko ari imitwe turimo kurema.\u201d<\/p>\n
Polisi y\u2019u Rwanda yo ivuga ko yataye muri yombi 20 bigargambyaga<\/strong><\/p>\n Mu itangazo Polisi y\u2019igihugu yashyize ahagaragara mu masaha y\u2019umugoroba kuri uyu wa Kabiri, tariki ya 17 Nzeri 2013, riravuga ko mu masaha ya saa tanu z\u2019amanywa, Polisi y\u2019u Rwanda yataye muri yombi abantu 20, ahasanzwe hari ikigo abagenzi bategeramo imodoka ku Kacyiru mu karere ka Gasabo.<\/p>\n Aba bakaba bafashwe bari mu myigaragambyo itemewe barwanya gahunda ya Leta yo guha abanyeshuri batishoboye inguzanyo yo kwiga mu mashuri makuru na za Kaminuza hirya no hino mu gihugu.<\/p>\n Umuvugizi wa Polisi y\u2019u Rwanda, ACP Damas Gatare, yavuze ko imyigaragambyo yo kuri uyu munsi ihanwa n\u2019ingingo ya 685 mu mategeko ahana y\u2019u Rwanda, agace ka mbere kayo, aho igira iti\u00a0: \u201cUmuntu wese ukoresha inama ku mugaragaro cyangwa ukwigaragambya mu nzira nyabagendwa atabimenyesheje inzego bireba, ahanishwa igifungo kuva ku minsi umunani ariko kitageze ku mezi atandatu, n\u2019ihazabu y\u2019amafaranga y\u2019u Rwanda kuva ku bihumbi 100 kugeza kuri miliyoni imwe, cyangwa kimwe gusa muri ibyo bihano\u201d.<\/p>\n Bane mu bateguye iyo myigaragambyo, baracyari mu maboko ya Polisi mu gihe iperereza rigikomeza.<\/p>\n Umuvugizi wa Polisi y\u2019u Rwanda, ACP Gatare yagize ati\u00a0: \u201cPolisi y\u2019u Rwanda iributsa abaturage muri rusange ko hari uburyo bwemewe n\u2019amategeko bw\u2019abifuza kuba bakora imyigaragambyo. Ubu bukaba ari uburyo bugamije kubungabunga umutekano w\u2019abantu n\u2019ibintu byabo.<\/p>\n Aba banyeshuri batawe muri yombi, barimo abiga muri NUR, KIST, KIE, SFB, UPU n\u2019ahandi.<\/p>\n Babwiye abanyamakuru ko nubwo babwiwe ko ibyiciro by\u2019ubudehe bizasubirwamo ariko ko babivuze ku bari barangije kubaza ikibazo cyabo mu gihe abandi bavuga ko batigeze basurwa n\u2019itsinda ryagombaga kubasura ngo ryige ku kibazo cyabo, ari nacyo ahanini cyifuzwa n\u2019aba banyeshuri.<\/p>\n Source:igihe.com<\/p>\n","protected":false},"excerpt":{"rendered":" Abanyeshuri 40 biga mu mashuri makuru na za kaminuza mu Rwanda batawe muri yombi na Polisi y\u2019u Rwanda, nyuma yo guhura na bagenzi babo babasinyiye ku mpapuro zerekanaga akarengane bagiriwe, impapuro bavuze ko bagejeje kwa Minisitiri w\u2019Intebe.<\/p>\n","protected":false},"author":3,"featured_media":4088,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[64],"tags":[],"class_list":["post-4087","post","type-post","status-publish","format-standard","has-post-thumbnail","hentry","category-amakuru"],"yoast_head":"\n