Ubushinjacyaha bw\u2019u Rwanda burasabira Madamu Beatrice Munyenyezi kuba afunzwe by\u2019agateganyo mu gihe cy\u2019ukwezi. Buramurega ibyaha bikomeye bya jenoside kandi buvuga ko bukimukoraho iperereza. Uregwa n\u2019abamwunganira bo baravuga ko basanga yarekurwa by\u2019agateganyo kuko nta mpamvu zikomeye zatuma afungwa mbere y\u2019urubanza mu mizi. Hagati mu kwezi kwa kane uyu mwaka uyu mugore ni bwo yirukanywe ku butaka bwa Leta zunze ubumwe z\u2019Amerika nyuma yo gusanga yarabeshye inzego zo muri icyo gihugu ko nta ruhare yagize muri jenoside.<\/p>\n\n\n\n
Abanyamategeko Pierre Celestin Buhuru na Gatera Gashabana bunganira Madamu Beatrice Munyenyezi ni bo basabye ijambo ku mwuzo wa mbere bazamura inzitizi ko bitumvikana uburyo uwo bunganira yagejejwe ku butaka bw\u2019u Rwanda avuye muri Leta zunze ubumwe z\u2019Amerika. Bavuga ko nta dosiye igaragara niba icyo gihugu cyaramwohereje kuburanira mu Rwanda cyangwa se cyaramusubije mu gihugu cye cy\u2019amavuko nk\u2019umwenegihugu.<\/p>\n\n\n\n
Bavuze ko uregwa yabibwiriye ko yirukanywe ku butaka bwa Amerika nyuma yo gusanga yarabeshye ko atigeze agira uruhare mu bikorwa bya jenoside ubwo yasabaga ubwenegihugu. Mu makuru yahaye abamwunganira bavuga ko yemeye ko yafungiwe muri Amerika igihe cy\u2019imyaka 10 azira ibyo byaha. Ariko bakibaza ukuntu ubushinjacyaha butagaragaza dosiye y\u2019uburyo yageze mu Rwanda.<\/p>\n\n\n\n
Aba banyamategeko bakavuga ko mu gufatwa kwa Munyenyezi agafungwa bitubahirije amategeko kuko nta mpapuro mpuzamahanga u Rwanda rugaragaza ko rwari rwaramushyiriyeho rumushakisha ngo zibe ari zo zashingiweho.<\/p>\n\n\n\n
Ubushinjacyaha bwabwiye urukiko ko Munyenyezi yirukanywe na Leta zunze ubumwe z\u2019Amerika akigera ku kibuga cy\u2019indege i Kigali inzego z\u2019ubugenzacyaha zihita zimuta muri yombi. Bwavuze ko hari dosiye yari yarakozwe akekwaho ibyaha bya jenoside. Bwashimangiye ko uregwa atafashwe mu buryo bunyuranyije n\u2019amategeko kandi ko dosiye imushyikiriza u Rwanda yatanzwe na Ambasade ya Amerika mu Rwanda ko buyibitse.<\/p>\n\n\n\n
Bwavuze ko impapuro zimufata zakozwe ku itariki ya 16 y\u2019ukwezi kwa Kane akigera ku butaka bw\u2019u Rwanda, amenyeshwa ibyo aregwa atangira kubikurikiranwaho.<\/p>\n\n\n\n
Indi nzitizi abanyamategeko bunganira Madamu Munyenyezi bagejeje ku rukiko ni iy\u2019uko Munyenyezi yafunzwe imyaka 10 muri Amerika azira kugira uruhare muri Jenoside. Bisunze ingingo z\u2019amategeko u Rwanda rugenderaho n\u2019amasezerano mpuzamahanga rwashyizeho imikono baravuga ko ntawe ukwiye guhanwa ubugira kabiri ku byaha bimwe. Bagasaba urukiko gusuzuma niba hatarabayeho ubusaze bw\u2019ibyaha. Babwiye umucamanza ko nasanga byarazimye yahita atesha agaciro impapuro zimufunga.<\/p>\n\n\n\n
Ubushinjacyaha kuri iyi nzitizi na yo bwavuze ko nta shingiro ifite. Bwabwiye urukiko ko Munyenyezi yahaniwe anafungirwa kubeshya Amerika atahaniwe ibyaha bya jenoside.<\/p>\n\n\n\n
Bwahise buhabwa umwanya wo gusobanura ibyaha birindwi bya jenoside bumurega ko akekwaho kuba yarabikoreye mu cyahoze ari Perefegitura ya Butare i Huye mu ntara y\u2019amajyepfo. Bumurega ko mu 1994 yabanaga na nyirabukwe Pauline Nyiramasuhuko wari Minisitiri w\u2019uburinganire n\u2019iterambere ry\u2019umuryango n\u2019umugabo we Arsene Shaloom Ntahobari. Buvuga ko babaga muri Hotel Ihuriro yiciweho Abatutsi; Ko Munyenyezi ari we wabikaga urufunguzo rwa Kave \u2018ubuvumo\u2019 y\u2019iyo hotel kandi ko abatutsikazi bahicirwaga yabanzaga gufungurira Interahamwe zikabasambanyirizamo ku ngufu.<\/p>\n\n\n\n
Bamurega gushyiraho amabariyeri ahantu hatandukanye muri Butare no kwitabira inama zateguraga jenoside ndetse bakamurega ko we ubwe akoresheje imbunda ya masotela yicaga Abatutsi. Ibyo n\u2019ibindi bubishingira ku batangabuhamya bahawe amazina y\u2019ibanga kubera umutekano wabo. Bugasaba ko yaba afunzwe by\u2019agateganyo mu gihe bugikora iperereza.<\/p>\n\n\n\n
Ahawe ijambo, Munyenyezi wumvikanaga mu ijwi ryo hasi yabwiye urukiko ko ibyaha byose abihakana. Yavuze ko yageze i Butare mu 1993 atwite abantu batamuzi kuko atari ahamenyereye atanakundaga kugenda. Yavuze ko n\u2019abagize umuryango wo kwa nyirabukwe bose atari abazi. Yavuze ko abamushinja ibyaha batari bamuzi.<\/p>\n\n\n\n
Uregwa yabwiye urukiko ko hagati y\u2019ukwezi kwa Mbere n\u2019ukwa kabiri muri 94 yari atwite indi nda y\u2019impanga ku buryo ngo yirirwaga mu rugo kandi atashoboraga no kugenda n\u2019amaguru kubera ko inda yari ifite ibibazo. Yavuze ko yari anafitanye ibindi bibazo n\u2019abo kwa nyirabukwe Nyiramasuhuko. Yavuze ko muramukazi we yamuteye icyuma mu gahanga. Akivuga ayo magambo yaturitse asuka amarira mu rukiko umucamanza asaba kumuha amazi. Munyenyezi yavuze ko ku myaka 51 atarigera afataho imbunda nk\u2019uko abishinjwa kuyicisha abatutsi.<\/p>\n\n\n\n
Umucamanza yamubajije icyo atekereza gituma aregwa ibyaha biremeye bya jenoside, undi na we avuga ko bitumvikana. Gusa yumvikanishije igisa no gukeka ko intandaro ari umugabo we Ntahobari na nyirabukwe Nyiramasuhuko bahamwe n\u2019ibyaha bisa n\u2019ibyo aregwa.<\/p>\n\n\n\n
Yabwiye urukiko ko yamaze imyaka 10 afunzwe muri Amerika kandi ko kongera kumufunga kubera ibibazo by\u2019ubuzima afite atasobanuye bishobora kutazamugwa neza. Abanyamategeko bamwunganira bavuze ko abatangabuhamya bamushinja ibyaha bigaragara ko batamuzi. Hafi ya bose uko ari umunani bavuga ko bari bamuzi yiga muri kaminuza y\u2019u Rwanda mu gihe ahubwo n\u2019amashuli yisumbuye atari yakayarangije kuko bahise bamutera inda. Bavuze ko abo bamushinja bagiye bateshwa agaciro n\u2019urukiko rwa Arusha.<\/p>\n\n\n\n
Ubushinjacyaha bukavuga ko mu kumukorera dosiye habayeho ukwibeshya kuko ngo umugabo wa Munyenyezi Ntahobari ari we wigaga muri Kaminuza. Umunyamategeko Buhuru avuga ko abamushinja bigaragara ko bagiye bahanahana amakuru yo kumubeshyera akabita \u201cAssociation des menteurs\/ Ishyirahamwe ry\u2019ababeshyi\u201d.<\/p>\n\n\n\n
Kuri Gashabana akavuga ko no mu rubanza rw\u2019uwari Perezida wa Cote d\u2019Ivoire Bwana Laurent Gbagbo hagaragaye abatangabuhamya bameze nk\u2019abashinja Munyenyezi bituma urukiko ruhita rumurekura ako kanya.<\/p>\n\n\n\n
Munyenyezi w\u2019imyaka 51 y\u2019amavuko ni umukazana wa Paulina Nyiramasuhuko wari minisitiri w\u2019uburinganire n\u2019iterambere ry\u2019umuryango kuri guverinoma y\u2019Abatabazi ubu yakatiwe n\u2019inkiko imyaka 47 nyuma yo kumuhamya ibyaha bya jenoside. Umugabo wa Munyenyezi Arsene Shaloom Ntahobari na we yakatiwe gufungwa imyaka 25.<\/p>\n\n\n\n
Urukiko ruzafata icyemezo ku ngingo y\u2019ifungwa n\u2019ifungurwa ry\u2019agateganyo ku itariki ya 10\/05.<\/p>\n\n\n\n
VOA<\/p>\n","protected":false},"excerpt":{"rendered":"
Ubushinjacyaha bw\u2019u Rwanda burasabira Madamu Beatrice Munyenyezi kuba afunzwe by\u2019agateganyo mu gihe cy\u2019ukwezi. Buramurega ibyaha bikomeye bya jenoside kandi buvuga ko bukimukoraho iperereza. Uregwa n\u2019abamwunganira bo baravuga ko basanga yarekurwa by\u2019agateganyo kuko nta mpamvu zikomeye zatuma afungwa mbere y\u2019urubanza mu mizi. Hagati mu kwezi kwa kane uyu mwaka uyu mugore ni bwo yirukanywe ku butaka […]<\/p>\n","protected":false},"author":2,"featured_media":41102,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[30],"tags":[],"class_list":["post-41101","post","type-post","status-publish","format-standard","has-post-thumbnail","hentry","category-rwanda"],"yoast_head":"\n