{"id":41216,"date":"2021-05-13T01:51:45","date_gmt":"2021-05-12T23:51:45","guid":{"rendered":"https:\/\/www.therwandan.com\/ki\/?p=41216"},"modified":"2021-05-13T01:52:29","modified_gmt":"2021-05-12T23:52:29","slug":"munyenyezi-yajuririye-ifungwa-ryagateganyo","status":"publish","type":"post","link":"https:\/\/www.therwandan.com\/ki\/munyenyezi-yajuririye-ifungwa-ryagateganyo\/","title":{"rendered":"Munyenyezi yajuririye ifungwa ry\u2019agateganyo"},"content":{"rendered":"\n

Yanditswe na Frank Steven Ruta<\/strong><\/p>\n\n\n\n

Ubwo yagezwaga imbere y\u2019umucamanza ngo asomerwe umwanzuro w\u2019Urukiko ku cyemezo cy\u2019urubanza aherutse kuburana ku ifungwa n\u2019ifungurwa ry\u2019agateganyo, B\u00e9atrice Munyenyezi yamenyeshejwe ko agomba gufunwga iminsi 30 y\u2019agateganyo, ahita ajuririra iki cyemezo.<\/p>\n\n\n\n

Mu rubanza rwa Madamu Beatrice Munyenyezi\u00a0 ubwo yitabaga Urukiko rw\u2019Ibanze rwa Kicukiro ruri mu Kagarama kuri uyu wa Mbere tariki ya 10\/05\/2021, nk\u2019uko bisanzw umutekano wari wakajijwe, kwinjira mu marembo y\u2019Urukiko ukabanza kwisobanura uvuga uwo uri we, byaba ngombwa ukanasabwa ibyangombwa.<\/p>\n\n\n\n

Imbere mu rukiko harimo abapolisikazi babiri umwe ibumoso bw\u2019umuryango mugari, undi uburyo bwawo, bambaye za masotera (Pistolets), inteko iburanisha yari igizwe n\u2019umucamanza w\u2019umugore, umwanditsi w\u2019umugore. Umushinjacyaha na we ni umugore.<\/p>\n\n\n\n

Mu rukiko, Madamu Munyenyezi yari kumwe n\u2019umwunganizi we mu mategeko, Ma\u00eetre Pierre C\u00e9l\u00e9stin Buhuru. Munyenyezi yambaye imyenda yo mu bwoko bwa training za siporo. Ahagaze mu rukiko atuje, atumbereye Umucamanza uri gusoma umwanzuro w\u2019urubanza.<\/p>\n\n\n\n

Umucamanza yiseguye avuga ko atari busome ingingo ku yindi mu buryo urubanza rwaburanishijwe.<\/p>\n\n\n\n

Bunyenyezi n\u2019abamwunganira ubushize bari bavuze ko yafashwe mu buryo bunyuranyije n\u2019amategeko, kuko nta nyandiko yemewe n\u2019amategeko imuta muri yombi.<\/p>\n\n\n\n

Umucamanza ariko yavuze ko inyandiko imuta muri yombi yakozwe umunsi yagereyeho mu Rwanda, ikaba iri no mu idosiye. Batrice Munyenyezi aburana yavugaga ko ataburanishwa kabiri ku kirego kimwe yanafungiwe, ariko ubushinjacyaha bukaba bwo bwaravuze ko muri Amerika Munyenyezi yafunzwe imyaka icumi kubera ko yabeshye inzego z\u2019Abinjira n\u2019Abasohoka ngo akunde abone ibyangombwa, ubu akaba ari bwo akurikiranyweho ibyaha bifitanye isano na Jenoside.<\/p>\n\n\n\n

Igisobanuro cyatanzwe n\u2019ubushinjacyaha kuri iyi ngingo ni nacyo cyabaye umwanzuro w\u2019Umucamanza ku kuburanisha bushya Munyenyezi.<\/p>\n\n\n\n

Munyenyezi aburana yavugaga ko yari atwite inda yamuguye nabi cyane kandi afite abana 2 bato b’impanga, ko atari kubona imbaraga zo gukora amahano, kandi ko atigeze akoresha na rimwe imbunda mu buzima bwe. Umucamanza yanzuye avuga ko hari abatangabuhamya bamubonye atanga mabwiriza yo kwica abantu, kandi ko hari n\u2019abatangabuhamya bamubonye arasa umuntu, hakaba n\u2019abamushinja gushumuriza abatutsikazi Interahamwe zikabasambanya mbere yo kubica.<\/p>\n\n\n\n

Umucamanza yavuze ko hari ibimenyetso bituma Betarice Munyenyezi akekwaho icyaha, kandi ko igifungo cy\u2019ibyaha akurikiranyweho kiri hejuru y\u2019imyaka ibiri, ko bityo agomba gufungwa iminsi 30 y\u2019agateganyo.<\/p>\n\n\n\n

Munyenyezi yashize yitsa umutima gato, nk\u2019utunguwe n\u2019umwanzuro w\u2019urukiko, avugana gato n\u2019umwunganizi we, ubundi ahita asaba ijambo avuga ko ajuririye icyemezo cyo gufungwa iminsi 30.<\/p>\n\n\n\n

Umucamanza yamubwiye kubyandika mu magambo ku nyandiko y\u2019umwanzuro w\u2019Urukiko, Munyenyezi arabyandika arabisinyira we n\u2019umwunganira, iburanisha rirasozwa.<\/p>\n\n\n\n

Munyenyezi yegerewe n\u2019abapolisikazi bamwambika amapingu, asohoka yigenza bitandukanye n\u2019uko basanzwe babikora bafashe imfungwa mu mayunguyungu no mu ntugu bayitunarika. Akigera hanze , yasabye ko boroshya amapingu, umupolisikazi arayoroshya, amubaza niba yumva noneho bimeze neza, Munyenyezi ati ubu noneho twagenda.<\/p>\n\n\n\n

Uretse abitabiriye urubanza rwa Munyenyezi, nta bandi bantu bagaragaraga ku rukiko, n\u2019abakozi bahacaracaraga ntibagera ku bantu icumi.<\/p>\n\n\n\n

Munyenyezi uhakana ibyaha byose, yageze mu Rwanda avuye muri Leta Zunze Ubumwe za Amerika, avuga ko ibyo aregwa bitari ukuri ahubwo biterwa no kuba afitanye amasano n\u2019ababikurikiranyweho, nko kuba ari umugore wa Ars\u00e8ne Ntahobari akaba n\u2019umukazana wa Minisitriri Paulina Nyiraramasuhuko wakatiwe n\u2019Urukiko rwa Arusha<\/p>\n\n\n\n

Uko Umwanzuro wa Nyuma w\u2019urubanza wasomwe n\u2019umucamanza, uko Munyenyezi yasohotse mu rukiko<\/strong><\/p>\n\n\n\n

\n