{"id":4192,"date":"2013-10-02T23:04:42","date_gmt":"2013-10-02T21:04:42","guid":{"rendered":"http:\/\/www.therwandan.com\/ki\/?p=4192"},"modified":"2021-10-03T18:59:06","modified_gmt":"2021-10-03T16:59:06","slug":"ibyo-benshi-batamenye-ku-rugamba-rwo-mu-kwakira-1990","status":"publish","type":"post","link":"https:\/\/www.therwandan.com\/ki\/ibyo-benshi-batamenye-ku-rugamba-rwo-mu-kwakira-1990\/","title":{"rendered":"Ibyo benshi batamenye ku rugamba rwo mu Kwakira 1990"},"content":{"rendered":"

Nk’uko benshi babizi ingabo za FPR zari igice cy’ingabo za Uganda NRA zateye u Rwanda ziturutse i Kagitumba tariki ya 1 Ukwakira 1990.<\/p>\n

Biragoye kumenya neza umubare w’abateye kuko buri ruhande mu barwanaga rwatangaga imibare rwishakiye bitewe na propaganda, ku ruhande rwa FPR bemezaga ko batarengaga 3000 naho ku ruhande rwa FAR (Les Forces Arm\u00e9es Rwandaises) bemezaga ko abateye bagera ku 10000, ni ukuvuga ingabo zari ku rugamba, izafashaga mu rwego rw’ibikoresho n’abari hafi y’umupaka muri Uganda biteguye kwinjira mu mirwano igihe cyose.<\/p>\n

Mu rwego rw’ibikoresho, ingabo za FPR zari zifite ibyo zakuye mu ngabo za Uganda ndetse n’abasirikare bari bamenyereye urugamba dore ko benshi bari baje baturutse ku rugamba mu majyaruguru ya Uganda, tutibagiwe intambara yo gushyira Museveni ku butegetsi. Hari na benshi bari bararwanye intambara \u00a0yo gukuraho Idi Amin ndetse hari n’abarwanye muri Mozambique.<\/p>\n

\"Gen<\/a>
Gen Major BEM D\u00e9ogratias Nsabimana alias Castar<\/figcaption><\/figure>\n

Ingabo z’u Rwanda icyo gihe zari zifite abasirikare bagera ku 5000, ni ukuvuga ko kongeraho abajandarume n’abareservistes (abari baravuye ku rugerero) ntabwo zarengaga 8000.<\/p>\n

Dore imwe mu mitwe y’ingabo (Arm\u00e9e Rwandaise) y’icyo \u00a0gihe:<\/p>\n

Umugaba mukuru w’ingabo: \u00a0Gen Major Juv\u00e9nal Habyalimana<\/p>\n

Umugaba mukuru w’ingabo wungirije: \u00a0Colonel Laurent Serubuga<\/p>\n

Ushinzwe abakozi (G1): Lt Col BEM Munyarugarama<\/p>\n

Ushinzwe imirwano: (G3)Major BEM Ephrem Rwabarinda<\/p>\n

Ushinzwe iperereza: (G2)Lt Col BEMS Anatole Nsengiyumva<\/p>\n

Ushinzwe ibikoresho: (G4)Major Ngirumpatse Pascal<\/p>\n

-Bataillon de Reconnaissance (Camp Kigali): Major BEMS Ildephonse Rwendeye<\/p>\n

-Bataillon Para-Commando (Camp Col Mayuya): Commandant CGSC Aloys Ntabakuze<\/p>\n

-Bataillon Artillerie de Campagne (Camp Col Mayuya): Commandant BEMS Aloys Mutabera<\/p>\n

-Bataillon LAA (Camp Col Mayuya): Colonel BEMS Th\u00e9oneste Bagosora<\/p>\n

-Cie Genie: Commandant Munyampotore<\/p>\n

-Bataillon Commando Huye (Camp Kibungo): Major BEMS Alphonse Nteziryayo<\/p>\n

-Bataillon Commando Ruhengeri (Camp Mukamira): Major BEM Augustin Bizimungu<\/p>\n

-Bataillon Garde Pr\u00e9sidentielle (Camp Kimihurura): Major BEM L\u00e9onard Nkundiye<\/p>\n

-CE Cdo Bigogwe: Commandant David Tulikunkiko<\/p>\n

-Cie PM (Camp Kami): Commandant BEM Emmanuel Neretse<\/p>\n

-Cie Gitarama: \u00a0Major Anastase Ntirurashira<\/p>\n

-Cie Butare (Camp Ngoma): Major Claudien Singirankabo<\/p>\n

-ESO (BUTARE): Colonel BEM Marcel Gatsinzi<\/p>\n

-ESM: Colonel Bonaventure Buregeya<\/p>\n

-Cie Cyangugu: Major Joseph Murasampongo<\/p>\n

-Cie Kibuye: Capitaine Bahizi Innocent<\/p>\n

-Cie Gisenyi: Major BEM Bahufite<\/p>\n

-Cie Mutara (Camp Gabiro): Major CGSC Stanislas Hakizimana<\/p>\n

-Cie Byumba : Major Pierre Ngirabanyiginya<\/p>\n

-Cie Musique (Camp Kigali): Commandant Alexis Rwabukwisi<\/p>\n

-Cie QG (Camp KIgali): Lt Colonel Denis NKIZINKIKO<\/p>\n

-Cie Medicale (Camp Col Mayuya): Major Dr Laurent Baransaritse<\/p>\n

-Escadrille Aviation (Kanombe): Colonel Pilote S\u00e9bastien Ntahobali<\/p>\n

-Base AR (Camp Col Mayuya): Colonel BEMS F\u00e9licien Muberuka<\/p>\n

-Cie Bat\u00eements Militaires: Commandant Ntibihora<\/p>\n

Kongeraho abasirikare b’abarikiri bageraga kuri Bataillons 2 bari muri CI Bugesera yategekwaga na Colonel BEM D\u00e9ogratias Nsabimana.<\/p>\n

\"\"<\/a>
Bamwe mu basirikare ba FAR bareba zimwe mu mbunda nto zari zafatiwe ku rugamba mu Mutara mu 1990<\/figcaption><\/figure>\n

Imirwano yagenze gute?<\/strong><\/p>\n

Tariki ya 1 Ukwakira 1990 ingabo za FPR zateye ibiro bya gasutamo i Kagitumba zirahafata bitaziruhije. Abasirikare ba FAR bari bahari ntacyo bashoboye gukora ndetse uwari ubayoboye Adjudant Gasore ari mu bahaguye bwa mbere kuko yaje gusanganira Inkotanyi agira ngo ni abasirikare ba Uganda baje kubasuhuza. Ariko umusirikare wakoraga mu itumanaho yashoboye gutabaza, ubutumwa butabaza bwumviswe n’abari bashinzwe itumanaho muri Cie Cyangugu aba aribo babimenyesha ubuyobozi bukuru bw’ingabo. (Perezida Habyalimana yari i New York mu nama muri ONU, naho Col Serubuga wari umwungirije yari mu mahanga mu bikorwa by’ubucuruzi bya Soci\u00e9t\u00e9 RWANDAFOAM yari afatanije na Bertin Makuza)<\/p>\n

\"Nyakwigendera<\/a>
Lt Col BEMS Ildephonse Rwendeye<\/figcaption><\/figure>\n

Ku gicamunsi cyo ku ya 1 Ukwakira 1990, ubuyobozi bw’ingabo bwohereje Lt Col Rwanyagasore ayoboye uruvange rw’abasirikare bavuye mu mitwe y’ingabo itandukanye bahabwa ubutumwa bwo kujya gushinga ibirindiro i Gabiro.<\/p>\n

Urugamba rwa mbere rwabereye i Matimba tariki ya 2 Ukwakira 1990, aho Compagnie Mutara ya \u00a0Major CGSC Hakizimana, ifatanije na Escadron imwe ya Bn Recce na Peloton ya Mortier 120mm ya Bn AC yari iyobowe na Lt Isaac Bugingo batashoboye guhagarika ingabo za FPR. Ndetse bamwe bakwirwa imishwaro. Kuri uyu munsi nibwo bivugwa ko Gen Major Fred Gisa Rwigema wari uyoboye FPR yapfuye ariko bigirwa ibanga.<\/p>\n

Kuri uwo munsi Inkotanyi zahise zitera abasirikare bake ba Cie Mutara barindaga umupaka i Rwempasha na Nyagatare hose zirahafata bitaziruhije, abasirikare ba FAR bahise basubira inyuma bagana i Gabiro.<\/p>\n

Inkotanyi zahise zigabamo amashami 2, rimwe ryerekeza i Gabiro irindi ryerekeza i Nyagatare na Ngarama, ndetse zikomeza zigana Muvumba na Rukomo.<\/p>\n

\n\t\t
<\/div>\n\t
<\/div>\n\t