Perezida w\u2019u Rwanda, Paul Kagame na mugenzi we wa Repubulika Iharanira Demokarasi ya Kongo, Felix Tshisekedi baratangaza ko biteguye gukorana bya hafi muri gahunda zinyuranye zirimo izigamije kugarura umutekano wabaye akahebwe mu burasirazuba bwa Kongo n\u2019iz\u2019ubukungu.<\/p>\n\n\n\n
Ibyo babitangarije mu kiganiro aba bakuru b\u2019ibihugu bagiranye n\u2019abanyamakuru mu mujyi wa Goma kuri uyu wa gatandatu mu masaha y\u2019umugoroba.<\/p>\n\n\n\n
Muri icyo kiganiro Perezida Tshisekedi yavuze ko yatangiye inzira yo kugarura umutekano muri igice cya Kongo kandi ko abona ibintu bigenda neza.<\/p>\n\n\n\n
Tshisekedi yagize ati \u00ab Twashyizeho ibihe bidasanzwe, dushyiraho abaguverineri b\u2019abasirikare mu ntara za Ituri na Kivu y\u2019Amajyaruguru ; atari uko abandi abayobozi b\u2019abasivilie bari basanzwe baziyobora tutabizeye. Ntaho bihuriye, kwari ukugirango habeho gukurikirana iki kibazo mu buryo bukaze, kugira ngo bitange umusaruro ; kandi iki cyemezo cyo kugena ko abasirikare ari bo bayobora izi ntara kizatanga umusaruro. Nizeye ko kizatanga umusaruro kandi turi kubibona ko ibintu biri kugenda neza. \u00bb<\/p>\n\n\n\n
Kuri iyi ngingo yo kugarura umutekano umutekano muri iki gice cya Kongo cyashegeshwe n\u2019umutekano muke, Perezida Paul Kagame yavuze ko u Rwanda rwiteguye guha Kongo umusanzu warwo ushoboka, kugira ngo uhagaruke. Yavuze kandi ko nta mpamvu n\u2019imwe yo kutagera kuri iyo ntego. Yashyigikiye icyemezo cy\u2019ibihe bidasanzwe cyafashwe n\u2019umukuru w\u2019igihugu cya Kongo.<\/p>\n\n\n\n
Perezida Kagame yongeyeho ko kugira ngo imikoranire y\u2019ibihugu byombi igende neza binasaba kwizerana. Perezida Kagame yagize ati \u00ab Iyo hariho kwishishanya, ni byo bikurura kudakorana, ni ngombwa ko habaho kwizerana ku mpande zombi kuko ari bwo mukorana nk\u2019umuntu umwe.\u00bb<\/p>\n\n\n\n
Perezida Tshisekedi na we ashyigikiye iyi ngingo y\u2019ubufatanye bw\u2019ibihugu byombi, cyane mu bijyanye n\u2019umutekano.<\/p>\n\n\n\n
Perezida Tshisekedi yanavuze ko Kongo ihagaze neza mu byerekeranye no kwinjira mu muryango w\u2019Afrika y\u2019Uburasirazuba, kw\u2019iki gihugu.<\/p>\n\n\n\n
Aba bakuru b\u2019ibihugu by\u2019u Rwanda na Kongo banatangaje ko ibihugu bigiye gukorana kurushaho mu rwego rwo kunoza ubucuruzi bwambukiranya umupaka, aho bavuze ko hagomba kujyaho ingamba zituma ubu bucuruzi bukorwa nta nkomyi.Perezida Paul Kagame.<\/p>\n\n\n\n
Kuri uyu wa gatanu perezida Kagame yakiye mugenzi we Tshisekedi i Rubavu mu mujyi wa Gisenyi. Kuri uyu wa gatandatu, Perezida Kagame na we asura mugenzi we Tshisekedi mu mujyi wa Goma. Banasuye ibikorwa binyuranye byangijwe ku mpande zombi n\u2019iruka rya Nyiragongo ryabaye mu mpera z\u2019ukwezi gushize. Perezida Kagame yasoje uruzinduko rwe yari yagiriye muri Repubulika Iharanira Demokarasi ya Kongo.<\/p>\n\n\n\n