{"id":42173,"date":"2021-07-09T17:47:40","date_gmt":"2021-07-09T15:47:40","guid":{"rendered":"https:\/\/www.therwandan.com\/ki\/?p=42173"},"modified":"2021-07-10T21:02:57","modified_gmt":"2021-07-10T19:02:57","slug":"ku-mugaragaro-u-rwanda-rwohereje-ingabo-muri-mozambique","status":"publish","type":"post","link":"https:\/\/www.therwandan.com\/ki\/ku-mugaragaro-u-rwanda-rwohereje-ingabo-muri-mozambique\/","title":{"rendered":"Ku mugaragaro, u Rwanda rwohereje ingabo muri Mozambique"},"content":{"rendered":"\n

Yanditswe na Frank Steven Ruta<\/strong><\/p>\n\n\n\n

Itangazo ryasohotse none kuwa Gatanu tariki ya 09 Nyakanga 2021 Leta y\u2019u Rwanda iravuga ko yatangiye kohereza Umutwe w\u2019ingabo  n\u2019umutwe w\u2019Abapolisi muri Mozambique.<\/p>\n\n\n\n

Iyi mitwe yombi igizwe n\u2019abasirikare n\u2019abapolisi bose hamwe igihumbi, bakaba bagiye gushinga ibirindiro mu Ntara ya Cabo Delgado aho bazakorera ibikorwa byabo byo kubungabunga umutekano, ngo kuko iyi Ntara yibasiwe n\u2019ibitero by\u2019abarwanyi bo mu mitwe y\u2019iterabwoba yitwaza idini ya islamu.<\/p>\n\n\n\n

Itangazo rya Leta y\u2019u Rwanda rikomeza rivuga ko aboherejwe muri Mozambique bazatera ingabo mu bitugu ingabo za Repubulika ya Mozambique, ariko kandi bakazanafatanya n\u2019Ingabo z\u2019Umuryango w\u2019Ibihugu by\u2019Afurika y\u2019Amajyepfo (SADC) mu bikorwa bizaba byumvikanyweho.<\/p>\n\n\n\n

Iri tangazo risobanura neza ko izi ngabo zitagiye kureberera ko ahubwo n\u2019urugamba zizarurwana, kandi zigafasha mu gushyira ku murongo urwego rw\u2019umutekano muri Mozambique. <\/p>\n\n\n\n

Iki gikorwa kije gikurikira amasezerano yabaye hagati y\u2019ibihugu byombi kuwa 20 Nyakanga 2018, n\u2019andi yagiye asinywa nyuma yaho. <\/p>\n\n\n\n

Ababikurikiranira hafi ariko, bo bakemeza ko hari itsinda rito ry\u2019ingabo z\u2018u Rwanda ryari ryaramaze kugera muri Mozambique mu mezi abiri ashize, rikabanza kwiga ku byo itsinda rigari ryari kuzajyayo rigiye gukora.<\/p>\n\n\n\n

Kwanzura iby\u2019ubu bufatanye mu bya gisirikare byemerejwe i Kigali mu ruzinduko rw\u2019akazi rw\u2019ibanga Perezida Filipe Nyusi aherutse kugirira mu Rwanda mu kwezi kwa Kane 2021.<\/p>\n\n\n\n

Gutinda kwemeza ko hari ingabo zari abanje koherezwa muri Moambique bikaba byaratewe no kuba umuryango SADC wari utarabitangira uburenganzira, kuri Mozambique nk\u2019igihugu kinyamuryango.<\/p>\n\n\n\n

Kugeza ubu iki gikorwa cyo kohereza ingabo muri Mozambique benshi mu bakurikiranira ibintu hafi ntabwo bagishira amakenga hakaba hakekwa izindi nyungu zaba iz’ubukungu dore ko intara ya Cabo Delgado ikungahaye kuri Gaz icukurwa na sosiyete y’abafaransa yitwa Total. Aha kandi ntitwakwirengagiza izindi nyungu za diplomatie na G\u00e9opolitique mu rwego rw’akarere.<\/p>\n\n\n\n

\"\"<\/figure>\n\n\n\n
\n